118
həm Sergeylə, həm də işlədiyi şirkətin prezidentinin sürücüsü
ilə də görüşürdü. Bu dəfə atası ilə vacib söhbəti olduğundan o,
iş yerindən iki saat tez gəlmişdi. Karmen adlı 21 yaşlı kiçik
qız isə həmin şirkətdə baş mühəndisin katibəsi idi və demək
olar ki, o, özündən 30 yaş böyük olan kişinin məşuqəsinə
çevirilmişdi. Karmen əlavə olaraq mahnı oxumaqla məşğul idi
və onun ən böyük arzusu hansısa bir musiqi yarışmasında
iştirak edib qələbə qazanmaq idi. O, da atasının təkidi ilə
müdirindən icazə alıb evə tez gəlmişdi.
Elizabet balacaboy, bir qədər kök, cüzi sallaq qarınlı,
enlisifət, azacıq əyriburun, yekə ağız idi. Onun solğun gözləri
içəri batmış, çənəsi azacıq qabağa çıxmış, qara qıvrım saçları
boynunun ardına kimi kəsilmişdi. Karmen isə bir qədər uzun,
arıq, uzunsifət, böyük burunlu, domba göz, yekəağız və özünə
görə azacıq yaraşıqlı görünürdü. Hər iki bacı həddi-buluğa
çatan kimi işləməyə başlamış və qazandıqları pulların böyük
bir hissəsini bankda saxlayırdılar. Kommunal xərclər demək
olar ki, onların boynunda idi. Eduard isə qazandığı pullara
Leninqrad vilayətinin Qatçina şəhərinin kənarında kreditlə üç
otaqlı mənzil almış və onu xarici mühacirlərə kirayəyə
vermişdi. Onun bu planından Sergeyin xəbəri yox idi və rus
ziyalısı elə başa düşürdü ki, Eduard ev almaq üçün hələ də pul
yığır.
Bir sözlə, Qarabağdan qaçaq düşən bu ailənin maddi
vəziyyəti çox yaxşı idi və onlar bəzi yerli adamlardan yaxşı
dolanırdılar. Lakin belə bir maddi duruma baxmayaraq onlar
119
özlərini yerli sakinlərin, xüsusən də imkanlı şəxlərin yanında
ən yazıq, ən kasıb, ən məzlum adamlar kimi aparırdılar ki, əks
tərəfdən ianələr ala bilsinlər. Eduardın isə əsas məqsədi
qızlarını hansısa yaşlı imkanlı bir şəxsə sırımaq və qısa
müddət ərzində həmin şəxsin varidatına sahib olmaq idi.
Bu günkü söhbət xüsusi önəm daşıdığı üçün ailə sahibi
övladlarına ciddi təsir etmək fikirində idi. Məhz buna görə də
o, 77 yaşlı anası Marqonu bura dəvət etmədi. Eduard qarşısına
qoyulan təamlardan heç bir şey dadmadan ciddi halda dedi:
- Əziz balalar, türklər (azərbaycanlılar nəzərdə tutulur)
getdikcə hər yerə burunlarını soxurlar. Onların dövlət başçısı
çevik siyasət aparmaqla Avropada daha çox nüfuz qazanmaq
üzrədir və həmin siyasətin nəticəsində onlar informasiya
blokadasından qurtulublar. Bilirsiniz də bütün bunlar biz
ermənilər üçün nə ilə qurtara bilər?
- Bizimkilər passivlik etdiyindən türklər aktivləşdilər. – sir-
sifətini əyən Elizabet narazı halda dilləndi. –Acınacaqlı hal isə
odur ki, onlar dünyanın nüfuzlu şəxsləri ilə dostluq münasi-
bətləri qururlar.
- Amerikada bizimkilərin böyük üstünlük təşkil etmələrinə
baxmayaraq, azərbaycanlılar türklərlə birlikdə Xocalı ilə bağlı
bir çox hadisələri işıqlandıra bildilər. – deyə başını təəssüf
hissilə tərpədən Eduard məyus halda dilləndi. – Bu bizim
Amerikadakı diasporanın zəifliyindən xəbər verir. Demək olar
ki, qədim erməni xalqının dünya qarşısındakı missiyası
təhlükə altındadır. Onların neftdən gələn gəliri birbaşa bizə
120
qaşı yönəldilibdir. Hər şeyi ayıq başla analiz etsək, onda
görərik ki, onlar hər şeyi planlı şəkildə həyata keçirirlər –
elmi-praktik konfranslar təşkil edir, jurnalistlərlə brifinq
keçirir, mətbuata, televiziyaya daxil olur və daim hər yerdə
bizi biabır etməklə məşğuldurlar. Dünənki barbarlar bizləri
Avropadan da didərgin salmaq istəyirlər. Sanki, son illər biz
fil qulağında yatmışıq.
- Biz nə etməliyik? – deyə sifətini büzən Karmen belə
söhbətlərdən bezdiyini gizlətmədi. - Avropada yaşayan millət-
ləri bizim problemlər maqlandırmır. Demək olar ki, hərə öz işi
ilə məşğuldur. Həm də bizə nisbətən Qafqaz türklərinə burada
çox hörmət olunur. Rusiya kimi irilikdə olan ölkədə ruslardan
sonra ən çox yaşayan millət tatarlar və türklərdir.
- Sual verilir, nəyə görə başqa millətlərə nisbətən Qafqaz
türkləri burada çoxluq təşkil edirlər? – deyə başını bulayan
Eduard tələsik halda soruşdu. – Ona görə ki, Rusiyada onlara
xoş baxırlar. Məhz bu səbəbdən onların Avropaya inte-
qrasiyası çox asanlıqla baş verir. Məni ən çox bir şey narahat
edir, Avropada məskunlaşan türk qızları imkanlı alman
kişilərinə ərə gedib, daimi həmin ölkədə kök salmağa çalışır-
lar. Onlar bunu ona görə edirlər ki, biz erməniləri Avropadan
sıxışdırıb çıxarsınlar. Eliza, mənə elə gəlir, sənin ərə getmək
vaxtın gəlib çatıbdır. Eşitdiyimə görə, sən Sergeydən əlavə,
işlədiyimiz şirkətin prezidendinin sürücüsü ilə də yaxın
əlaqələr yaratmısan?
Dostları ilə paylaş: |