VIII fəsil. Lizinq müqaviləsi
deyil,
məhz
alqı-satqı
müqaviləsi
əsasında
müxtəlif
münasibətlərdədirlər'.
8.4.
Lizinq müqaviləsinin əlamətləri
Lizinq müqaviləsi icarə müqaviləsi növlərindən biri kimi çıxış
edir. Konvensiyaya və mülki qanunvericiliyə əsaslanaraq lizinq
müqaviləsinin aşağıdakı əlamətlərini fərqləndirmək olar:
1)
Lizinq
verənin
əsas
vəzifəsi
maliyyələşdirmədir
(investisiyalaş- dırma). Burada pul vəsaiti gələcəkdə icarəyə
veriləcək müəyyən əmlakın alınmasına yatırılır. Bu tələb AR MM-in
747-5.2.1-ci maddəsinin tələblərindən irəli gəlir. Orada qeyd olunur
ki, lizinq obyekti lizinq verən tərəfindən xüsusi olaraq lizinqə
verilmək üçün əldə edilir. Lizinq alan tərəfindən ödənilən pul vəsaiti
lizinq verənin həyata keçirdiyi kapitallaşmadan əldə etdiyi gəlir kimi
çıxış edir.
Münasibətlərin məzmunundan aydındır ki, əmlak özünün
maddi-natural formasında lizinq verənə lazım deyildir və onun
tərəfindən həmin əmlakın icarəyə verilib gəlir götürülməsi məqsədilə
əldə olunub. Bu zaman lizinq verənin kreditor kimi hüquqlarının
təminatı kimi icarəyə verilən əmlaka mülkiyyət hüququnun onda
qalması çıxış edir. Bu şərtin üstünlüyü ondadır ki, girov və
ipotekadan fərqli olaraq lizinq müqaviləsində borclu (lizinq alan)
üzərinə düşən öhdəliyi yerinə yetirmədiyi təqdirdə lizinqə verilmiş
əmlaka tutma yönəltmək lazım deyildir. Sadəcə həmin əmlakı tələb
etmək lazımdır. Odur ki, digər əlamətləri ilə yanaşı, maliyyə li- zinqi
müqaviləsi təminat funksiyasını da yerinə yetirirk
' Гражданское право. Том II. Полутом 1: Учебник / Отв.ред.проф.
Е.А.Суханов - М.: Волтере Клувер, 2004, стр.412.
^ Гражданское право: Учебник / Под. ред. А.П.Сергеева, Ю.К.Толстого. Том
2. М.: Проспект, 2003, с.230.
205
Rüfət Göyüşov
2)
Lizinq müqaviləsi bağlandıqdan sonra lizinqə veriləcək əmlak
lizinq verən tərəfindən satıcıdan öz mülkiyyətinə alınır. Bu qayda AR
MM-in 747.2-ci maddəsində nəzərdə tutulmuşdur. Həmin normaya
əsasən, lizinq verən müqavilədə nəzərdə tutulan əmlakı hazırlamağa
və ya əldə etməyə borcludur.
Lizinq predmetinin seçimi tərəflərin istəyindən asılı olaraq həm
lizinq verən, həm də lizinq alan tərəfindən həyata keçirilə bilər. Bu
halda lizinq obyektinin lizinq müqaviləsinə əsasən istifadə
məqsədlərinə uyğunsuzluğu ilə bağlı riskin məsuliyyətini, lizinq
müqaviləsi ilə ayrı qayda nəzərdə tutulmayıbsa, lizinq obyektini
seçən tərəf daşıyır (bax. AR MM, mad.748-7.3).
3)
Lizinq alan lizinqə verilən əşyadan həm sahibkarlıq, həm də
digər məqsədlər üçün istifadə edə bilər.
4)
Lizinq müqaviləsi üzrə əşya lizinq alanın sahibliyinə və
istifadəsinə verilir. Lizinq predmetinin yalnız istifadə üçün təqdim
olunmasının heç bir mənası yoxdur. Həmçinin lizinq verən də
əşyanın saxlanmasında maraqlı deyildir. Lizinqin məqsədi əşyanın
lizinqə verilməsindən gəlir əldə etməkdir. Lizinq predmetinin lizinq
verəndə qalması onun maraqlarına uyğun deyil, çünki o halda lizinq
predmetinin saxlanması ilə əlaqədar xərclər lizinq verənin üzərinə
düşmüş olacaqdı'.
5)
Əmlak müəyyən
müddətə
lizinqə verilir. Lizinq
müqaviləsinin qeyri-müəyyən müddətə bağlanması istisna olunur.
Çünki lizinq fəaliyyəti lizinq müqaviləsinin müddətindən asılı olaraq
lizinq ödənişləri üzrə dəqiq hesablamaları tələb edir.
6)
Müqavilədə nəzərdə tutulduğu halda lizinq alan lizinq pred-
metini lizinq ödənişləri vasitəsilə mülkiyyətinə əldə edə bilər. Kirayə
(icarə) müqavilələri əsasında istifadəyə verilmiş əmlakın kirayəçi
(icarəçi) tərəfindən əldə edilməsi hüququ istənilən müqavilədə
‘ Гражданское право: Учебник / Под. ред. А.П.Сергеева, Ю.К.Толстого.
Том 2. М.: Проспект, 2003, с.231.
206
VIII fəsil. Lizinq müqaviləsi
nəzərdə tutula bilər. Kirayəçinin yaşayış otağı kirayə verildikdən
sonra satıldığı halda onu əldə etməkdə üstünlük hüququ AR MM- in
699.3-cü maddəsində müəyyən olunmuşdur. Lakin kirayəçi kirayəyə
verilmiş əmlakı mülkiyyətinə alması üçün sonradan əldə olunmuş
razılaşmada nəzərdə tutulan alış qiymətini kirayəyə verənə ödəməsi
zəruridir. Bu zaman kirayə haqqı heç bir halda alış qiymətinin
tərkibinə daxil ola bilməz. Lizinq müqaviləsində bu məsələ fərqli
qaydada həll olunur. Belə ki, burada yuxarıda qeyd olunan qayda üzrə
lizinq alana müqavilə müddəti qurtardıqdan sonra lizinq predmetini
əldə etmək və kirayələmək vəzifəsi həvalə edilə bilər və ya belə
hüquq verilə bilər (bax. AR MM, mad.747.3). Bununla yanaşı, lizinq
müqaviləsinin bəzi növləri üzrə lizinq ödənişləri lizinq predmetinin
alış qiymətinə daxil edilə bilər. Lizinq ödənişləri həyat keçirildikdən
sonra isə lizinq predmeti lizinq alanın mülkiyyətinə verilir. Məsələn,
AR MM-in 748-2.5-ci maddəsində nəzərdə tutulur ki, maliyyə lizinqi
zamanı lizinq obyektinə mülkiyyət hüququ, əgər maliyyə lizinqi
müqaviləsində ayrı qayda nəzərdə tutulmayıbsa, bütün lizinq
ödənişlərinin verilməsi şərti ilə müqavilə müddəti başa çatmazdan
əvvəl lizinq alana keçir.
7)
Ümumi qaydaya görə əmlakın təsadüfən məhv olması və ya
təsadüfən zədələnməsi riski mülkiyyətçinin üzərinə düşdüyü halda
lizinq müqaviləsində ayrı qayda tətbiq olunur. Belə ki, AR MM-in
748-7.1-ci maddəsində müəyyən olunan qaydaya görə, lizinq obyekti
olan əmlakın zərərin bütün növlərindən qorunması, həmçinin onun
məhv edilməsi, itirilməsi, korlanması, talanması, vaxtından əvvəl
sıradan çıxması, quraşdırılması və ya istifadəsi zamanı buraxılan
səhvlərdən və istismarı zamanı yol verilən risklərdən qorunması ilə
bağlı məsuliyyəti, lizinq müqaviləsi ilə ayrı qayda nəzərdə
tutulmayıbsa, lizinq obyektinin faktiki qəbulu anından lizinq alan
daşıyır. Qeyd olunan əlamət lizinq müqaviləsini əmlakın istifadəyə
verilməsi ilə əlaqədar digər müqavilələrdən fərqləndirən cəhətlərdən
biri kimi çıxış edir.
207
Dostları ilə paylaş: |