1-mavzu. Qurilishda bahoni shakllantirishning umumiy masalalari. Qurilishda narxlarni shakllantirish usullari

S=(So+Sm+Szp+Sem+Pp+Pz+Sr) x KR,
Bunda:
So - asbob-uskunalarga, mebel va inventarga xarajatlar;
Sm - qurilish materiallari, buyumlar va konstruksiyalarga xarajatlar;
Szp - ijtimoiy sug‘urtaga ajratmalar hisobga olingan holda asosiy ish haqiga xarajatlar;
Sem - mashina va mexanizmlardan foydalanish xarajatlari;
Pp - boshqa xarajatlar va pudratchining xarajatlari;
Pz - boshqa xarajatlar va buyurtmachining xarajatlari;
Sr - ob’ektlar qurilishini sug‘urta qilish xarajatlari;
Kr - navbatdagi yilda qurilishda narx o‘sishining prognozlashtirilayotgan indeksidan kelib chiqib aniqlanadigan tavakkalchilik koeffitsienti.
Qurilish materiallari, mahsulotlari, konstruksiyalari, uskunalar, mebel va inventar uchun sarflanadigan xarajatlar transport, tayyorlash-omborda saqlash xarajatlari va import materiallar, uskuna, mebel va inventar uchun qonunchilikda belgilangan bojxona to‘lovlarini qo‘shib hisoblangan ishlab chiqaruvchi (etkazib beruvchi) korxonalarning narxlari qo‘llanilib loyiha spetsifikatsiyalariga muvofiq tarzda tuzilgan resurs ro‘yxatlarga asoslanib yoki mazkur hududda shakllangan narxlar monitoringi asosida tuziladigan ma’lumotlar banki bo‘yicha aniqlanadi.
Turli qurilish materiallari, mahsulotlari, konstruksiyalari, uskunalari, mebel va inventarning o‘rtacha narxi ishlab chiqaruvchi zavodlarning ulgurji narxi, qurilish materiallari birja va yarmarkalaridagi narxlar, qurilish materiallarini etkazib beruvchi tashkilotlarning narxlari, O‘zbekiston Respublikasi Davarxitektqurilish qo‘mitasi tomonidan chop etiladigan qurilish materiallari uchun joriy narxlar katalogida keltirilgan narxlar asosida aniqlanishi mumkin.
Ish haqi uchun sarflanadigan xarajatlar ob’ekt qurilishining normativ mehnat sarfini 1 kishi-soat ko‘rsatkichining joriy narxiga (so‘m) va ijtimoiy sug‘urtaga ajratiladigan to‘lovlarni hisobga oluvchi koeffitsientga ko‘paytirish yo‘li bilan quyidagi formula yordamida aniqlanadi:
Szp = T x Sch x Kss
bu erda: