58
ları Mehrini zəbt etdilər. I rus-Qacar müharibəsi tezliklə çarizmin
xeyrinə başa çatdı. 1812-ci ilin oktyabrında Abbas Mirzənin Aslan-
düz məğlubiyyəti, 1813-cü il oktyabrın 12-də imzalanmış Gülüstan
müqavilələrinə əsasən Qacarların bir sıra Azərbaycan torpaqlarına,
o cümlədən də Qarabağa iddialarından imtina etmələri, rusların bu-
rada daha da möhkəmlənməsinə əlverişli şərait yaratdı. Qacarların
bu məğlubiyyəti bütün Azərbaycan üçün olduğu kimi Zəngəzurlular
üçün də ağır fəsadlara gətirib çıxardı. Bütün müharibə dövrü işğal-
çılara qarşı mübarizədə fəal iştirak etmiş qarabağlılar, o cümlədən
də zəngəzurlular, başqa çıxış yolu qalmadıqda, çox qədim türk ənə-
nəsinə sadiq qalaraq, azadlığı daha üstün tutub qürbət ellərə yolla-
nırdılar. 1804-1813-cü illərdə Qarabağın 10 min ailəsindən təxmi-
nən 7 mini Vətəni tərk etmək zorunda qalmışdı [179, s.836]. Qaf-
qazdakı rus qoşunlarının baş komandanı Yermolov, Qarabağdakı
rus idarəçiliyinə başçılıq edən Qarabağ xristianı Mədətovun sıxış-
dırmaları üzündən 1822-ci ildə Mehdiqulu xan qaçıb Qacarlara sığı-
nan kimi xanlıq ləğv edildi. Onun yerində rus komendantının tam
ixtiyarında olan Qarabağ əyaləti yaradıldı. Lakin xalq bu işğalı
həzm edə bilmirdi. 1826-cı ildə II rus-Qacar müharibəsi başlayanda
Azərbaycanın hər yerində olduğu kimi, Qarabağda, o cümlədən də
Zəngəzurda əhali yerbəyerdən ayağa qalxıb Abbas Mirzə qoşununa
qoşulur, rus müstəmləkəçilərinə qarşı vuruşurdu. Təsadüfi deyildi
ki, 1826-cı ildə Abbas Mirzə Qarabağa daxil olarkən Zəngəzurlu
Ağalar bəy başda olmaqla, xeyli bəy, əhali onu sevinclə qarşılamış,
pişvazına çıxmışdı [179, s.604]. 1826-1828-ci illər müharibəsi də
qacarların məğlubiyyəti ilə bitdi. Çar Rusiyası Qafqazda daha da
möhkəmləndi. Zəngəzur (bəzi mənbələrdə Bərgüşad – H.A.) mahalı
1840-cı illərin inzibati-ərazi islahatlarına qədər Qarabağ əyalətinin
tərkibində qaldı. 1841-ci ilin əvvəllərindən bu əyalətin yerində Xə-
zər vilayətinin tərkibində əvvəlcə Qarabağ, sonra isə Şuşa qəzası
yaradıldı. 1846-cı ildə Xəzər vilayəti Şamaxı quberniyasına çevrildi,
1859-cu il zəlzələsindən sonra quberniya mərkəzi Bakıya köçürül-
düyündən bu quberniya Bakı quberniyası adlandırıldı. 1868-ci ilə-
dək Zəngəzur bu quberniyanın tərkibində qaldı. Həmin il Cənubi
59
Qafqazdakı bəzi Azərbaycan torpaqlarında yeni – Yelizavetpol qu-
berniyası yaradıldı və Zəngəzur torpaqlarının əksər hissəsi onun tər-
kibinə qatıldı, çarizmin süqutunadək onun tərkibində qaldı [150,
s.39].
2.2. Sosial-iqtisadi vəziyyət
Vətənimizin qərb torpaqlarının da bəzi hissələrini əhatə edən
Yelizavetpol quberniyasının ən iri qəzalarından biri olan Zəngəzur
qəzası 137,22 kv.mil ərazini əhatə edirdi. O, şərqdən və şimal-şərq-
dən Cəbrayıl və Şuşa qəzaları, şimaldan Cavanşir, qərbdən və cə-
nub-qərbdən İrəvan quberniyasının Şərur-Dərələyəz və Naxçıvan
qəzaları, cənubdan və cənub-şərqdən Araz çayı ilə həmsərhəd idi.
Bu qəzanı Cəbrayıl qəzasından başlanğıcını Ziyarəttəpə dağından
götürən Həkəri çayının aşağı axını ayırırdı. Şuşa qəzası ilə onun sər-
hədlərinin hündürlüyü 7-9,5 min fut
*
olan dağlar silsiləsi (Kirs, Sağ-
sağan, Sarıbaba, Xingi, Qırxqız, Dünüdağ), Zəngəzurun Şuşa qəzası
ilə sərhədini təşkil edirdi. Cavanşir qəzası ilə Zəngəzuru Alaqaya-
Dəvəgözü dağlarını birləşdirən xətt, Şərur-Dərələyəz və Naxçıvan
qəzaları ilə isə Kordağ, Kəbirli, Ağdaban, Salvartı, Dəvəboynu, Qa-
pıcıq, Alagöz və b. dağlar ayırırdı. Zəngəzur torpaqları zəngin təbii
sərvətlərə malik idi. Sayaddaş dağının qərb və şərq ətəklərində, Ha-
vart və Qafan, Atqız, Pirdavudan və Nüvədi kəndləri yaxınlığında
mis filizi çıxarılırdı. Cənnətdərəsi, Şahverdiuşağı, Barabatına, I Xa-
lac, Şəhərcik və Bartaz bölgələrində də mis yataqlarının olduğu
qeydə alınmışdır. Zəngin Sayaddan yataqlarından əsasən mis kolçe-
danı, sink və qalay qatışıqları, mis filizi ilə yanaşı, əhəng, gips gil,
kvars, tabaşir, qaragil və s. çıxarılırdı.
Zəngəzur bölgəsində yüzlərlə bulaq, kiçik göl, çay, zəngin mi-
neral su ehtiyatları var idi. Kürdalı yatağı, Daşkənd kəndi, habelə
Gorusçay və Bərgüşadın hövzələrində yerləşən bulaqlar, Tatev mo-
nastırı yaxınlığındakı Şeytan körpüsü yanındakı İstisu bulağı, Piçə-
nis, Daşkənd və Şıxların turşsu bulaqları, Şahverdiuşağının kükürd-
60
lü bulaqları ətrafda məşhur idi. Bərgüşad, Həkəri, Çavundurçay, Ba-
sıqçay və Mehri qəzanın ən böyük su qaynaqları idi [2, s.228-31].
Tarixən 4 müstəqil sahəyə – mahala (Mehrigüney, Qafan,
Zəngəzur və Sisian) bölünən Zəngəzur qəzasının cənub hissəsini
Mehrigüney təşkil edirdi. Qəzanın mərkəzində Qafan sahəsi, şimal-
şərqdə Zəngəzur mahalı, şimal-qərbdə isə Sisian yerləşirdi. Zəngə-
zur və Qafan mahalları daha çox köçəri maldarlıq və baramaçılıq,
Mehri və Sisian isə daha çox oturaq əkinçilik bölgələri idi [68,
s.207].
Zəngəzurun əhalisi, əsasən, avtoxton Azərbaycan türkləri, rus
hakimiyyət orqanlarının 1828-1829-cu illərdə Qacarlar səltənətinin
Qaradağ, Gərməli, Xoy və Səlmas bölgələrindən köçürdüyü erməni-
lər, Sisian mahalının Bazarçay kəndinə gətirilmiş rus təriqətçiləri və
Qarabağın alban əhalisinin qalıqlarından ibarət idi. XIX əsrin sonla-
rında Zəngəzur qəzasının ərazisi 6 644 verst, kişi əhalisi 53 072 nə-
fər, qadın cinsli 43 138 nəfər, cəmi əhali 96 min 210 idi. Qəza mər-
kəzi Gorusda 1450 nəfər yaşayırdı. 1897-ci il siyahıya alınması nə-
ticələrinə əsasən qəzanın etnik tərkibində müsəlman əhali 51,6 %,
ermənilər 46,1 %, kürdlər 1,3 % idi. XIX əsrin axırlarının rusdilli
müəllifləri belə yerli Zəngəzur ermənilərinin, əslində Qarabağın
keçmiş alban əhalisinin qalıqlarının danışdıqları «erməni dilinin»
qəribəliklərini təəccüblə qeyd edirdilər: XIX əsrin 80-ci illərinin or-
talarında Cənubi Qafqazın xəzinə kəndlilərinin iqtisadi məişətini
öyrənən müəlliflərdən biri yazırdı: «Zəngəzur qəzasının erməni ləh-
cələrindən Mehri kəndi sakinlərinin dili diqqəti özünə cəlb edir. Di-
gər yerlərin erməniləri onları, çətin ki, başa düşsünlər. Sırf Qarabağ
ləhcəsində danışan Harara və Qaladərəsi kəndlərinin sakinlərinin də
dilini başa düşmək çətindir» [169].
Tədqiq olunan dövrdə bu bölgədə olmuş və ya onu bu və ya
digər şəkildə öyrənmiş müəlliflər Mehri kəndi sakinlərinin yüksək
inkişafını, kəndin Avropatipli məişətini, ikimərtəbəli evləri, bazarı,
məktəbi və s.-ni xüsusi qeyd edərək yazırdılar ki, onlar da, əsasən,
ticarət və sənətkarlıqla məşğul olurdular. 1888-ci ildə bu kənddə 4
başmaqçı, 3 zurnaçı, 11 bənna, 7 dəmirçi və çilingər, 2 sınıqçı, 3 in-
Dostları ilə paylaş: |