12
obyektiv və olduqca mühüm elmi nəticələrə gəlmiş, dəyərli
ümumiləşdirmələr edə bilmişdir.
Müəllif bu uğurla seçilmiş mövzunun hərtərəfli öyrənilməsi
üçün tədqiqatın başlıca məqsədi və vəzifələrini düzgün
müəyyənləşdirmiş, olduqca dürüst struktur seçmiş, tədqiqatının
uğurlu alınmasını təmin edə bilmişdir.
Monoqrafiya “
Giriş”, dörd fəsil, “
Nəticə” və istifadə
olunmuş mənbələr və ədəbiyyat siyahısından ibarətdir.
Müəllif öz tədqiqatını yazarkən, demək olar ki, bütün zəruri
ədəbiyyatla, ilk mənbələrlə və arxiv materialları ilə lazımınca tanış
olmuş, təhlillər aparmış, tənqidi fikirlər yürütmüş, düzgün elmi
nəticələr çıxarmışdır.
Hacı Nərimanoğlu monoqrafiyada ən qədim dövrlərdən XIX
əsrin əvvəllərinədək olan dövrdə Zəngəzur bölgəsinin tarixi və
coğrafiyasına qısa ekskurs edir, Zəngəzurun oğuz türklərinin ən
qədim məskənlərindən biri olduğunu göstərir, Zəngəzur faciələrinin
tədqiqində Ümummilli lider Heydər Əliyevin əvəzsiz rolunu
əsaslandırır. Təqdirə layiqdir ki, o, “Zəngəzur” toponiminin
adındakı «
zəngi» etnoniminin türk tayfa adı olduğunu əsaslandırır.
Türkdilli respublikalarda və Azərbaycanın çoxlu yer adlarında bu
oğuz-türk tayfasının izlərinin hələ də yaşadığını bildirir. Məsələn,
Zəngiçay, Zəngitəpə, Zəngərik, Zəngişamlı, Zəngənə, Zəngilan,
Zəngəran, Zəngənə,
Zəngişalı, Zəngi çayı, Zəngibasar, Zəngilər,
Zəngan – Zəncan, Zəngilli və b. Mahmud Kaşğari, Fəzlullah Rəşi-
dəddin, Abbasqulu ağa Bakıxanov və b.-nın əsərlərində adları
çəkilən oğuz tayfalarından birinin məhz «
zəngi» tayfası olduğunu
göstərir. Müəllifin uğurudur ki, bu haqda mövcud olan şərhləri,
izahları nəzərdən keçirib, bu tarixi adın mənşəyinə aydınlıq
gətirilməsi işinə öz münasibətini bildirib və bununla Zəngəzurun
tarixi Azərbaycan-türk yurdu olduğunu bir daha təsdiqləyib.
Monoqrafiyada Zəngəzurun coğrafiyası, tarixi və iqti-
sadiyyatından da ətraflı bəhs olunur, bölgənin demoqrafik
vəziyyətinin dəyişdirilməsində çar Rusiyasının işğalı nəticəsində
ermənilərin bu diyara köçürülməsinin başlıca amil olması
göstərilir,
14
nailiyyətlərindən biridir. Bu qiymətli əsər müəllifin gərgin əməyi
sayəsində ərsəyə gəlmişdir. İstedadlı yetirmələrimdən biri olan
Hacı Nərimanoğlu mənim elmi rəhbərliyimlə 5503.02 – “Vətən
tarixi” ixtisası üzrə “Azərbaycanın Zəngəzur
bölgəsinin demoqrafik
vəziyyətində dəyişikliklər (XIX əsr – XX əsrin 20-ci illəri)”
mövzusunda dissertasiya müdafiə etmiş, elmi əhəmiyyəti nəzərə
alınaraq, AMEA A.A.Bakıxanov adına Tarix İnstitutunun Disserta-
siya Şurasının 16 may 2018-ci il tarixli, 31 №-li qərarı ilə həmin
dissertasiya işinin monoqrafiya kimi nəşrinə qərar verilmişdir.
Zəngəzurun tarixi mövzusunda həmin olduqca dəyərli,
sanballı dissertasiyada və dolğun, yenilikçi ruhlu bu monoqrafiyada
Zəngəzurun iki əsrlik tarixində baş verən dəyişikliklər, köç,
deportasiya, soyqırımı, bölgənin tam işğalına gətirib çıxaran
səbəblər tarixşünaslığımızda ilk dəfə ardıcıllıqla, sistemli,
müqayisəli şəkildə tədqiq etmişdir.
Hacı Nərimanoğlunun elmi uğurunun bir əsas səbəbi də
onunla bağlıdır ki, müəllif Zəngəzurda doğulub boya-başa
çatmışdır, əsli, soykökü ilə bu torpağa bağlıdır, 1993-cü il işğalının
son günlərinə qədər bu torpaqda yaşayıb çalışmışdır. Bu
monoqrafiyaya qədər nəşr edilmiş kitablarının dördü Zəngəzurun
tarixinə, beşi mənfur qonşularımızın torpaqlarımıza təcavüzünün
qarşısının alınması uğrunda döyüşlərdə canlarını qurban vermiş
100-dən çox Şəhidimizin şərəfli ömür yoluna həsr edilmişdir.
Mövzu ilə bağlı 30-dək elmi məqaləsi xaricdə və ölkəmizin aparıcı
humanitar təmayüllü nəşrlərində dərc olunmuşdur.
Mən H.Nərimanoğlunun bu monoqrafiyasını mühüm elmi
yeniliklərinə, aktual elmi nəticələrinə görə Azərbaycan milli
tarixşünaslığı, tədqiqatçılarımız, ali məktəblərimizin müəllim və
tələbələri, geniş oxucu auditoriyası üçün dəyərli mənbə hesab
edirəm.
Yaqub Mahmudov,
AMEA–nın həqiqi üzvü, Əməkdar elm xadimi,
Dövlət Mükafatı laureatı, t.ü.e.d., professor