65
Əsgər erməni dilini bilmədiyindən o, heç bir cavab ver-
mədən zarımağa başladı. Üç yaraqlının arasında ən hündür-
boylusu istehza ilə komandirinə dedi ki, o, erməni dilini
bilmədiyindən heç bir cavab verə bilmir. Onda komandir
silahdaşına izah edir ki, əsgər erməni dilini bilmədiyi üçün
edm edilməlidir. O, aşağı əyilib əsgərin sol qulağından
tutub xəncəl ilə dibindən kəsdi. Əsgər yarasını əli ilə tutub
qışqırmağa başlayanda qapı açıldı və iki yaraqlı Marizin
başına vura-vura onu içəri saldılar.
Əlləri arxadan bağlı olan qardaşlar yanyana dayandılar.
Ortaboylu erməni Marizi görən kimi dərhal ondan soruşdu
ki, İlqarın nəyidir? Çaşqınlıq içərisində olan əsir qardaş
olduğunu bildirən kimi həmin erməni ara vermədən
soruşdu:
- Qardaşının burada olduğunu bilirdin?
- Bizi bura bir yerdə gətiriblər. – deyə vəziyyətdən hali
olmayan Mariz tərəddüd etmədən dilləndi.
- Görürəm, sən yalançı deyilsən.– deyə bağırtısı otağı
bürüyən erməni bu dəfə sakit tərzdə dilləndi. - Düzünü de,
siz ikiniz bizim əsgərlərə atəş açmısınız, ya yox?
- Əlbəttə yox! – Mariz qətiyyətlə cavab verdi. – Bunu
hər bir qaradağlı təsdiqləyə bilər.
- Hələlik sənə inanacam, amma bilsəm ki, bu yalandır,
səni ən dəhşətli ölüm gözləyir. – deyə həmin erməni ciddi
66
halda dilləndi və üzünü İlqara tərəf tutub hirslə sözünə
davam etdi. – Səni isə yalan danışdığına görə qardaşının
yanında əzabla öldürəcəm. Bəs, deyirdin ki, qohumlarının
burada olmasından hali deyilsən. - Ondan sonra o, aşağı
əyilib əsgərin başını arxadan tutub əsəbi halda qışqırdı. –
De görüm, neçə erməni öldürmüsən? Məni aldatsan başını
kəsəcəm.
Erməninin nə dediyini anlamayan yarımcan halda olan
əsgər susmaqla kifayətləndi. Artıq o, hiss edirdi ki, bu onun
son dəqiqələridir. Lakin buna baxmayaraq müqavimət
göstərmək üçün əsgərin heç bir taqəti qalmamışdı.
Qurbanının susduğunu görən erməni daha da coşdu və onun
sifətini döşəməyə vurub ayırdan qaldırdı və xəncəl ilə
köməksiz adamın başını kəsməyə başladı. Sanki o, qoyun
başı kəsirdi. Bir anın içərisində bütün döşəmə al qana
boyandı. Bu dəhşətli səhnə hər iki qardaşı sarsıtdı və onlar
şok vəziyyətində bir-birilərinə qısıldılar. Qardaşlar başa
düşdülər ki, eyni üsul ilə onlar da belə bir edama məruz
qalacaqlar.
Cəllad funksiyasını yerinə yetirən komandir kəsilən başı
divara vurulmuş mismara taxan kimi o biriləri alqışlayaraq,
əl çalmağa başladılar. Hirsi soyumayan ortaboylu erməni
həmin an İlqara yaxınlaşıb - “məni aldatmaq istədin?” –
deyərək, onun sifətinə möhkəm yumruq zərbəsi endirdi.
67
Vahiməyə düşən İlqar ləngər vursa da, yerə yıxılmadı və
zərbə dəyən yeri əli ilə tutaraq divara sıxıldı. Komandirin
işarəsi ilə o biriləri İlqara sarsıdıcı zərbələr endirərək onu
yerə sərdilər. Arxadan əlləri bağlanan yaralı əsir elə vəziy-
yətə salındı ki, onun müqavimət göstərməyə heç bir halı
olmadı. Lakin o, qışqırıq ilə izah edirdi ki, onun heç bir
təqsiri yoxdur. Cəllad hirsini soyutmaq üçün üzü üstə
uzanan İlqarın yaralı çiynini dizi ilə basıb, onun başını
arxadan qaldırıb xəncəli boğazına dirədi. Ölümünü gözü-
nün qabağına gətirən İlqar aramsız şəkildə daxilində Allahı
köməyə çağırdı: Allah, mənə rəhmin gəlsin. Ümidim yalnız
Sənədir, məni bu bəladan qurtar.
Məhz həmin kəlamlardan sonra gözlənilməz hadisə baş
verdi. Həmin vaxt qapı açıldı və içəri Albertin oğlu Artur
daxil oldu. O, buradakı səs-küyü eşitdiyindən maraq üçün
içəri daxil olmuş və təsadüfən qonşularını belə bir vəziy-
yətdə görür.
- İlqar, bu sənsən? - deyə soydaşlarınln hərəkətlərinə
əhəmiyyət verməyən Artur həyəcanla soruşdu və həmin an
üzünü cəllad erməniyə tutub tələsik halda sözünə əlavə etdi.
– Bu bədbəxti niyə öldürürsən?
Özünü komandir kimi aparan erməni altındakı qurbanın
yarasını əsas gətirərək bildirir ki, İlqar döyüş zamanı
müqavimət göstərəndə yaralanıbdır. Dodaqlarında acı
68
təbəssüm yaranan Artur onun əlindən tutub, ciddi halda
dedi:
- Qarik, sən yaxşı bilirsən ki, bizim kənddəki camaat
silahsız idi və onlar heç cürə bizimkilərə atəş aça bilməz-
dilər. Göstərişə əsasən, kimin əynində hərbçi və ya milis
forması varsa, həmin adamlar sorğu-suala tutulmadan məhv
edilməlidirlər. Qardaşlarla işin yoxdur, onlar ailəlikcə
bizimkilərə əl tutublar.
- Bəs, onun çiynindəki yaraya nə deyə bilərsən? – deyə
çaşqınlıq içərisində olan Qarik narazı halda soruşdu.
- Hücum zamanı atılan güllələrdən dinc sakinlərə dəydi-
yini, sən də yaxşı bilirsən. – deyə Artur hökmlə dilləndi. -
Onları dəyişdiriləcək əsirlərin siyahısına salmaq lazımdır.
İlqarın anası namaz üstə imiş. Dualardan sonra həqiqətən
də Allahın ona rəhmi gəlmişdi. Yaralı əsir başa düşdü ki,
Artur buradakı ermənilər arasında xüsusi səlahiyyətlərə
malikdir və onun təkidi ilə hər iki qardaş ölümdən xilas
olunacaq.
Arturun bura gəlişi təsadüf sayılmırdı. İş ondadır ki,
Qaradağlı işğal olunanda, orada çoxsaylı dinc sakinlərin
girov götürüldüyü xəbəri Əvəzə çatır və o, yaxın qohum-
larının axtarışı ilə məşğul olmağa başlayır. Ona dəqiq
məlum olur ki, qardaşları İlqarla Mariz, digər qohumlarla
birlikdə sağdır və onlar Xankəndi həbsxanasında saxlanır-
Dostları ilə paylaş: |