32
yəndəlikləri ilə yazışmalar dövlət dilində və ya Azərbaycan
dilinə tərcümə olunmaqla müvafiq xarici dildə aparıla bilər.
Azərbaycan Respublikasının ərazisində təsis edilən və fə-
aliyyət göstərən, mülkiyyət formasından asılı olmayaraq bütün
televiziya və radio yayımları dövlət dilində aparılır. Bütün
televiziya və radio kanallarının aparıcıları dövlət dilini mükəm-
məl bilməlidirlər və onların səlis danışıq qabiliyyəti olmalıdır.
Eyni zamanda bütün xidmət sahələrində, reklam və elan-
larda dövlət dili işlənilir (Azərbaycan Respublikasının
Konstitusiyası. Dərslik, Bakı, 2014, səh.31).
Azərbaycan dilinin dövlət dili statusu almasında XX əsrin
90-cı illərində SSRİ-də baş vermiş hadisələrin də mühüm rolu
olmuşdu. Belə ki, Sovet imperiyasının dağılmasının əsası Sovet
İttifaqı Kommunist Partiyasının 1985-ci ildə keçirilən mart
plenumunda qoyuldu. Məhz bu plenumdan sonra sovetlər
daxilində birləşdirilmiş xalqlar sanki yuxudan ayıldılar, illərlə
vətənpərvər, qabaqcıl ziyalıların, şair və yazıçıların, elm və sə-
nət adamlarının öz milli azadlıqları, suverenlikləri uğrunda
apardıqları mübarizə yeni məcraya yönəldi, xalqlar qul psi-
xologiyasından azad olmağın vaxtı çatdığını başa düşdülər, öz
mili dilləri, yazıları, mədəniyyətləri uğrunda mübarizəyə atıl-
dılar. Bu xalqların içərisində Azərbaycanlılar daha öncül möv-
qe tuturdular. Belə bir siyasi şəraitdə Azərbaycan Respublikası
Ali Sovetinin 1988-ci il 18 avqust və 23 sentyabr tarixli
qərarları dilimizin hörmətini qaldırmağa yönəlmiş ilk ciddi
addımlar oldu.
Azərbaycan xalqı 1990-cı ilin 20 yanvarında qanına qəltan
olsa da, böyük faciələrlə üzləşərək torpağının 20 faizini itirsə
də, bir milyona yaxın soydaşı öz ev-eşiyindən, öz əzəli torpaq-
larından didərgin düşsə də Azərbaycan Respublikası Ali
Sovetinin 1991-ci il avqustun 30-da qəbul etdiyi “Azərbaycan
Respublikasının dövlət müstəqilliyinin bərpası haqqında” bə-
yannaməsi xalqımızın siyasi mübarizəsinin yekunu oldu. Azər-
baycan Respublikası öz dövlət müstəqilliyini bərpa etdikdən
33
sonra Azərbaycan dilinin inkişaf etdirilməsi yolunda yeni dövr
açıldı. Azərbaycan dilinin rəsmi dövlət dili statusu məsələsi
artıq 1992-ci ilin dekabrında Azərbaycan Respublikası Milli
Məclisində müzakirə olundu və dilimizin adının 1936-cı ilə
qədər işləndiyi kimi -“türk dili” adlandırılması qərara alındı.
Lakin Azərbaycan dilinin respublikamızda tam səlahiyyətli
dil olmasını, dövlət dili statusu almasını, şəriksiz rəsmi dil kimi
işlədilməsini ulu öndər Heydər Əliyev reallaşdırıb həyata ke-
çirdi. O, hakimiyyətə ikinci dəfə gəlişindən sonra Konstitusi-
yanın qəbulu zamanı müzakirələrdə öz çıxışlarında dilimizin
adının təsbit olunmasında və dövlət dili statusu almasında
çevik siyasət yeritdi. Dilimizin adının 1936-cı ildən “Azərbay-
can dili” adlandırılmasına rəğmən onun bu şəkildə adlandırıl-
masını düzgün hesab etdi. Çünki xarici ölkələrdə “türk dili”
termini altında ancaq Türkiyə dövlətinin rəsmi dili başa
düşülürdü və onlar ikinci türk dilini tanıyıb qəbul etmək istə-
mirdilər. Bu məlum həqiqəti nəzərə alaraq, eləcə də 50 ildən
artıq bir müddətdə bütün dünyada “Azərbaycan dili” altında
tanınmış dilimizin elə bu adda işlənməsini şair və yazıçılar,
dilçi alimlər, elm və ictimai xadimlər, ümumən bütün
ictimaiyyət müsbət qarşıladı və Heydər Əliyevin mövqeyini
dəstəklədilər. Adamlar bu məsələni Konstitusiya komissiya-
sında, kütləvi informasiya vasitələrində, müxtəlif elmi forum-
larda, yığıncıqlarda, idarə, təşkilat və müəssisələrdə hərtərəfli
müzakirə edərək dövlət başçısı, çox hörmətli prezident H.Əli-
yevin təklif etdiyi variantı – “Azərbaycan dili”nin tərəfdarı
olduqlarını bildirdilər və həmin il noyabrın 12-də keçirilən
ümumxalq referendumunda Azərbaycan Respublikasının
dövlət dilinin Azərbaycan dili olması müdəası qəbul olundu.
Beləliklə, ölkəmizin, dövlətimizin, xalqımızın adi dilimizin adı
üçün də əsas götürüldü və 1992-ci ilin 30 dekabrında Azər-
baycan Milli Məclisində qəbul olunmuş və sənədlərdə, dərslik-
lərdə öz əksini tapmış “türk dili” adı “Azərbaycan dili”adı ilə
əvəzləndi. Məhz bundan sonra dilimiz böyük ictimai-siyasi nü-
34
fuz qazandı, siyasi, iqtisadi, sosial, mənəvi-ideoloji həyatımızın
bütün sahələrində işlənməyə başladı.
Söz ehtiyatının artırılması və fəal nitq vahidinə çevrilmə-
sinin ilkin vasitələrindən biri bədii, ictimai-siyasi və publisistik
ədəbiyyatın mütaliəsindən ibarətdir. Rabitəli cümlələrdən iba-
rət mətnləri, bədii əsərlərdən götürülmüş parçaları mütaliə
etmədən, hər dərsdə öz nitqinə yeni leksik və frazeoloji ma-
teriallar daxil etmədən dili öyrənmək isə çox çətindir.
İstər Azərbaycan yazıçılarının həyat və yaradıcılığına aid
esselər, şifahi xalq yaradıcılığına aid sənət nümunələri, istərsə
də bədii ədəbiyyatdan götürülmüş parçalar tələbələrin bədii,
elmi, siyasi dünyagörüşünü genişləndirir, onların vətənpərvər-
lik hisslərini daha da gücləndirir. Əbəs deyildir ki, “vətənpər-
vərlik ana dilindən başlanır” deyirlər.
Azərbaycan dilini, bu dilin incəliklərini gənc nəslə öyrədən
müəllim xalqımızın ən məşhur şair və yazıçıları kimi bədii
dilin obrazlı, emosional nümunələrinə dərindən yiyələnməklə
hər bir dərsdə, praktik məşğələ və mühazirədə, söhbət və mü-
sahibələrdə elə səlis, ifadəli və rəvan danışmalıdır ki, özünü əsl
natiq kimi sevdirməklə yanaşı müqəddəs ana dilimizi də sev-
dirməli, dilimizin mənimsənilməsinə, dərindən öyrənilməsinə
xidmət göstərmiş olsun. Bəli, müəllim şair və nasir kimi gözəl,
ifadəli, obrazlı danışmağı, natiqlər kimi bəlağətli, pafoslu nitq
söyləməyi, bədahətən, sinədəftər söz deməyi bacarmalı, danışıq
dilimizi zənginləşdirməli, danışıq dili ilə ədəbi dil arasında
canlı körpü yaratmalı, dilimizin müasir elmi fikirləri də ifadə
etməyə qadir olduğunu nümayiş etdirməlidir.
Biz tələbələrdə mütaliəyə həvəs oyatmaq üçün xalqımızın
əsrlər boyu yaratdığı zəngin məzmunlu dastanları, zərb-məsəl-
ləri, nağıllarımızı, hekayələrimizi, atalar sözlərini, məsəlləri,
aforizmləri, şifahi xalq ədəbiyyatının başqa nümunələrini yük-
sək səviyyədə çatdırmalı, xalq həyatını, xalq dilini özündə
ehtiva edən bədii sənət nümunələrini gənc nəslə estafet kimi
ötürməliyik. Biz eyni zamanda öz dilimizdə elə təmiz, cazibəli,
Dostları ilə paylaş: |