126
(öl. 1193) və Əmmar əl-Bidlisi (öl. təqr. 1200) kimi məşhur şiələ-
rə mürşidlik edir. Onun şagirdləri isə böyük Xarəzm sufisi Nəc-
məddin Kübranın ("kübraviyə" təriqətinin banisi) mürşidləri
olurlar (18, 64).
Ömər Sührəverdi dövrünün hərtərəfli biliyə malik şəxslərin-
dən biri olmuşdur. O, böyük sufi nəzəriyyəçisi, filosof, fiqh -
islam hüququnun dərin bilicilərindən biri, həmçinin böyük ic-
timai-siyasi xadim və diplomat idi. Ömər Sührəverdinin şəxsində
o dövrün hakim dini və dövlət rəhbərləri ilə isti münasibət qur-
ması və onların məhəbbətini qazanması, bu təriqət üzvlərinin
xəlifə və dövlətdə müxtəlif vəzifələr almasına səbəb oldu. Bu isti
münasibətin nəticəsi idi ki, Sührəverdi xəlifə ən-Nasir li-Dinil-
lahın (1180-1225) müşaviri kimi məsul diplomatik vəzifəyə təyin
olunur.
Tarixdən məlumdur ki, əyyubilərlə və Xarəzm sultanı ilə Xə-
lifənin (ən-Nasir li-Dinillah) gərgin münasibətlərinin normallaş-
masında onun böyük əməyi olmuşdur. O, Xəlifənin adından Su-
riya və Misirə, əyyubilərin paytaxtı Hələb şəhərinə diplomatik
danışıqlara gedir. Onun Hələbdə alimlərlə apardığı qızğın müza-
kirələr barədə çağdaşları yazırdılar: "Sührəverdi əl-Malik əz-
Zahirin sarayında elə bir nitq irad elədi ki, təmtəraqlı olmaqla
bərabər, həm də o qədər təsirli idi ki, dinləyicilərin qəlbini ram
etdi və gözlərini yaşartdı" (18, 65). 400 minlik qoşunla Bağdada
hücuma hazırlaşan Xarəzmşah Məhəmmədlə 1217-1218-ci illərdə
Sührəverdi diplomatik danışıqlar aparır və gözlənilən hərbi
səfərin qarşısını alır (87). Bir il sonra o, diplomatik missiya ilə
Anadoluya, Konyadakı Səlcuq hakimi I Əlaəddin Keyqubadla
görüşə gedir. İbn Bibi Battuta onun Kiçik
Asiyaya gəlməsini
təsvir edərkən yazır ki, səfirin Ağsaraya yetişdiyini eşidəndə Sul-
tan Əlaəddin sufilər, əxilər və fütüvvə sahibləri ilə birlikdə onu
qarşılamağa çıxdı. Sultan Sührəverdi ilə görüşərkən onun əlini
öpdü. Sultan Əlaəddin Şeyx Sührəverdinin hədiyyəsi olan bə-
zədilmiş qızıl nallı qatırın dırnağından öpdü. Şəmsəddin Əhməd
Əflakinin verdiyi məlumata görə, Şeyx Sührəverdinin Konyada
qəbulu epizodu maraqlıdır. Azərbaycan filosofu ilə Cəlaləddin
127
Ruminin atası, o dövrün tanınmış siyasi xadimi Bəhaəddin Vələd
(ö. - 1231) arasındakı münasibətə xüsusi diqqət yetirilir. Tarixçi
yazır: “Xəlifə tapşırığını çatdırdıqdan sonra Bəhaəddin Vələd
şeyxə böyük ehtiram göstərdi, ona dedi ki, sührəverdilər həm ətiq
şeyləri sevəndirlər, həm də bizə yaxın qohumdurlar.” Bəhaəddin
Vələd səltənət adından sührəverdilərə yaxın qohum olduğunu de-
yərkən, şübhəsiz, onların türk, daha doğrusu, azərbaycanlı olduq-
larına işarə etmişdi (86).
Sührəverdi Xəlifənin səfiri, bir dövlət xadimi olmaqla yanaşı,
həm də şeyx, təriqət rəhbəri, sufi nəzəriyyəçisi və filosof alim idi.
Onun sufiliyə və fəlsəfəyə dair yazdığı bir sıra əsərlər (“Biliklə-
rin töhfələri” (“Əvarif əl məarif”), “Ariflərin məqamları” (“Mə-
qamat əl-arifin”), “Təsəvvüfə dair traktat” (“Risalə fi-t- təsəv-
vüf”), “Ruha dair traktat” (“Risalə fi-r-ruh”), “İman nəsihətlərinin
inşası və yunan qəbahətlərinin ifşası” (“Rəşt ən-nəsib əl- ima-
niyyə va kəşf əl-fədaih əl-yunaniyyə”), “Sührəverdi vəsiyyətləri”,
“Kuşeyri Risaləsi”, “Füttuhat” və s.) öz dövründə və sonralar çox
məşhur idi. Hələ XIII-XVI əsrlərdə onun bir sıra əsərləri və
əsərlərinə yazılmış şərhlər ərəb dilindən fars və türk dillərinə
çevrilmişdi. Onun “İman nəsihətlərinin inşası və yunan qəbahət-
lərinin ifşası” əsəri fəlsəfə tarixi baxımından dəyərli bir əsər olub
Yunan fəlsəfəsi və bu fəlsəfənin təsirinə düşmüş daha dəqiq de-
sək, “ellinləşmiş filosoflara” qarşı yazılmışdı. Əsər 1373-cü ildə
Məyinəddin Yəzdi tərəfindən fars dilinə tərcümə edilmişdir (88).
"Əvarif əl-məarif" ("Bilik xəzinəsinin töhfələri") adlı əsəri isə
Hacı Əhməd bin Seydi əl-Bigavi tərəfindən 1458-ci ildə türkcəyə
çevrilmişdi (87).
Böyük sufi şeyxi olan Ömər Sührəverdi özünün bir sıra
əsərlərində ayrı-ayrı sufi intellektuallarının fikirlərini təhlil edir,
sufiliyin bu və ya digər ideyalarının mahiyyətinin açıqlanmasına
geniş yer verirdi. O, özünün “Biliklərin töhfələri” əsərində təsəv-
vüfün mahiyyətinə dair sufi şeyxlərinin dedikləri haqqında ya-
zırdı: “Təsəvvüfün mahiyyətinə dair şeyxlərin dedikləri min söz-
dən çoxdur. Onların nəqli uzun çəkər. Onların mənalarının hamı-
sını özündə toplayan bir qaydanı qeyd edək. Mənaların bir-birinə
128
yaxınlığı müxtəlif olsa da, sözlər var. Beləliklə, deyirik: Sufi odur
ki, daim təmizləyir: nəfsin qatışığından qəlbi təmizləməklə
bulanıqların qatışığından vaxtları təmizləməkdə davam edir. Öz
ağasına ehtiyacının davam etməsi onu bütün bu təmizləmə üzrə
təyin edir. Ehtiyacın davam etməsi ilə bulanıqdan arınır. Hər dəfə
nəfs hərəkətə gəldikdə və öz sifətlərindən birində təzahür etdikdə
onun nüfuzedici bəsirəti ilə dərk edir, ondan Rəbbinə doğru qaçır.
Onun toplantısı öz təmizlənməsinin davamçısıdır, təfriqəsi və
bulanıqlığı öz nəfsinin hərəkətincədir. O, öz qəlbi üzərində
Rəbbinə görə qalır, öz nəfsi üzərində qəlbinə görə qalır. Allah-
təala demişdir: “Daim qalıb Allah üçün ədalətlə şəhidlər olun”.
Nəfs üzərində Allah üçün bu qalmaqlıq təsəvvüfdə özünü
doğrultmuşdur” (89, 194). O, sufilik yolunun əziyyətli bir yol ol-
duğunu qəbul edərək bəzi şeyxlərə istinadən bildirirdi: “Təsəv-
vüf bütövlükdə iztirabdır. Əgər sükut vaqeədirsə, təsəvvüf yox-
dur. Burada sirr odur ki, ruh ilahi həsrətə cəzb olunur, yəni ki,
sufinin ruhu qürb vətənlərinə can alıb cəzb olunur” (89, 194).
Ömər Sührəverdi öz sufi təlimində mahiyyət etibarilə sufi-
lərin mötədil qanadını təmsil edir və ifrat sufilərin səma və vəcd
halı ilə dini ənənələrdən və əxlaq qaydalarından qırağa çıxmağı
qəbul etmirdi. O yazırdı: “Təsəvvüf bütün hallarda həqiqət (doğ-
ruluq) üzərində qurulubdur və hər yöndə ciddidir. Sadiq bir mürid
niyyətini Allah Təala üçün xalis etmirsə, səma qurulan toplantıya
getməməli, səma ilə xoş halının və mənəvi durumunun yaxınlaş-
masını istəyərək nəfsini hər hansı bir şeyə meyl etməkdən çəkin-
dirməlidir. Sonra belə toplantılara qatılmaqdan öncə istiharə (gör-
düyü işi araşdırma) etməli, kəskin qərar verəndə də Allah Təala-
dan onda bərəkət yaratmasını istəməlidir. Məclisə tam arxayınlıq-
la və ciddi təmkinlə getməlidir” (33, 253). Onun "Əvarif əl-
məarif" ("Bilik xəzinəsinin töhfələri") əsəri sufilərin stolüstü kita-
bı olub və zaman-zaman bir çox sufilər ondan bəhrələnmişlər. O,
bu kitabın yazılmasını açıqlayaraq yazırdı: "Bu kitabımla vəlilə-
rin, sufilərin yolunun Quran və Sünnət yolu olduğunu, elədikləri
hər işin mütləq bir dəlili olduğunu və onların, yaşadıqları sürəcə
Allahın dinini ayaqda tutduqlarını göstərmək istədim" (33, 13).
Dostları ilə paylaş: |