1 Ramiz Dəniz
Yüklə 2,72 Mb. Pdf görüntüsü
|
128 Bu xəbər gündüz vaxtı televizorda verildiyindən Eduardın bundan xəbəri yox idi. Çünki bu gün onun başı ailəsi ilə birlikdə, Xocalı şəhərinin erməni quldurları tərəfindən işğal edilməsinin qeyd olunmasına qarışmışdı. Qızları vaxtlarından tez işdən qayıtmış və süfrə hazırlanmasında müvafiq işlər görürdülər. Bu münasibətlə, Raisa sevgilisi Aleksandrı da evə dəvət etmişdi. Evdəkilər süfrə arxasında əyləşən zaman Raisa heç kimdən utanmadan qrup yoldaşı ilə yataq otağında mazaqlaşır, onunla eşq-macəra həyatı yaşayırdı. Raisa ilə Aleksandr özlərini elə aparırdılar ki, sankı ər-arvaddırlar. Onların arasında hökm sürən sıx münasibət qızın dayısı Eduarda pis təsir göstərirdi və o, əsəbləri tarıma çəkilən zaman Raisaya özünü düz aparmaq üçün xəbərdarlıq etməyə məcbur olurdu. Uşaqlıqdan Rusiyada yaşayan, oranın mühitinə öyrəşən şıltaq qız isə onun hərəkətlərində heç bir ayıb işin olmadığını bildirərək, kobud davranışlı dayısını daha da qıcıqlandırırdı. Aleksandrın fevralın 26-da bu evə çağırılması üçün xüsusi məqsəd güdülmüşdü. Özlərinə lazım olan tarxi hadisəni öz mənafelərinə uyğun şəkildə təhrif etməkdə mahir usta sayılan ermənilər, qondarma tarixi hadisəni digər millətlərin beynləri- nə yeritmək üçün böyük fəallıq nümayiş etdirirdilər. Qara- bağın azərbaycanlıların məskunlaşdığı ən böyük şəhərlərindən biri olan Xocalını rus hərbi hissənin köməyi ilə darmadağın edib, yerli əhalini isə tarixdə misli görünməmiş xüsusi qəddarlıqla qətlə yetirərək, bunu özlərinin zəfər qələbəsi kimi
129 qələmə verməyə çalışırdılar. Guya həmin Xocalı ermənilərin yaşayış məskəni olmuş və onlar həmin şəhəri azərbaycanlı- lardan azad etmişdilər. Universitetin jurnalistika fakültəsində oxuyan tələbələr, o cümlədən Aleksandr həmin qanlı olayı ermənilərin istəklərinə uyğun şəkildə mətbuat səhifələrində işıqlandırmalıydılar. Başda Eduard olmaqla hamı süfrə arxasına keçdi. Onun 78 yaşlı beli bükülmüş və arıqlıqdan sümükləri üzə çıxmış anası Marqo iki bacının – Elizabet ilə Karmenin arasında, Janna isə sevgilisi ilə birlikdə onlarla üzbəüz masa arxasında əyləşmiş- dilər. Həmişəki kimi Azərbaycan mətbəxinin təamları süfrəyə düzülmüş və bunu özlərinin milli yeməkləri kimi təqdim etməkdən xəcalət hissi çəkmədilər. İlkin badəni Eduard qaldıraraq qalın səsi ilə hamının diqqətini özünə cəlb etdi: - Bu badəni, xalqımızın qədim yaşayış məskənlərindən biri olan Xocalı şəhərinin türklərin əsarətindən azad edən və Qafqazda Rusiyanın sədaqətli və etibarlı müttəfiqi olan şanlı erməni döyüşçülərin sağlığına qaldırıram. Həmin tarixi hadisədən sonra Qarabağ bütünlüklə bizim özümüzə qayıtdı. - Əminəm ki, bizim ordu “Böyük Ermənistan”ın şərqində yerləşən doğma Bakı şəhərini də ələ keçirəcək. – deyə danış- mağa halı olmayan qarı xırıltılı səsi ilə oğlunun sözlərinə dəstək verdi. Aleksandr arağı içən kimi sanki ayıldı və təəccüb dolu baxışlarını Eduarda tərəf yönəldib, maraqla soruşdu:
130 - Məgər, Bakı erməni şəhəridir? Mən biləni hələ Afanasi Nikitinin dövründə Bakı azərbaycanlıların şəhəri kimi göstərilir. - Əzizim, peşəkar jurnalist olmaq istəyirsənsə, erməni xalqının tarixini oxumaq lazımdır. – deyə məclisə dəvət etdiyi gənc tələbəni aldatmaqdan çəkinməyən həyasız ailə başçısı giley-güzarla dilləndi. – Yadda saxla ki, indiki adlandırılan qondarma “Azərbaycan” ərazisi bütünlüklə ermənilərin olub- dur.
- Əfsuslar olsun ki, mən bu haqda dürüst məlumata malik deyiləm. – deyə Aleksandr çaşqınlıq içərisində dilləndi. – Halbuki tarix fənnini mən universitetdə diqqətlə izləyirəm. - Onda müəllimləriniz zəifdir. – deyə Marqo oğlana nəzər salmadan atmaca ilə dilləndi. Məclis davam edə-edə otaqdakı televizor işləyirdi. Bir az keçəndən sonra xəbərlər verilişi yayımlanmağa başladı. Həmişəki kimi Eduardın anası xəbərlərə qulaq asmaq üçün qulaqlarını televiziyaya şəklədi. Yaşının kifayət qədər çox olmasına baxmayaraq o, distansion pultdan lazımi şəkildə istifadə edə bilirdi və qarı heç kimə əhəmiyyət vermədən televizorun səsini artırdı. Bu vaxt onun hərəkətindən narazı olan Janna sifətini büzərək “Marqo yenə də kar qulağını işə saldı” ifadəsini elə işlətdi ki, Elizabetin hirslənməsinə baxmayaraq, Karmen qəh- qəhə çəkib gülməyə başladı. Eduardın böyük qızı nənəsini çox istədiyindən o, ikrah hissi ilə dedi:
Yüklə 2,72 Mb. Dostları ilə paylaş:
|