N1(6) mart 2013
12
Redaksiyadan:
Ustad yazıçımız, bir çoxumuzun müəllimi olmuş
Sabir Əhmədlinin arxivində hələ çoxlu çap olunmamış
əsərlər var. “Yazı” böyük nasirin ailəsi ilə əlaqə sax-
layaraq onun arxivindən çap olunmamış əsərlərindən
nümunələr istəmişdi. Onlar bizə iki hekayə təqdim
etmişdilər. Birini dərgimizdə oxumusunuz. İkinci
hekayəni təqdim edirik.
SABİR
ƏHMƏDLİ
GÖR-GÖTÜR DÜNYASI
(hekayə)
Dava bitəndən sonra, uzaq ölkələri – Avropanın
ne çə şəhərini görmüş, Almaniyanı basıb-bağlamış
doğ ma yurda qayıdıb gəlmiş oğlanların, kişilərin iş-
güc dən yana o baş-bu baş idarələrə addımlamağını
gör mək ürəkləri coşdururdu. Uşaqlar onları gözdən
qoy mur, yeniyetmələr həsəd aparırdılar. Bir cıqqılı
qə sə bə dən gedib, uzaq-uzaq diyarları görəsən, sağca
qayı dıb gələsən evinə. O vurhavurdan, o çarpışmadan
sonra, burada, kiçicik bir obada onlara layiq iş tapılma-
yacaqdımı? Hələ ev-eşikdə dolanır, yeyib-içib dincəlir,
hərbi libaslarını geyib, orden-medalları döşlərində par-
laya-parlaya Çinar altında, Bazarbaşında dost-tanışla
əhvallaşır, başlarına gələnnən, davadan, Almaniyadan,
Avropa şəhərlərindən söhbət açırdılar.
Bunların arasında bir oğlan vardı, hamıdan yara-
şıqlı, ötkəm idi. Ayaqlarında uzunboğaz çəkmə, yum-
şaq dəridən, düymələri qızıl
tək parlayan köynək, enli
kəmər, başında bir papaq vardı, bir elin yaraşığı. Bu,
kazak papağıydı, iri, dəri papağın üz çevrəsi qırmızı,
xara məxmərdi, üstdən çal-çarpaz ağ zeh tikilmişdi.
Döşündə orden, medal oynayırdı. Əskər geyimində,
kazak görünüşündə görünmək necə də fərəhli olsa da,
ilk günlər qəsəbə arasında göründükdən sonra, çəkildi
evinə, həyətinə. Atası davadan qabaq rəhmətə getmişdi,
bir özü, bir bacısı, bir də anasıydı. Qoyub getdiyi köhnə
mülkə diqqət elədi, dib-dəhnədən gözdən keçirdi. Bir
gün o, əskər paltarını soyunub, fəhlə geyimi geydi, ora-
dan, əskərlikdən bir kombinzon gətirmişdi,onu geydi.
On qom gömgöy qarğı gətirtdi.
Həyətin çəpəri sökülüb
tökülmüşdü. Obaşdan qalxdı, köhnə çəpəri aşırıb, yerə
qoyub, əvəzinə bir elə çitəmə çitədi ki, baxanın ağlı
gedərdi. Gömgöy qarğı-qamış çitəmənin kəndlərdəki
çal-çəpərə heç bir bənzəyişi yoxdu.
Bu əskərin dolanıb gəldiyi ölkələrdə, bəlkə də,
bizim Arazbardakı təki şam, qamışlıq yoxdu. Onlar
çitəmə hörə bilməzdilər. Qamış ayrı cür, elə bir səliqə
və gözəlliklə toxunmuşdu ki, onu bir kimsə bu sayaq
çitəyə bilməzdi. Həyət-bağça bir zümrüd haləyə salın-
dı. Sonra keçdi artırmaya, səkiyə, darvazadan kanda-
racan gələn cığıra. Yaxındakı çaylağın daş-qəmbərilə
buranı da büsbütün döşəyib, elə səliqəyə saldı ki, bu
arada, məhəllələrində nə elə cığır vardı, nə səki. Bu
işləri
görüb bitirdikdən sonra, bir səhər həyət qapısında
dayanıb baxdı atadan qalma evin dam-divarına.
İki otaqlı mənzil, aradan dəhliz keçirdi. Həyətin ge-
risi, qabağı güllükdü, yaşıllıqdı. Bunlara hələ toxun ma-
dı. Evin səmti, baxışı onu açmırdı. Qolunu çırmayıb gi-
rişdi evin kəllə divarına. Oradakı pəncərəni söküb qoydu
yerə. Onun əvəzinə pəncərə yerinə bir qapı bağladı, taxta
çərçivəsini özücə həyətdə qurduğu dəzgahda rəndələdi,
yondu, geydirib bitişdirərək qoydu o pəncərənin yerinə.
Beləliklə, pəncərə qapı ilə əvəz olundu. Kandarı düzəltdi.
Arada bir çətinlik ortaya çıxdı. Ertəsi evin bu biri divarı-
na kecəndə kərpiç ovuldu, uçub töküldü yerə.
- A bala, özünə iş açdın. Oturmuşduq, dam-divarı
yer-yerində evdi, nə olub buna axı?
Divarin uçub tökülməyi,onun üstdən taxtapuşun
da əyilməyi ananı, bacını qorxuya
salsa da, davadan
sağ-salamat qayıtmış yaraşıqlı oğulun könlünə toxun-
madılar, qoy görək indi neyləyir.
Mehman oğlan həyətdə palçıq qatdı, kərpiç kəsdi.
Yayın qızmar günüydü, ana, bacı günlərini eşikdə
sovurdular. Evə girmirdilər. Çörəklərini də həyətdə,
qızılgüllərin talvarı altında yeyirdilər. Payız gəlib, ya-
ğışlar başlayınca beləcə, çölçülüklə yaşaya bilərdilər.
Kərpiçlər qurudu, Mehman uçub tökülmüş divarı
hörməyə başladı. Qədim mülk ayıbalası çiy kərpiçdən
tikilmişdi. Evin baş divarını da özünün palçıq qatıb
USTAD DƏRSLƏRİ – YAZIЧININ ARXİVİNDƏN
Rüblük ädäbiyyat därgisi
13
çərçivəylə kəsdiyi kərpiçdən hördü, qaldırdı taxtapu-
şun altınacan. Sonra keçdi arxa divara.
Bala, ora yaxşıdı,- anası dilləndi,- hələ ağrı-acı ca-
nından çıxmayıb, özünü incitmə. Sağ gəlmisən, canına
qulluq elə!- Davanın havasına qızışma!- demədi.
Oğlanın qurub-yaratmaq, dəyişmək həvəsi gün-
gündən qızışırdı. Bir
gün hördüyünü o biri gün sö-
küb qoyurdu yerə, o biri gün başladığını aşırıb bir
baş qa hörgünün himini qoyurdu. Hamısı başa yetib
düzəlhadüzəldə, yadına nə düşür, gözünün qabağına
harada, hansı ölkədə gördüyü ev, bağça, həyət gəlirsə,
yenidən başlayırdı.
Qurban olum, tay dəymə, əlin-qolun ağrımasın.
Dədəyin mülkünü əməlli-başlı suyuma saldın,- deyə-
rək, qızılgüllü talvarda simavar qaynadan anası oğlunu
da nışdırmaq istədi.
Bir səhər yuxudan sava qalxmış ana-bala gördülər
ki, oğlan qalxıb dama, taxtapuşu götür-qoy edir.
Qızın hövlnak olduğunu görüb ana yalvardı: - Tay
dinmə, keçib, qoy nə bacarır, eləsin.
Taxtapuşun qabırğaları, sallamalar büsbütün işdən
çıxıbmış. Əl dəyən təki qopub çökmüşdü. O, çürümüş
sallamaları, nazik, cansız taxtapuş qabırğalarını söküb
qurmağa, düzəltməyə başladı.
Səhərlər anası gözəl çay dəmləyirdi. Gül mürəb-
bəsindən qənddanlara töküb qoyurdu gül kolunun al-
tında, taxta masada açdığı süfrəyə. Təndir çörəyi, şi-
rin çay, pendir. Yeyirdilər, içirdilər. Oğlanın fikri-zikri
daş-divarda, pəncərələrdə idi. Tezcənək qalxır, başla-
yırdı quruculuğa. Onun o üzdəki təpəcikdən qazıyıb
gətirdiyi, çarpayının dəmir torunda xəlbirdən keçırdıyı
torpaqdan palçıq qatıb kəsdiyi kərpiçlər yaxşı quruma-
yıbmış. Divarın bu birinə keçəndə yandan çökdü...
İşin ağır getməyini görüb bacı və ana da qoşul-
maq istəyirlər.
Mən yüz evi alt-üst dağıdıb gəlmişəm.
Burada bir ev
tikəcəyəm uçurduqlarımın əvəzinə. Dəftər, qələm götürdü,
çəkdi, pozdu. Bir dəftəri cürbəcür ev şəkilləri, cizgilərlə
bütüncə doldurdu. Birində evin qənşəri, o birində arxası,
birində qoşa pəncərə, birində qapı, dəh liz...
Səhər obaşdan başlayır, axşam toran qovuşana-
can əlləşirdi. Gündüzün gün işığında çatdırıb görə
bilmədiyini gecələr elektrik lampasının gur şöləsində
görürdü. Şunuru uzadıb çıxarmışdı eşiyə, asmışdı hey-
va ağacından, birini də qaldırmışdı dama.
Gecə ana-bala üstüaçıq otaqda yatır, pıçıldaşırdılar:
- Payız gəlir. Yağışlar başlayacaq. Mehman bizi
damsız qoymasa yaxşıdı.
Davadan dönən igid oğlanlardan birinin ona elçi
düşəcəyi günün həsrətilə qovrulan bacı dörd il üzünə
həsrət qaldığı sevimli qardaşının könlünə toxunmaq,
onun qolunu soyutmaq istəmirdi. Qardaşı anasına, ba-
cısına
iki çamadan təpili ərməğan, sovqat gətirmişdi.
Bacısı özləri üçün də seçib götürmüş, ərgən qardaşının
hələ bilinməyən sevgilisi - gəlinləri üçün də ayırmışdı.
Bacısı geyinib çıxanda əyin-başı davadan sapsağlam
qayıtmış qardaşının başındakı kazak papağından az
heyrət oyatmırdı.
Qoy evləri də ürəklərincə olsun. Görünür, əskər
orada, Germaniyada gördüyü evləri, imarətləri unuda
bilmir. Köhnə daxmanı gördüklərinin çeşidinə salmaq
istəyir qardaşı. Daha yaxşı, əyin-baş təki ev-eşik də
qəşəng, gözəl olsun. Hər gün yenidən söküb, yenidən
qurur,yaradırdı
Qənşər divar çat verdi. Görünür, bunun palçığına
saman az qatmışdı. Samandan xoşu gəlmirdi. Evin,
insan yaşayan binanın divarından saman, küləş gö-
ründü, oldu tövlə. Sök qoy yerə!- dedi.
Gecə-gündüz
qəsəbənin yalındakı sarı torpaqdan əl arabasında daşı-
mağa başladı. Palçıq qatdı, kombinizon-şalvarın balaq-
larını dizinə çırmayıb bütün günü palçıq ayaqladı. Bacı
da qardaşına qoşuldu.
- Çiy kərpiç çirkin şeydir,- dedi. Avropada evlər
bişmiş qırmızı kərpiçdən tikilir. Poladdan möhkəm
olur. Min ildə bircə qəlpəsi qopmur. Yaraşıqlı, qəşəng
olur. Bişmiş kərpiçlə evi istədiyin qurluşda tikib,
cürbəcür naxış hörə bilərsən,- anasını, bacısını başa sal-
dı. Təndirxanaya göz qoydu. Bir yaxşı təndirləri vardı,
dədə-babadan qalma, qədim ustalar tikmişdi. Oğulun
külüngü yönəldi təndirxanaya. Bacısı işdən qayıdanda
gördü güllüyün o yanındakı təndirdən bircə kalafa qa-
lıb. Qardaşı təndirin bişmiş kərpiçlərini söküb, ondan
bir kürə hörmüşdü. Ana baxdı qıza, qız baxdı anaya.
Doğrusu, ölkələr, dünyalar görüb qayıtmış övlad işə
elə can-başla, düşüncə ilə girişmişdi, ana, qız onun qu-
ruca yerə çalışıb-çarpışdığını ağıllarına gətirmirdilər.
Əl-qol, ayaq, baş, bütün vücudu bu əsgər oğlanın cəlb
olmuşdu evin yenidən qurulmasına,
ata yurdunun kök-
köməşli, başdan-binadan abadlaşdırılmağına.
Qonşu uşaqlar, qız-gəlin qarğıları aralayıb, çəpər
başından boylanıb tamaşaya başladılar. Gülpəri xalanın
həyətinin bu yanından tüstü qalxır, göyə millənirdi.
Dedilər bəs burada bir zavod açılıb, indiyədək görün-
məmiş qəza baş vermişdir. Doğrusu, elə o sayaqdı. Bu,
bütün mahalda ilk kərpiç zavodu idi.
Uzun illər bir evin, bir məhlənin çörəyini bişirmiş
təndir kərpiçlərinin üstünə bu dəfə Mehmanın səliqə ilə
qəlibdən çıxardığı kərpiçlər düzüldü; qaydasını, sah-
manını oxuyub öyrənmişdi. Nə sayaq bişirmək gərəkdi
kərpiçi. İlk kərpiçlər dava illərinin qara qalacları təki
çıxdı, çat-çutu vardı, ovulub töküləni də. Qıraqda soyu-
yandan sonra oğlan kürədən cıxmışı qoşa əlində götürüb,