78
ölkələrindən köçməsi nəticəsində yaranan kəndlərinin yaranması tarixini xatırlayırlar.
Beləliklə, Azərbaycan ərazisində, onun yüksək dağlıq və dağətəyi rayonlarındakı kürd
əhalinin əsas kütləsi İrandan XıX əsrin əvvəllərindən başlayaraq köçmüşlər” (7,39).
Həmin müəllif sonrakı illərdə yazdığı “Kürdlərin maddi mədəniyyəti XIX-XX
əsrin əvvəllərində” adlı kitabında həmin səhvini qismən düzəldərək, kürdlərin
Azərbaycan ərazisində VIII-XIV əsrlərdən məskunlaşdığını qeyd edir (8,65). Halbuki,
Azərbaycan
ərazisində
qədim kürd tayfaları eramızdan
əvvəlki minilliklərdə
məskunlaşmışdır. Bu barədə bu kitabın II.I. fəslində geniş məlumat veriləcəkdir.
Ermənistan ərazisində də kürdlər ən qədim zamanlardan məskunlaşmışlar. Məsələ
burasındadır ki, ən qədim kürd tayfa birləşmələrinin (urartalıların, xoldeylərin, nairlərin
və s.) doğma vətəni olan Arimana vilayəti (“Manna ariləri”nin vətəni) yuxarıda qeyd
etditimiz kimi, Aralıq dənizi sahillərindən gəlmiş Haylar (ermənilər) tərəfindən işğal
olunduqdan sonra onlar tərəfindən Hayastan, avropalılar və ruslar tərəfindən Armeniya
adlanmağa başlamışdır.
İndiki Ermənistan ərazisində kürdlərin orta əsrlərədək geniş məskunlaşdığını sübut
edən bəzi faktları I.I. və I.II fəsillərdə vermişik. Əlavə olaraq onu da qeyd edək ki,
buradakı bir çox coğrafi adlar kürdlərin sonralar Ermənistan (Hayastan) adlandırılan
respublikanın (1920-ci ildən) ərazisində orta əsrlərədək geniş məskunlaşdığını sübut edir.
Məsələn, kürd mənşəli Şəddadilər sülaləsinin yaratdığı dövlətin ilk paytaxtı olan Dəbil
(hazırda Ermənistanın Ararat rayonundakı Dvin qəsəbəsinin ərazisində yerləşirdi)
şəhərin orta əsrlərdə kürdlər tərəfindən məskunlaşdığı barədə bir çox ərəb mənbələrində
məlumat verilmişdir. Məsələn, hələ X əsrdə ərəb coğrafiyaşünası Əl-Müqəddəsi yazırdı:
“Dəbil çox böyük şəhərdir. Buranın qalası alınmaz, nemətləri çoxdur; tarixi qədimdir...
Came məscidi hündür təpədə yerləşir. Kürdlər buranı qoruyurlar” (105,132).
Bu məlumata ozu da əlavə edək ki, Dəbil şəhərinin adı qədim kürd tayfasının adı
olan “Bil” sözü ilə bağlıdır. Maraqlıdır ki, İraqdakı Kürdüstanın bu günkü paytaxtıolan
Ərdəbil də həmin tayfanın adını daşıyır. Onu da xatırladaq ki, Səlahəddin Əyyabinin ulu
babası məhz Dəbildən Ərbilə getmişdir. Dəbiş şəhərinin qədim zamanlardan kürdlərə
məxsus olduğunu sübut edən başqa fakta diqqət yetirək. W. Köhler “Övliya Çələbi
səyahətnaməsində Bitlis və xalqı” adlı kitabında yazır: “642-ci ildə ərəblər Artaşat
yaxınlığında Kürd çayını keçdilər və Dvin qalasını tutdular. Kazaryan yazır ki,
Mertsamur çayının digər adı da kürd çayıdır” (109,19).
Buradakı Dvin-Dəbilin ermənicə adıdır. Artaşat şəhəri dəbilin yaxınlığında
yerləşir. Onun adı kürd dilində Ərdəşad olub “Şad (Şadilər-Şəddadilərin kürdcə qısa adı)
torpağı” (“Ərd”-yer, torpaq deməkdir) mənasındadır. Kürd çayının (Metsamurun)
79
sahillərindəki kəndlərdən biri son dövrlərədək Kürdkənd adlanırdı. Hazırda həmin kəndə
Noraşen adı verilmişdir.
Yaxud başqa bir misal. Orta əsrlərdə Mosuldan Zəngəzur dağlarınadək geniş
ərazidə iz qoyan kürd tayfa birləşməsi- Zəngilərin adını daşıyan bir çox toponimlərə
indiki Ermənistan ərazisində də rats gəlirik: Zəngi çayı (indiki Razdan), Zəngibasar
rayonu (indiki Masis), Zəngəzur silsiləsi və s. Bəzi tətqiqatçıların fikrinə görə
Ermənistanın indiki paytaxtı İrəvanın adı qədim kürd tayfası olan Rəvanla (Rəwan)
bağlıdır. Kürdlər indi də İrəvana Rəwan deyir. İraq Kürdüstanındakı Rəvandiz şəhərinin
qədim zamanlardan bu günədək kürdlərlə məskunlaşması faktı bu mülahizənin
doğruluğuna dəlalət edir.
Ermənistanın Gorus, Sisian və s. kimi şəhər adları da kürdlərlə bağlıdır.
Ümumiyyətlə, indiki Ermənistan ərazisində kürdlərin və kürd mənşəli tayfa və
qəbilələrin adı ilə bağlı belə qədim toponimlər yüzlərlədir. Onların öyrənilməsinin dərin
tətqiqata ehtiyacı olduğundan burada qeyd etdiyimiz bir neçə faktla kifayətlənməyi
məqsədəuyğun hesab edirik.
Beləliklə T. Aristova, Q. Çursin, A. Bukşpan və başqa tətqiqatçılar yuxarıda qeyd
etdiyimiz faktları və həmin faktlardan irəli gələn məntiqi mühakiməni (kürdlər doğma
vətənlərini tərk etmək məcburiyyətində qaldıqda ərəblərin, farsların türklərin və.s qonşu
xalqların yaşadıqları ölkələrə deyil, məhz öz soydaşlarının qədim zamanlardan bəri
yaşadığı indiki Ermənistan və Azərbaycan ərazisinə-tarixi kürdüstanın ən ucqar
məntəqələrinə köçmüşlər) nəzərə almadıqları üçün Cənubi Qafqaz (Zaqafqaziya)
kürdlərinin məskunlaşma tarixi haqqında yuxarıda qeyd etdiyimiz yalnışlığa yol
vermişlər.
Əlbəttə, həmin müəlliflərin qeyd etdiyi kimi, XIX əsrin I yarısında Cənubi Qafqaz,
xüsusi ilə, Ermənistan və Azərbaycan ərazilərinə tarixi Kürdüstanın bir çox
vilayətlərindən xeyli sayda kürd tayfaları siyasi və sosial-iqtisadi səbəblərə görə köçərək
bu yerlərdə məskunlaşmışlar. Həmin tayfalar həm Ermənistanın həm də Azərbaycanın
digər regionlarında (ermənilərin və Azərbaycanlıları üstünlük təşkil etdiyi yerlərdə)
deyil, məhz öz soydaşlarının
(Kürdlərin)
qədimdən yaşadıqları rayonlarda
məskunlaşmışlar.
XX əsrin 80-ci illərinədək, daha doğrusu, Ermənistanla Azərbaycan arasındakı
Qarabağla əlaqədar münaqişənin yarandığı ilədək (1988-ci il) Hayastan Respiblikası
ərazisində 80 mindən çox kürd yaşayırdı. Lakin bu rəqəm əhalinin 1989-cu il siyahıya
alınmasında 60 min göstərilmişdir. Həmin dövrdə kürdlər əsasən Ermənistanın Araqats,
Talin, Aparan, Armavir, Eçmədzin, Artaşat, Ararat (Vedi), Aştarak, Kotayk, Taşir
Dostları ilə paylaş: |