2014v4
51
IV. Yanıb-sönәn sarı siqnal olduqda, svetoforlar işlәmәdikdә vә ya nizamlayıcı olmadıqda, yolayrıcı nizamlanmayan
hesab edilir vә sürücülәr nizamlanmayan yolayrıcılarını keçmә qaydalarını vә yolayrıcında quraşdırılmış üstünlük
nişanlarını әsas tutaraq hәrәkәt etmәlidirlәr.
Maddә 76. Nizamlanan yolayrıcıları
I. Relssiz nәqliyyat vasitәsinin sürücüsü svetoforun yaşıl işığında sola vә ya geriyә dönәrkәn, qarşıdan düzünә vә ya
sağa gedәn nәqliyyat vasitәlәrinә yol vermәlidir. Tramvay sürücülәri dә öz aralarında bu qaydanı әsas tutmalıdırlar.
II. Svetoforun sarı vә ya qırmızı siqnalı ilә eyni vaxtda әlavә bölmәsindә yandırılmış ox işarәsi istiqamәtindә hәrәkәt
edәn sürücü başqa istiqamәtlәrdәn gәlәn nәqliyyat vasitәlәrinә yol vermәlidir.
III. Svetoforun vә ya nizamlayıcının siqnalları eyni vaxtda hәm tramvayın, hәm dә relssiz nәqliyyat vasitәlәrinin
hәrәkәtinә icazә verirsә, tramvay, hәrәkәt istiqamәtindәn asılı olmayaraq, üstünlüyә malikdir. Lakin svetoforun
qırmızı vә ya sarı siqnalı ilә eyni vaxtda olan әlavә bölmәsindә yandırılmış ox işarәsi istiqamәtindә hәrәkәt edәn
tramvay başqa istiqamәtlәrdәn gәlәn nәqliyyat vasitәlәrinә yol vermәlidir.
IV. Svetoforun icazә siqnalı yanarkәn yolayrıcına girmiş sürücü yolayrıcının çıxışında qoyulmuş svetoforun siqnalından
asılı olmayaraq, nәzәrdә tutulan istiqamәtdә dayanmadan hәrәkәt etmәlidir, bu zaman qalan nәqliyyat vasitәlәri ona
maneә törәtmәmәlidirlәr. Lakin, әgәr yolayrıcında sürücünün hәrәkәt etdiyi yolda qoyulmuş svetoforların qabağında
stop-xәtlәr (
5.33 nişanı) vardırsa, sürücü hәr bir svetoforun siqnalını әsas tutmalıdır.
V. Svetoforun icazә siqnalı yanarkәn sürücü yolayrıcında hәrәkәti başa çatdırmaqda olan nәqliyyat vasitәlәrinә vә
hәmin istiqamәtin hәrәkәt hissәsindә keçidi başa çatdırmamış piyadalara yol vermәlidir.
Maddә 77. Nizamlanmayan yolayrıcları
I. Eyni әhәmiyyәtli olmayan yolların kәsişdiyi yolayrıcında, ikinci dәrәcәli yolla hәrәkәt edәn nәqliyyat vasitәsinin
sürücüsü, baş yolla yolayrıcına yaxınlaşan nәqliyyat vasitәlәrinә, onların sonrakı hәrәkәt istiqamәtindәn asılı
olmayaraq, yol vermәlidir.
II. Yolayrıcında baş yol istiqamәtini dәyişirsә, baş yolla hәrәkәt edәn sürücülәr öz aralarında eyni әhәmiyyәtli yolların
kәsişdiyi yolayrıcını keçmәk qaydalarını әsas tutmalıdırlar. İkinci dәrәcәli yollarla hәrәkәt edәn sürücülәr dә öz
aralarında bu qaydaları әsas tutmalıdırlar.
III. Eyni әhәmiyyәtli yolların kәsişdiyi yolayrıcında relssiz nәqliyyat vasitәsinin sürücüsü sağdan yaxınlaşan nәqliyyat
vasitәlәrinә yol vermәlidir. Tramvay sürücülәri dә öz aralarında bu qaydanı әsas tutmalıdırlar. Belә yolayrıclarında
tramvay, onun hәrәkәt istiqamәtindәn asılı olmayaraq, relssiz nәqliyyat vasitәlәri qarşısında üstünlüyә malikdir.
IV. Relssiz nәqliyyat vasitәsinin sürücüsü sola vә ya geriyә dönәrkәn eyni әhәmiyyәtli yolda qarşı tәrәfdәn düzünә vә
ya sağa hәrәkәt edәn nәqliyyat vasitәlәrinә yol vermәlidir. Tramvay sürücülәri dә öz aralarında bu qaydanı әsas
tutmalıdırlar.
V. Әgәr sürücü yolun örtüyünün olub-olmadığını tәyin edә bilmirsә (sutkanın qaranlıq vaxtı, palçıq, qar vә s.
nәticәsindә), üstünlük nişanları isә yoxdursa, o, belә hesab etmәlidir ki, ikinci dәrәcәli yoldadır.
Maddә 78. Sürmә tәlimi
I. Nәqliyyat vasitәlәrinin idarә edilmәsi üzrә ilkin tәlim bağlı meydançalarda vә ya avtodromlarda keçirilmәlidir.
II. Yollarda sürmә tәliminә yalnız tәlim verәn şәxsin iştirakı ilә vә nәqliyyat vasitәsini sürmәyi öyrәnәn şәxsin onu
idarә etmәkdә ilkin vәrdişi olduqda yol verilir. Nәqliyyat vasitәsini sürmәyi öyrәnәn şәxs bu Qanunla nәzәrdә
tutulmuş yol hәrәkәti qaydalarını bilmәli vә onun tәlәblәrini yerinә yetirmәlidir.
III. Sürmә tәlimi verәn şәxsin üstündә hәmin kateqoriyalı nәqliyyat vasitәsini sürmә tәlimi vermәk hüququna dair
sәnәd vә ya azı 5 il sürücülük stajına malik olmasına, habelә müvafiq kateqoriyalı nәqliyyat vasitәsini idarә etmәk
hüququna dair vәsiqә olmalıdır.
IV. Sürmә tәlimi keçirilәn mexaniki nәqliyyat vasitәsi “Tәlim nәqliyyat vasitәsi” tanınma nişanı ilә işarәlәnmәli vә
sürmә tәlimi verәn şәxs üçün arxanı göstәrәn güzgü vә pedallar ilә tәchiz olunmalıdır.
V. Siyahısı müәyyәn edilmiş qaydada elan olunan yollarda sürmә tәlimi qadağandır.
6 FӘSİL
Yol hәrәkәti qaydalarının pozuntuları
Maddә 81. Yol hәrәkәti qaydalarını pozmağa görә mәsuliyyәt
Bu qanunla nәzәrdә tutulmuş yol hәrәkәti qaydalarının pozulmasında tәqsirli olan şәxslәr Azәrbaycan Respublikasının
qanunvericiliyi ilә nәzәrdә tutulmuş qaydada mәsuliyyәt daşıyırlar.
7 FӘSİL
Yol hәrәkәti tәhlükәsizliyinin tәmin edilmәsinә nәzarәt
Maddә 83. Yol hәrәkәti tәhlükәsizliyinin tәmin edilmәsindә nәzarәtin hәyata keçirilmәsi
2014v4
52
I. Bu Qanunun tәlәblәrinә ciddi әmәl etmәklә yollarda hәrәkәt tәhlükәsizliyinә nәzarәti yalnız Azәrbaycan
Respublikasının müvafiq icra hakimiyyәti orqanının әmәkdaşları hәyata keçirirlәr.
II. Yollarda hәrәkәt tәhlükәsizliyinin tәmin edilmәsinә nәzarәt Azәrbaycan Respublikasının müvafiq icra hakimiyyәti
orqanının әmәkdaşları tәrәfindәn stasionar vә digәr postlarda, elәcә dә xüsusi avadanlığı olan nәqliyyat vasitәlәrindә
vә ya texniki nәzarәtetmә vasitәlәrinin tәtbiqi ilә hәyata keçirilir.
III. Müәyyәn edilmiş hәrәkәt sürәti hәddini aşmaq, texniki cәhәtdәn nasaz nәqliyyat vasitәlәrinin istismarı faktını vә
nәqliyyat vasitәlәrinin alkoqol vә ya güclü tәsir göstәrәn digәr maddәlәrin istifadә olunması nәticәsindә sәrxoş
vәziyyәtdә idarә edilmәsi halları müәyyәnlәşdirmәk üzrә nәzarәti Azәrbaycan Respublikasının müvafiq icra
hakimiyyәti orqanı әmәkdaşları yalnız xüsusi cihazlar vasitәsi ilә hәyata keçirirlәr. (narkotik sәrxoşluq vәziyyәtinin,
narkotik vasitәlәrin vә psixotrop maddәlәrin istehlakı hallarının müәyyәn edilmәsi üçün aparılan tibbi müayinә dövlәt
narkoloji-tibb müәssisәlәrindә qanunvericiliklә müәyyәn edilmiş qaydada hәyata keçirilir). Belә halları
müәyyәnlәşdirmәk üçün başqa üsullardan istifadә edilmәsi yolverilmәzdir
.
Maddә 84. Yol hәrәkәti tәhlükәsizliyinә nәzarәti hәyata keçirәn Azәrbaycan Respublikasının müvafiq
icra hakimiyyәti orqanı әmәkdaşının vәzifәlәri
Yol hәrәkәti tәhlükәsizliyinә nәzarәti hәyata keçirәn Azәrbaycan Respublikasının müvafiq icra hakimiyyәti
orqanı әmәkdaşının vәzifәlәri aşağıdakılardır:
1) bu Qanunu mükәmmәl bilmәk vә düzgün tәtbiq etmәk;
2) yol hәrәkәti tәhlükәsizliyinә nәzarәti hәyata keçirәn Azәrbaycan Respublikasının müvafiq icra hakimiyyәti
orqanının әmәkdaşları üçün müәyyәn edilmiş müvafiq formalı geyimdә olmaq;
3) xidmәtdә olarkәn xidmәti vәsiqәni, xidmәti silahını, şәxsi nömrә ilә döş nişanını, jezli, fiti, xüsusi çantanı
(onun içindә bu Qanunun mәtnini, qәlәmi, inzibati xәtalar haqqında protokolun blanklarını, elәcә dә inzibati
cәrimәnin ödәnilmәsi üçün cәrimә bildiriş blanklarını) özündә saxlamaq;
4) yol hәrәkәti iştirakçılarına qarşı әdәb vә nәzakәtlә rәftar etmәk, onlarla münasibәtdә insanın şәrәf vә
lәyaqәtini alçaldan hәrәkәtlәrә vә sözlәrә yol vermәmәk;
5) yol hәrәkәti iştirakçılarını saxladıqda onlara yaxınlaşmaq, özünü tәqdim etmәk, dayandırmanın sәbәbini, yol
hәrәkәti qaydalarının pozuntusu aşkar edilmişdirsә, onun mәzmununu vә hәmin pozuntunun bu Qanunun hansı
maddәsindә nәzәrdә tutulduğunu onlara bildirmәk, habelә inzibati mәsuliyyәtә cәlb etmә haqqında qәrardan şikayәt
verilmәsi qaydasını izah etmәk;
6) tәrәfindәn aşkar edilmiş yol hәrәkәti qaydalarının bütün pozuntularını qeyd etmәk, onların dәqiq uçotunu
aparmaq vә bu barәdә tabeçilik üzrә Azәrbaycan Respublikasının müvafiq icra hakimiyyәti orqanının yuxarı vәzifәli
şәxslәrinә raportla mәruzә etmәk;
6-1) tәrәfindәn aşkar edilmiş hәr bir inzibati xәtaya dair mәlumatı - müvafiq xәtanın aşkar edildiyi vaxtdan 1
gün әrzindә, hәmin inzibati xәta haqqında iş üzrә icraat zamanı qәbul olunan qәrarlar vә tәtbiq olunan inzibati
tәnbeh tәdbirlәri barәdә mәlumatı - müvafiq qәrar qәbul olunduğu vaxtdan 1 gün әrzindә, inzibati tәnbeh tәtbiq
etmә haqqında qәrarın icra olunması barәdә mәlumatı - müvafiq qәrarın icrası başa çatdığı vaxtdan 1 gün әrzindә
texniki vasitәlәrdәn istifadә etmәklә müvafiq icra hakimiyyәti orqanı tәrәfindәn müәyyәn edilmiş qaydada mәrkәzi
mәlumat sisteminә ötürmәk;
7) nәzarәt etdiyi yol sahәsindә yol hәrәkәti tәhlükәsizliyinin tәmin edilmәsi üçün lazımi tәdbirlәr görmәk;
8) cinayәt törәtmiş şәxslәri tәqib etmәk, tutub saxlamaq vә müәyyәn edilmiş qaydada müvafiq dövlәt orqanına
tәhvil vermәk (bu mümkün olmadığı halda, tabeçilik üzrә Azәrbaycan Respublikasının müvafiq icra hakimiyyәti
orqanının yuxarı vәzifәli şәxsinә tәqibi tәşkil etmәk tәklifi ilә müraciәt etmәk).
Maddә 85. Yol hәrәkәti tәhlükәsizliyinә nәzarәti hәyata keçirәn Azәrbaycan Respublikasının müvafiq
icra hakimiyyәti orqanı әmәkdaşının hәrәkәtlәri
Yol hәrәkәti tәhlükәsizliyinә nәzarәti hәyata keçirәn Azәrbaycan Respublikasının müvafiq icra hakimiyyәti
orqanının әmәkdaşı:
1) Qanunla ona verilmiş sәlahiyyәtlәr daxilindә öz vәzifәlәrini yerinә yetirir;
2) nәqliyyat vasitәsini idarә edәn şәxslәrdәn aşağıdakı hallarda nәqliyyat vasitәsini dayandırmağı tәlәb edir:
- nәqliyyat vasitәsini idarә edәn şәxs tәrәfindәn yol hәrәkәti qaydalarının vә ya yol hәrәkәti tәhlükәsizliyinin
tәmin edilmәsi qaydalarının pozulduğu vizual şәkildә aşkar edildikdә vә ya xüsusi texniki vasitәlәrdәn istifadә
etmәklә müәyyәn olunduqda, yol hәrәkәti qaydaları әleyhinә olan inzibati xәtaların törәdilmәsinә görә inzibati
cәrimә növündә inzibatı tәnbeh tәtbiq etmә haqqında qәrarın qanuni qüvvәyә mindiyi gündәn 2 ay müddәtindә icra
edilmәmәsinә görә nәqliyyat vasitәsinin saxlanılması barәdә mәhkәmә vә ya müvafiq icra hakimiyyәti orqanının
qәrarı olduqda, habelә nәqliyyat vasitәsini idarә edәn şәxs tәrәfindәn inzibati xәtanın törәdilmәsi barәdә radio-cihaz
vasitәsilә müvafiq icra hakimiyyәti orqanının digәr әmәkdaşından mәlumat daxil olduqda;
- nәqliyyat vasitәsi axtarışda olduqda;
- nәqliyyat vasitәsini idarә edәn şәxs vә ya onunla birlikdә olan sәrnişin tәrәfindәn cinayәtin törәdilmәsi vә ya
cinayәtin törәdilmәsindә şübhәlәnilmәsi haqqında dәqiq mәlumat olduqda;