P.Rzayev, Z.Rzayev
MÜƏSSİSƏ VƏ TƏŞKİlATlArDA HEyƏTİn İDArƏ EDİlMƏSİnİn AKTUAl...
Bu informasiya idarəetmə subyekti tərəfindən işlənir ki, bunun da nəticəsi olaraq
qərar qəbul edilir.
Təşkilatda işin səmərəliliyi əməyin şaquli bölünməsinin iqtisadi mahiyyətindən
asılıdır. Söhbət idarəetmə sahəsində rəhbərin işinin quruluş bölmələrinin fəaliyyəti
və icrasından gedir. Təşkilatda idarəetmə prosesinin fəaliyyət prinsipinə aşağıdakılar
daxildir [8]:
idarəetmənin əsas məqsədlərinin işlənib hazırlanması;
idarəetmə qərarlarının hazırlanması və həyata keçirilməsi;
heyətin idarə olunması prinsiplərinin müəyyən edilməsi;
heyət üzvlərinin vəzifəyə yararlığının yoxlanılması;
idarəetmə ilə bağlı məlumat bankının yaradılması;
heyətin dinamikası və fəaliyyəti ilə bağlı qərarların işlənib hazırlanması;
idarəetmə qərarlarının icraçılara çatdırılması mexanizminin dəqiqliyinin təmin
edilməsi;
idarəetmə qərarlarının qəbulu ilə bağlı dinamik fəaliyyətə bütün idarəetmə
heyətinin cəlb edilməsi;
idarəetmə heyəti tərəfindən işçilər arasında münasibətlər, istehsal şəraiti və
vəziyyəti haqqında çevik məlumatların hazırlanması;
idarəetmə üzrə qərarların ötürülməsi və onların yerinə yetirilməsi üzərində
daimi nəzarətin təmin edilməsi;
heyət üzvləri ilə bağlı idarəetmə sahəsində qazanılmış təcrübənin tətbiqi
sahələrinin genişləndirilməsi və s.
Heyətin idarə edilməsi konsepsiyası özündə heyətin idarəedilməsinin metodolo -
giyasının işlənib hazırlanmasını, heyətin idarəedilməsi sisteminin formalaşdırılması
və heyətin idarəedilməsi texnologiyasının işlənib hazırlanmasını birləşdirir. Müasir
şəraitdə idarəetmənin statistik quruluşunu dinamik proses kimi nəzərdən keçirməklə
əldə edilmiş nəticələrə əsasən təşkilat üzrə idarəetmə heyətinin tərkibində kəmiyyət
dəyişiklikləri ilə bərabər mühüm keyfiyyət göstəricilərinin baş verdiyini görmək
mümkündür.
İdarəetmə quruluşunda ən vacib yerdə idarəetmə heyətinin özünün fəaliyyətinin
yaxşılaşdırılması durur. Məqsədyönlük idarəetmənin əsasıdır və mərkəzləşdirilmiş
rəhbərlik məsələləri - idarəetmənin əsas məsələsi olmaqla idarəetmə prosesinin
mövcud səviyyəsinə bu və digər istiqamətdə təsir göstərir.
Heyətin idarəetmə quruluşu dedikdə, nəyi başa düşürük? İdarəetmə quruluşu
heyətin idarə olunmasında əmək bölgüsüdür. Heyətin idarəetmə quruluşu isə ümumi
idarəetmə sisteminin əsas hissəsi kimi qəbul edilir. Heyətin idarəetmə qurumunun
səmərəliliyinin artırılması üçün idarəetmə quruluşlarının funksiyaları ümumi sis-
temin son məqsədinə uyğun formalaşdırılmalıdır.
İdarəetmə heyəti quruluşunun təşkil olunması elə optimal olmalıdır ki, o
gələcəkdə normal fəaliyyət göstərmək qabiliyyətinə malik olsun. Buna görə də
3(117)/2014
106
P.Rzayev, Z.Rzayev
MÜƏSSİSƏ VƏ TƏŞKİlATlArDA HEyƏTİn İDArƏ EDİlMƏSİnİn AKTUAl...
idarəetmə quruluşunun tətbiqində bir sıra zəruri tələblər nəzərə alınmalıdır. Bunlar
təşkilatın müxtəlif fəaliyyət sahəsinin xüsusiyyətlərini nəzərə almaqla idarəetmə qu-
ruluşu irəli sürülərkən aşağıdakı tələblərə cavab verməlidir [9]:
heyətin idarəetmə quruluşu optimal olmalıdır;
heyətin idarəetmə quruluşu çevik və bacarıqlı işçilərdən seçilməlidir;
heyətin idarə aparatının fəaliyyətinin etibarlılığı təmin olunmalıdır;
heyətin idarəetmə quruluşuna daxil olanlar bütün sahələrdə qənaətçillik ol-
malıdır.
İdarəetmə heyətinə vahid rəhbərlik və kollegialığın düzgün nisbəti idarəetmənin
vacib məsələlərindən biri olmaqla, qarşıya qoyulan vəzifələrin düzgün həllindən,
heyətin işinin səmərəliliyi və fəaliyyət dərəcəsindən çox asılıdır. İdarəetmənin prin-
sipləri dedikdə, idarə edən sistemin əsaslandığı rəhbər ideyalar, qaydalar, əsas müd-
dəalar və davranış normaları başa düşülür.
Heyətin idarəetmə prinsipləri, iqtisadi münasibətlərə əsaslanmaqla, insanların
şüurlu, məqsədli fəaliyyət sahələrini əhatə edən münasibətlərdir. Bu münasibətlər
insanların yaşaması və inkişaf etməsi üçün olduqca zəruri həyat tələbatıdır. İqtisadi
heyətin tənzimləyicisi olan idarəetmə fəaliyyəti bir yerdə donub qala bilməz. O, də -
yişən şəraitə uyğun olaraq inkişaf edir və ictimai-iqtisadi sosial həyatda baş verən
kəmiyyət və keyfiyyət irəliləyişlərinə uyğunlaşmaqla, daha mütərəqqi formada həyat
tsiklinə çevrilir.
Vəzifə səlahiyyətlərinə əsaslanan idarəetmə aparatı tam müstəqil idarəetmə
fəaliyyətini həyata keçirə bilir. Bu formada idarəetmə üsulu iş yerində meydana çıxan
konkret əmək bölgüsünə əsaslanır. İdarə aparatı üzrə üfüqi və şaquli istiqamətlərdə
iş sahələrinə görə idarəetmə heyəti yaradılır. Üfüqi istiqamətdə isə idarəetmə
mərhələləri formalaşır.
Heyət haqqındakı informasiya özündə bütün operativ məlumatların məcmusunu,
həmçinin kadr planlaşdırılması üçün onların işlənməsi prosesini birləşdirir. Bu aşağı-
dakı tələbatlara cavab verməlidir [10]:
sadəlik - yəni informasiyada öz əksini tapan məlumatların həcmi həmin situ-
asiyanın tələb etdiyi qədər zəruri olmalıdır;
əyanilik - məlumatlar elə təqdim edilməlidir ki, başlıca məsələni tez müəyyən
etmək və sözçülükdən qaçmaq mümkün olsun. Bunun üçün cədvəllərdən,
qrafiklərdən, şəkilli material tərtibatından istifadə edilməlidir;
birmənalılıq - məlumatlar aydın olmalı, onların şərhi zamanı materialların se-
mantik, sintaktik və məntiqi birmənalılığı gözlənilməlidir;
müqayisəlilik - məlumatlar müqayisə edilə bilən vahidlərlə təqdim edilməli,
təşkilatın daxilində və həm də kənardakı obyektlərlə müqayisə edilə bilən ol-
malıdır;
varislik - müxtəlif dövrlərdə kadrlar haqqında verilən məlumatlar eyni bir
metodika ilə hesablanmalı və eyni formada təqdim edilməlidir;
3(117)
/2014
107