61
toxunan kim, üzlərinə tüpürən, hətta əl qaldıranlar da
tapılırdı. Həbsxana işçiləri əsirləri tamaşaya gələn uşaqların
qarşısında amansızcasına döyərək, öz simalarını nümayiş
etdirirdilər. Həyasızcasına bildirirdilər ki, humanist olduq-
ları üçün düşmənlərini öldürmürlər.
Lakin əsl ekzekusiya fevralın 26-da və ondan sonra
təşkil edildi. Ermənilər həmin gün Xocalını işğal etmiş və
əsirlərin bir hissəsini – təxminən yüzdən artıq adamı Xan-
kəndindəki həbsxanaya gətirdilər. Səhəri gün bütün əsirlə-
rin, o cümlədən yerli əhalinin qarşısında 60-a yaxın Xocalı
sakininin başını kəsdilər. Edam olunanların arasında uşaq
və qadınlar da var idi. Ən dəhşətlisi isə o idi ki, ekzekusiya
ermənilərin dünya ictimaiyyətinə yazıçı kimi təqdim etdik-
ləri qaniçən Zori Balayan, Ermənistan respublikasının
gələcək prezidentləri Robert Köçəryan, Serj Sarkisyan və
digər siyasi, ictimai və elm xadimlərinin iştirakı ilə baş
vermiş və insanlığa sığmayan həmin tükürpədici qətliam
videokassetlərə çəkildi.
Həbsxana divarlarında əsl dəhşətlər baş verirdi. Mütə-
madi döyülən əsirlərə nə su, nə də ki, bir tikə də olsun
çörək verilmirdi. Yalnız damlarda saxlanılan heyvanlara
arpa və ya buğda gətiriləndə, onların hərəsinə həmin bitki-
lərdən bir ovuc verilirdi. Kameralarda 8 Qaradağlı sakinini
acından öldü. Ermənilər o dərəsədə insan qiyafə-sindən
62
çıxmışdılar ki, hətta ölənləri kameralardan götürüb aparmır-
dılar.
Ac, susuz qalan İlqarın bütün bədənini ağrılar bürü-
düyündən keyidiyindən o, ara bir zarıldayaraq həbsxananın
işçilərini qıcıqlandırırdı. Əsirlərə tapşırılmışdı ki, döyülən-
dən sonra hamı kameralarda sakit oturmalıdır. Əks təqdirdə
zarıyan şəxs təkrarən döyüləcəkdi. Başqalarına nisbətən
İlqar yaralı olmasına baxmayaraq onu demək olar ki, hər
gün döyürdülər. Vəzifəsindən asılı olmayaraq hansı erməni
hayıf çıxmaq istəyirdisə, gəlib seçdiyi hər bir əsirə cismani
əzab verirdi. Belə bir seçim vaxtı İlqar yaralı olduğu üçün
üç erməninin nəzərindən yan qaça bilmədi. Onu və bir
cavan yaşlı əsgəri sürüyə-sürüyə həbsxanadan kənarda
yerləşən balaca bir evə apardılar. Hər iki əsirə bildirdilər ki,
bu onların sonuncu günüdür.
İlqar yolda olarkən öz-özünə düşünməyə başladı: İşə bir
bax da, indiyənə qədər mən, bu murdar millətə heç bir
pislik etməmişəm, müqavimət zamanı isə onlara tərəf bir
güllə də olsun atmamışam, amma onlar məni zəlil günə
salıblar. Hazırda həbsxanadan çıxarıblarsa, çox güman ki,
məni öldürməyə aparırlar. Yeganə adam Eduard idi ki,
mənə kömək edəcəkdi, lakin o, Malibəyidən sonra yoxa
çıxıbdır. Deməli, sağ qalmaq üçün mənim heç bir şansım
yoxdur.
63
Onlar qapıya çatanda içəridən bağırtı səsi gəlirdi, sanki
kiməsə ağır işgəncə verirdilər. Həmin səs gəldikcə kimsə
erməni dilində qışqırırdı ki, səsini kəssin, əks təqdirdə
öldürüləcək. Heç bir dəqiqə keçməmiş qapı açıldı və sir-
sifəti al qana boyanmış iki yaşlı əsir ağzı-burnundan qan
axa-axa çölə çıxdılar. Əsirin sifəti tanınmaz hala salınsa da,
İlqar həmin an öz həmkəndlisini tanıya bildi. Bu, Qaradağlı
kənd sakini Oruc Əliyev idi. Ermənilər onun ağzında olan
qızıl dişləri mismar kəlbətinlə çıxarıb yarımcan hala
salmışdılar.
Vahiməyə düşən İqargil anladılar ki, belə bir ağlasığmaz
işgəncələr onları da gözləyir. Əsgəri otağa salmamış elə
qapının ağzında vəhşicəsinə döyməyə başladılar. Ermənilər
mümkün olan dərəcədə onun ən zəif yerlərinə sarsıdıcı
zərbələr endirərək, huşsuz hala saldılar. Halsız olan İlqarı
isə otağa salan kimi onu erməni dilində sorğu-suala tut-
mağa başladılar. Masa arxasında əyləşmiş ortaboylu, orta-
yaşlı, eybəcər sifətli, qarayanız, kobud bədən quruluşuna
malik olan yaraqlı əlində xəncəl oynada-oynada ikrah
hissilə dedi:
- Siz, türklərin hamısını tikə-tikə doğrayıb itlərə yem
edəcəyik. De görüm, bizimkilərdən neçəsini öldürmüsən?
- Mən indiyənə kimi nəinki adam, heç toyuq da öldürmə-
mişəm. – deyə İlqar təşəxxüslə dilləndi.
64
- Kəs səsini, küçük. – həmin erməni bərkdən qışqırdı. –
Sən bizimkiləri atəşə tutanda yaralanmısan. İndi isə günahı-
nı boynuna almaq istəmirsən. Yaxın qohumlardan yanında
kimlər var?
- Kənd tutulan zaman deyəsən, onların hamısı öldürülüb-
dür. – İlqar qardaşının burada olmasını gizlətməyə çalışdı.
Həmin erməni sol tərəfdə əyləşən yaraqlıya tapşırdı ki,
İlqarın burada hansısa qohumlarının olduğunu öyrənsin. O
birilərinə nisbətən cavan olan yaraqlı sorğuya tutduğu əsirin
adını və soyadını öyrənən kimi bildirdi ki, ən yaxın qohum-
lardan İlqarın qardaşı buradadır. Komandir kimi özünü
aparan erməni tapşırıq verdi ki, Marizi gətirsinlər.
Elə bu vaxt yarımcan halda olan əsgəri içəri salıb yerə
tulladılar. Aclıqdan xeyli arıqlayan hərbi qulluqçunun sifəti
tanınmaz hala salınmışdı. Göstəriş verən erməni ayağa
qalxıb yıxılan əsgərin başı üzərində dayandı və həmin an
üzünü İlqara tutub qəzəblə dedi:
- Bax, bu türkü də dindirəndə deyir ki, bizimkilərə atəş
açmayıbdır. Atəş açmayıbsa, bəs əynindəki murdar forma
haradandır? Deməli, o, bizim hamımıza kələk gəlmək
istəyir. – sonra o, ayağı ilə əsgərin sifətini döşəməyə sıxa-
raq, əlindəki xəncəli hərlədə-hərlədə qurbanının üstünə
qışqırdı. – De görüm, neçə soydaşımızı qətlə yetirmisən?
Yalan danışsan, səni əzabla öldürəcəm.
Dostları ilə paylaş: |