172
etmiş, əhalinin böyük əksəriyyətini isə vəhşicəsinə öldürmüşlər.
Azərbaycan hökuməti bununla bağlı etirazını bildirsə də,
Ermənistan hökuməti bu faktları rədd edən cavab aldı... Ermənistan
ona görə bədbəxtdir ki, «Daşnaksutyun» partiyası orada qüvvədədir.
Bu uzun illər erməniləri müsəlmanlara qarşı hücum etməyə sövq
edən inqilabçı terror təşkilatıdır. Ermənilər bacarıqlı müntəzəm
təbliğat vasitəsilə layiq olmadıqları həddə rəğbət qazanırlar.
Ermənistan həmişə dava-dalaş axtarır və ona nail olanda təbliğat
məqsədilə deyirlər ki, amandı qoymayın qırdılar bizi. Daşnak üçün
öldürülmüş erməni daha əzizdir. Bundan istifadə edərək, erməninin
ölüsü qalхıb haray – həşir təpir ki, ayə mən özüm ölməmişəm, məni
müsəlmanlar öldürüblər... Londonda, Fransa, Birləşmiş Ştatlarda
erməni büroları mövcuddur, onların ən sevimli metodu «xristian»
sözündən istifadə etməkdir. İndi Zəngəzura hücum edən ermənilər
özlərinin müvəqqəti uğurlarına şübhə etmirlər. Lakin gün gələcək
ki, bütün müsəlmanlar bir nəfər kimi zülmkarlara qarşı qalxacaq və
həmin gün gələndə heç nə erməni xalqını xilas edə bilməyəcəkdir»
[157, s.6]. XX əsrin 20-ci illərində baş verən hadisələr əsrin 90-cı
illərində eyni ssenari ilə təkrar edilmişdi, mahiyyət, istifadə edilən
bütün metod, vasitələr, planlar, hərəkətlər heyrətamiz dərəcədə üst-
üstə düşür, tam eyniyyət təşkil edirdi. Erməni siyasətini müəyyən
edən institutların təbliğat, hərbi-siyasi planlarının nə qədər dəqiq,
planlı, ölçülü-biçili və nə qədər iyrənc, məkrli olduğu, eyni ilə
Azərbaycanın bu erməni planları qarşısında hər dəfə aciz durumda
qaldığı, nəticə çıxarmadığı, ibrət götürüb dərs almadığı hazırkı
durumu ilə ortadadır, göz qabağındadır.
Hətta, xarici müşahidəçilər, jurnalistlər tərəfindən Zəngəzur
qətliamlarının məqsədini, mahiyyətini, xristian dövlətlərin siyasətini
çox gözəl anlayırdı.
AXC Hökuməti mövcud vəziyyəti dəyərləndirərək
Müttəfiqlərin iradəsi əleyhinə getməyə, qəti tədbirlər görməyə
tələsmir, sözdən hərəkətə keçməkdə lənglik göstərirdi. Artıq
Zəngəzur qəzası erməni nizami ordu hissələri tərəfindən xarabazara
çevrilib minlərlə müsəlman əhalisi məhv ediləndən, doğma yer-
173
yurdlarından tərki-vətən olub mal-mülkünü itirəndən, saysız
teleqramlardan sonra nəhayət ki, 1920-ci il yanvarın 6-da keçirilən
iclasda Azərbaycan Xalq Cümhuriyyəti Dövlət Müdafiə Komitəsi
«Zəngəzurun müsəlman kəndlərinin ermənilər tərəfindən
dağıdılmasının davam etməsinə qarşı tədbirlər görülməsinin
zəruriliyi haqqında» Daxili İşlər Nazirliyinin məlumatını müzakirə
etmişdir. Burada qərara alınmışdır ki, dinc əhaliyə qarşı ermənilərin
bu hərəkətlərinin qarşısını almaq üçün müəyyən tədbirlər görülsün
və bu haqda müttəfiq qoşunlarının bölgədəki nümayəndəsinə
məlumat verilsin» [36, v.18].
Bundan əvvəl 1919-cu ilin 3-7 noyabrında Zəngəzurda AXC
hərbi birləşmələri Cavad bəy Şıxlınskinin komandanlığı altında
əməliyyat aparsa da, Müttəfiq dövlətlərin nümayəndəsinin işə
qarışmasi ilə əməliyyat sonadək davam etdirilmədi, yarımçıq qaldı,
azad edilmiş strateji yüksəkliklər, müsəlman kəndləri yenidən
ermənilərin əlinə keçdi [251].
12 yanvar 1920-ci ildə erməni daşnak başkəsəni Dro 600
nəfərlik silahlı dəstə ilə Qubadlının Əlyanlı obalarını mühasirəyə
alıb bütün əhalini körpəsinə qədər məhv etməyi əmr etmişdi. 5
kənddən ibarət Əlyanlı camaatı ətraf kəndlərdən kömək gələnə
qədər ermənilərin qarşısını kəsmiş, xeyli erməni qırmışdı. Burada
uğur qazanmağın mümkünsüzlüyünü görən Dro yanvarın 22-də
Dondarlıya hücum edib kəndi tamamən yandırdı, yanvarın 19-25-də
Qubadlının 48 kəndi tamamən məhv edildi, əhalisinin dağlara qaçıb
gizlənə bilməyənləri amansızlıqla qətlə yetirildi. İşğala qədər həmin
kəndlərin bir çoxunun yalnız adı, insan sümükləri ilə dolu xarabalığı
dururdu. Zəngəzur qəzasının rəisi Şəkinski raportlarında az qala hər
gün tar-mar edilib tamamən yandırılan kəndlər haqqında Bakıya
xəbər verirdi. Azərbaycanın Tiflisdəki diplomatik təmsilçisi
Vəkilov isə erməni ordu hissələrinin bütün hücumları barədə
raportları Müttəfiq Dövlətlərin Tiflisdəki Ali Komissarı polkovnik
Haskelə təqdim edirdi” [34, s.14-15]. Bununla bağlı müttəfiq
dövlətlərin Qafqazdakı missiyasının rəhbəri general Tomsonun
Ermənistan hökumətinin üzvləri ilə İrəvanda 1919-cu ilin martın
174
28-də və aprelin 6-da keçirilən müşavirələrində ermənilər ciddi
narazılıqlarını ona da bildirirdilər. Tomson ingilislərin Qafqazdakı
siyasətini reallaşdırmaq, bölgədə daha uzun müddət qalmaq üçün
Zəngəzurun həm türk, həm erməni əhalisinin etimadını qazanmaq
istəyirdi. Lazım olduqda bir-birinin üzərinə qaldırdığı kimi, bəzən
də barışdırcı donuna girməyi bacarırdı.
2 ay davam edən sakitlikdən sonra 1919-cu il 23 noyabrda
Tiflisdə Azərbaycan və Ermənistanın hökumət başçıları ABŞ və
Gürcüstan təmsilçilərinin də iştirakı ilə atəşi dayandırmaq barədə
sazişə qol çəkirlər. Sazişin mətni belədir: «Ermənistan hökumətinin
nümayəndəsi baş nazir Xatisov və Azərbaycan hökumətinin
nümayəndəsi baş nazir Usubbəyov arasında qarşılıqlı saziş
imzalanmışdır. Ermənistan hökumətini təmsil edən baş nazir
Xatisov və Azərbaycan hökumətini təmsil edən baş nazir Usubbəyov
bu sazişi Tiflis şəhərində 1919-cu il noyabrın 23-də aşağıdakılar
barədə imzalamışlar: Ermənistan və Azərbaycan hökumətləri indi
baş verən düşmənçilik hərəkətlərini dayandırmağı və bir daha
silaha əl atmamağı öhdələrinə götürürlər. Ermənistan və
Azərbaycan hökumətləri dinc mal mübadiləsi üçün Zəngəzura
aparan yolların təmiri və açılması məqsədilə təsirli tədbirlər
görməyə razıdırlar. Sərhəd məsələləri də daxil olmaqla, bütün
mübahisəli məsələlər ilə bağlı növbəti paraqrafda xatırladılan
konfrans tərəfindən qərar qəbul edilənədək Ermənistan və Azər-
baycan hökumətləri bu məsələləri sülh sazişləri vasitəsilə həll
etməyi öhdələrinə götürürlər. Əgər bunu yerinə yetirmək mümkün
olmazsa, hər iki hökumətin qərarına tabe olmağa razılaşdığı hakim
kimi hər hansı bir neytral tərəf seçilməlidir. İndi belə bir neytral
tərəf Birləşmiş Ştatların ordu polkovniki Ceyms Reydır. Ermənistan
və Azərbaycan hökumətləri təcili surətdə çərşənbə günü, noyabrın
26-da Bakıda görüşməli və Tiflisdə konfransın başlanmasını
dekabrın 4-dən təxirə salmamalı, bərabər sayda nümayəndə təyin
etməyi öhdəsinə götürürlər. Ümumi razılığa əsasən konfransın
keçiriləcəyi yer dəyişdirilməzsə, konfransın iclasları Tiflisdə davam
edəcəkdir. İki hökumət arasında mübahisə və ixtilaflara səbəb olan
Dostları ilə paylaş: |