I bob. Bozor iqtisodiyotini tahlil qilish

MAVZU: BOZOR IQTISODIYOTI SHAROITIDA QISHLOQ XO`JALIK KORXONALARI FAOLIYATINI BOSHQARISH


MUNDARIJA:


KIRISH---------------------------------------------------------------------------------2
I BOB. BOZOR IQTISODIYOTINI TAHLIL QILISH
1.1.Agrar bozorni boshqarish -----------------------------------------------------3
1.2. Korxonalar va ularning vazifalari------------------------------------------11
II BOB. QISHLOQ XO`JALIK KORXONALARI FAOLIYATINI BOSHQARISH
2.1. Bozor iqtisodiyoti sharoitida qishloq xo`jalik korxonalari faoliyatini boshqarish----------------------------------------------------------------------------16
2.2. Agrar bozorni mahsulotlar bilan to‘ldirishda bozor iqtisodiyotining afzalliklari va ziddiyatlari--------------------------------------------------------31
XULOSA VA TAKLIFLAR -----------------------------------------------------35
ILOVA
FOYDALANILGAN ADABIYOTLAR VA INTERNET SAYTLARI--36
Kirish
Bozor tushunchai bozor iqtisodiyotining markaziy kategoriyasi bo‘lib, iqtisodiyot nazariyasida ham, xo‘jalik yuritish amaliyotida ham, barcha mamlakatlar tajribasida ham qo‘llaniladigan ilmiy-amaliy Tushunchadir.
Eng avvalo «bozor» va «bozor iqtisodiyoti» Tushunchalarining bir-biridan farqlanishini ta’kidlab o‘tishimiz lozim. Chunki, ko‘pincha bu ikki tushunchani bir xil ma’noda tushunish, ba’zi adabiyotlarda sinonim so‘zlar sifatida qo‘llash yoki ularni chalkashtirish hollari uchraydi. Bozor jamiyatda bozor iqtisodiyoti shakllangunga qadar mehnat taqsimotining ro‘y berishi natijasida vujudga kelib, ijtimoiy takror ishlab chiqarishning ayirboshlash jarayonini o‘z ichiga oladi. Bozor iqtisodiyoti esa bozor va bozor munosabatlarining tarixan uzoq davr mobaynida rivojlanishining natijasi sifatida paydo bo‘ladi va bozor qonunlari asosida tashkil etiluvchi va faoliyat ko‘rsatuvchi iqtisodiy tizimni anglatadi.
Bozor takror ishlab chiqarishning bitta fazasini, ya’ni ayirboshlash fazasini o‘z ichiga oladi. Bozor iqtisodiyoti esa barcha fazalarini – ishlab chiqarish, ayirboshlash, taqsimlash va nihoyat iste’mol jarayonlarini ham o‘z ichiga oladi.
Hozirgi davrda bozor ishlab chiqaruvchilar bilan iste’molchilarning ko‘p qirrali murakkab aloqalarini, ularning o‘zaro bir-birlariga bo‘lgan ta’sirini bog‘laydigan bo‘g‘in, jamiyat taraqqiyotida modda almashuvini ta’minlaydigan jarayon sifatida shakllandi.