146
-
Allah.....Allah.....Biz özümüz axı.....
-
Xeyr, əfəndim. Biz çox əntiqəyik. Gələcəyimiz parlaqdır.
Şükürlər olsun.
-
Ağ eləmə də......elə də deyil axı.....yəni, şey düz deyirsən,
əlbəttə. Amma lap elə də deyil axı....ağ eləmə də.....(Əziz
Nesin. “Ağ eləmə” hekayəsindən).
ÇalıĢma. Oxuyun, dialoji nitqin xüsusiyyətlərini xatırlayıb
deyin, mikrodialoq haqqında fikirlərinizi izah edin:
Təbrizdə, yoxsul Musanın evi, Nəbi yaralıdır. Yataqda
uzanmışdır. (Qapı döyülür. Qasım dayı kiçik səbətdə Nəbiyə
üzüm gətirir).
Nəbi: - Aha, Qasım dayı, xoş gördük səni.
Qasım: - Vəfasız düşünmə o qədər məni.
Musa: - Qasım, nə xəbərlə gəlmisən?
Qasım: - İş var......
Düşmənlər Nəbiyə quyu qazırlar.
Musa: - Bəs niyə gecikdin?
Qasım: - Bir səbəb oldu.
Nəbi: - Tez danış, ürəyim şübhəylə doldu.
Qasım: - Təbriz hakiminə Tiflis hakimi
Haqqında yazıbdır belə bir fərman:
“Gərək təslim etsin Nəbini İran”.
...Odur ki, bu saat Paşa bəy, divan,
Səni axtarırlar, səni, Nəbi can.
Nəbi: - Deyirsən, buradan çəkilmək geri!
Qasım: - Deyəsən, duyublar olduğun yeri.
Nəbi:- Kim verdi sənə bu qara xəbəri?
Qasım: - Haman Paşa bəyin qoca nökəri.
Musa: - Nəbi, biz onunla qohumuq bir az.
O bizim adamdır, yalan danışmaz.
Qasım (xatirinə salaraq): - Hə......bir də deyir ki, dəstədən
kimsə,
Bu işə qol qoyub......
Nəbi (həyəcanla): - Necə?
147
Qasım: - Nə isə.....
Bir az ehtiyatlı olsan nə olar?
Göz-qulaq olmağın nə zərəri var?
Nəbi: - Dəstəmdə Kərimdir Təbrizdən ancaq (fikirləşir).
Qasım: - O, yalan danışmaz, ayıq ol, Nəbi!
Hər tərəf cəsusdur, sayıq ol, Nəbi!
(Qapı üç dəfə döyülür. Qurd Kərim gəlir, həyəcanlanır)
Qurd Kərim (Nəbiyə): - Qardaşım, necəsən?
Nəbi: - Yaxşıyıq bir az.
Qurd Kərim: - Dolub dilənçiylə küçə və meydan
İlan oynadanla meymun oynadan
Bütün camaatı yığır başına....
Musa (kinayə ilə): - Yaman darıxırsan deyəsən, aşna!
Küçədən bir neçə güllə səsi eşidilir. Hamı bir an qulaq
asır. (Süleyman Rüstəm. “Qaçaq Nəbi” pyesindən)
ÇalıĢma. Oxuyun, sözlərin vurğusunun yerini göstərin,
səbəbini deyin:
Hakimiyyət, başqa, mehmanxana, spartakiada, atletika,
göstərmək, tennis, marşrut, qıpqırmızı, gömgöy, sessiya, yarış,
problem, yeddi, doqquz, kommersiya, kənarlaşdırmaq, hakim-
dir, voleybol, göndərmə.
ÇalıĢma. Aşağıdakı sözləri söz birləşmələri daxilində elə
işlədin ki, vurğunun yeri dəyişərkən məna da dəyişsin:
Alma, asma, bağlama, basdırma, burun, çəkmə, əyin, dol-
ma, dondurma, gəlin, süzmə, biçin.
ÇalıĢma. Mətni tələffüz qaydalarına uyğun oxuyun,
sözlərin orfoepik şəklini mötərizədə qeyd edin, ədəbi dildə da-
nışıq üslubuna aid məqamları göstərin:
Koroğlunun bir bəzirgan dostu var idi. Adı Xoca Əziz idi.
Xoca Əziz neçə illər Koroğlu ilə dostluq eləmişdi. İndi Eyvaz-
gil tutulan vaxtda o da mallarını satmaq üçün Bağdada gəl-
mişdi. Qoşun elə ki, Eyvazgili tutub şəhərə tərəf gəlməyə üz
qoydu, bazara səs düşdü ki, bəs üç nəfər quldur tutublar,
asmağa aparırlar. Bazar adamı hamısı çıxdı onların tamaşasına.
148
Xoca Əziz də bu adamların içində idi. Gözlə ha gözlə, axırda
dəstənin ucu açıldı. Aslan paşa keçdi, qoşun böyükləri keçdi,
atlılar keçdi. Bir də baxdılar ki, budur bir bölük qoşun dustaq-
ları ortalığa alıb gətirir. Xoca Əziz gördü nə? Tutulan Eyvazdı,
Dəmirçioğludu, bir də Bəlli Əhməddi. Dünya-aləm Xoca
Əzizin gözündə qaraldı. Dedi: “Ey dadi-bidad!.....Bu zalım
oğlu zalım uşaqları öldürəcək”. Qaldı mat-məətəl ki: “Nə təhər
eləyim? Mənim burda əlimdən bir iş gəlmiyəcək. Burada qılınc
vurmaq lazımdır. Xəbərə getsəm də buradan Çənlibelə azı bir
həftəlik yoldu” (“Koroğlu” dastanından).
ÇalıĢma. İmtahana gəlməmişsiniz. Dekana izahat yazın.
Ġzahata verilən tələbləri göstərməklə onun yazılış formasını qı-
saca qeyd edin.
Monoloji nitqin növləri
Monoloji nitqin natiqlik üslubunda ən çox yayılmış növləri
çıxıĢ, mühazirə və məruzədir.
ÇıxıĢ məişət üslubunun ən geniş yayılmış növüdür. Mo-
noloji nitqin bu növü daha çox prezident yanında ilin yekunları
və ya istehsalatın hər hansı bir sahəsinə aid toplantıda,
nazirlərin hesabatında, yığıncaqlarda və iclaslarda səsləndirilir.
Məsul şəxs qarşısında başqalarının monoloji nitqi çıxıĢ
adlanır. Ali məktəb rəhbərliyinin səlahiyyətli nümayəndələrinin
(rektor, prorektor, tədris hissə müdiri, dekan, dekan müavini,
kafedra müdiri və b.), orta və peşə məktəblərinin, lisey və kol-
leclərin, mənzil-istismar sahələrinin, idarə, müəssisə və təşki-
latların başçılarının sinifdə, auditoriyada, iclas zalında, kabi-
netdə ümumiyə xitabən danışması, toy məclisində masabəyi və
qonaqların təbrik üçün söz deməsi, mərasimlərdə, mitinqlərdə,
bir tikilinin, qurğunun açılışında, hər hansı bir görüşdə deyilən
qısa, yığcam, bəzi hallarda geniş fikirlər toplusu çıxıĢdır.
Çıxışda söz alıb danışanın nitqi hansı münasibətlə deyil-
məsindən çox asılıdır. Söz sahibinin mövqeyi, həyatda tutduğu
Dostları ilə paylaş: |