P.Rzayev, Z.Rzayev
MÜƏSSİSƏ VƏ TƏŞKİlATlArDA HEyƏTİn İDArƏ EDİlMƏSİnİn AKTUAl...
4. İdarəetmə qərarlarının mahiyyəti
Təşkilati-hüquqi formasından asılı olmayaraq müxtəlif təyinatlı təşkilatların idarə
edilməsi prosesində fasiləsiz olaraq müxtəlif situasiyalar meydana çıxır. Bu situ-
asiyalarda müxtəlif səviyyə rəhbərləri həmişə bir neçə mümkün fəaliyyət variant-
larından birini seçmək, qərar qəbul etmək zəruriyyəti ilə qarşılaşırlar. Qərarın işlənib
hazırlanması, qəbul edilməsi və reallaşdırılması rəhbərin fəaliyyətində ən mühüm
və ən vacib proseduradır. Çünki idarəetmə prosesinin normal gedişi, xüsusilə də
idarəetmə fəaliyyətinin son nəticələri bu proseduranın nə dərəcədə düzgün yerinə
yetirilməsindən asılıdır.
İdarəetmə prosesində qəbul edilən qərarlar özündə rəhbərlərin (öz səlahiyyətləri
zamanı) yerinə yetirdiyi məntiqi-təfəkkür, emosional-psixoloji və təşkilatı-hüquqi
aktları əks etdirir.
Qərarların qəbulu idarəetmə işlərinin əsasını təşkil edir. İdarəetmə fəaliyyətində
qərarların hazırlanması mərhələsində hər bir bölmə rəhbərinin şəxsi iştirakı ilə aşağı-
dakı proseslərin həyata keçirilməsi təşkil edilməlidir:
idarəetmə məqsədlərinin qoyuluşu və hazırlanması;
əldə edilmiş məlumatlar əsasında heyətlə bağlı vəziyyətin öyrənilməsi;
qəbul olunan idarəetmə qərarlarının səmərəlilik dərəcəsinin müəyyən edilməsi,
ona uyğun alternativ variantın seçilməsi;
idarəetmə fəaliyyətinin həllində müxtəlif variantların mütəxəssislərlə müza-
kirəsinin təşkil olunması;
optimal idarəetmə qərarının formalaşması və seçilməsi;
idarəetmə heyəti tərəfindən idarəetmə qərarının qəbulu;
heyətin idarəetmə qərarlarının konkretləşdirilməsi aparılmaqla icraçılar üçün
icra prosesində yarana biləcək çətinliklərin həllinin alternativ layihəsinin hazır-
lanması.
İdarəetmə texnologiyası baxımından idarəetmə qərarlarının mövcud olması üç
mərhələdən ibarət olan aşağıdakı prosesdir [5]:
idarəetmə qərarların hazırlanması;
qərarın qəbulu;
qərarın yerinə yetirilməsi üzrə hazırlıq tədbirləri və onların icra me xanizmi.
Azərbaycan iqtisadiyyatının inzibati-amirlik mühitindən azad bazar mühitinə,
yeni iqtisadi mühitə keçidi ilə əlaqədar işgüzar fəaliyyətin subyektiv amillərinin
idarə edilməsində rəhbərlərin üzərinə böyük məsuliyyət düşür. Bu baxımdan rəh-
bərlər rəhbərlik üslubunun formalaşdırılması və heyətin idarə edilməsinin təkmil-
ləşdirilməsi istiqamətində bilik və bacarıq nümayiş etdirməlidirlər. Fikirimizcə,
müəssisə və təşkilat çərçivəsində iqtisadi effektivliyin artırılmasının əsas daxili mən-
bəyi kimi rəhbər faktoru mühüm əhəmiyyətə malikdir. Bu nöqteyi nəzərdən bazar
iqtisadiyyatı şəraitində yeni addımlayan ölkə kimi Azərbaycanda fəaliyyət göstərən
3(117)
/2014
110
P.Rzayev, Z.Rzayev
MÜƏSSİSƏ VƏ TƏŞKİlATlArDA HEyƏTİn İDArƏ EDİlMƏSİnİn AKTUAl...
müəssisə və təşkilatlar rəhbərlik fəaliyyətinin xarici təcrübələri ilə yaxından tanış
olmalı və onun müsbət cəhətlərini tətbiq etməyə çalışmalıdırlar.
5. Müasir idarəetmədə rəhbərlik və davranış üslubları
Cəmiyyətin idarə edilməsi sistemi siyasi, iqtisadi və sosial idarəetmə prosesindən
ibarətdir. Cəmiyyətdə məhsuldar qüvvələrin inkişaf səviyyəsinə uyğun olaraq
idarəetmənin qarşılıqlı münasibətləri mürəkkəbləşir. Yüksək inkişaf isə idarəetmə
ritmini sürətləndirir, idarəetmə aparatının mütəşəkkiliyinə səlahiyyətliliyinə olan
tələbin yüksəlməsinə gətirib çıxarır. Bu işdə təşkilatın rəhbəri həmişə mühüm rol
oynamalıdır.
Rəhbər hər şeydən əvvəl yüksək təşkilatçılıq qabiliyyətinə malik olmalıdır. O
kollektiv yaratmağı bacarmalı, işdə zəruri şərait yaratmalı, vəzifələri dəqiq bölüşdür-
məli və göstərişlərin yerinə yetirilməsinə müntəzəm olaraq nəzarət etməlidir. Rəhbər
qarşıya qoyulan məqsədə çatmaq üçün əzmkarlıq göstərməli və zəruri resursları
lazımi istiqamətdə cəmləşdirməyi bacarmalıdır. Bazar iqtisadiyyatının formalaşması
şəraitində təşkilatların fəaliyyətinin effektivliyinin artırılması və qarşıya qoyulan
məqsədlərə çatmaq üçün düzgün rəhbərlik üslubunun seçilməsi xüsusi əhəmiyyətə
malikdir. Rəhbər üçün son dərəcədə zəruri olan keyfiyyətlərdən biri də daimi işin
elementi kimi müntəzəm nəzarəti təşkil etmək bacarığıdır.
Rəhbərlik üslubu hər bir rəhbərə xas olan metodlar və fəndlər sistemidir. Rəh-
bərlik üslubu dedikdə qərarın işlənib hazırlanması, qəbul edilməsi və onun icrasına
nəzarətin həyata keçirilməsi formaları başa düşülür. Bunların köməyi ilə onlar
idarəetmə üzrə öz funksiyalarını reallaşdırırlar. Konkret idarəetmə şəraitində kollek-
tiv rəhbərlik üslubu bir sıra əsas amillərdən təşkil olunur. Mühüm amillərdən biri
təşkilatda idarəetmənin xarakteri, onun təşkili və psixoloji xüsusiyyətləridir. Təşki-
latda idarəetmənin xarakterinin təsiri yalnız bir mənalı deyildir, həm də ziddiyyət-
lidir. O, eyni zamanda müxtəlif istiqamətlərdə fəaliyyət göstərir. Bir tərəfdən
təşkiletmə və idarəetməni mürəkkəbləşdirir. Digər tərəfdən isə idarəetmə heyətinin
və bütövlükdə bütün kollektivin fəallığını stimullaşdırır [3, 5].
Bəzi mütəxəssislər rəhbərlik üslublarını idarəetmə metodları ilə qarışdırırlar.
Onlar bunu əldə rəhbər tuturlar ki, idarəetmə metodları ilə rəhbərlik üslublarının
funksional təyinatı üst-üstə düşür. Rəhbərlik üslubları idarəetmə metodları sıx
qarşılıqlı münasibətdə və təsirdə olsalar da, onların bir-birindən fərqləndirilməsi
üçün tutarlı dəlillər vardır. İdarəetmə metodu dedikdə, isə rəhbərin işçilərə və kollek-
tivə məqsədyönlü təsir üsulları başa düşülür. Bu üsullar tabeçilikdə olanların
hərəkətlərini əlaqələndirir. İdarəetmə metodundan fərqli olaraq, rəhbərlik üslubu öz
əsasına görə obyektiv olsa da, rəhbərin şəxsi keyfiyyətləri ilə xarakterizə olunur.
Üslubun obyektiv və subyektiv cəhətlərini bir-birindən fərqləndirmək zəruridir.
3(117)/2014
111