Mendan juda ko`p Python tilining afzalliklari haqida so`rashganlari uchun men shu mavzuda uncha katta bo`lmagan tahliliy maqola yozishga qaror qildim.
Quyida Python yordamida bajarish mumkin bo`lgan ba`zi amallar keltirilgan:
xml/html fayllar bilan ishlash
http so`rovlar bilan ishlash
GUI (Grafik interfeys)
Veb-ssenariylar yaratish
FTP bilan ishlash
Tasvirlar, audio va video fayllar bilan ishlash
Robototexnika
Ilmiy va matematik hisoblashlarni dasturlash
Va yana juda ko`plab boshqa ishlar.
Shunday qilib, Python tili hoh rezervli nusxalash, hoh elektron pochtani o`qish yoki biror bir o`yin yaratish kabi kundalik vazifalarning juda katta qismini bajarishda qo`l kelishi mumkin.Python dasturlash tili deyarli hech nima bilan cheklanmagan, shuning uchun yirik loyihalarda ham qo`llanilishi mumkin. Masalan, Python Google va Yandex kabi IT gigantlar tomonidan muntazam qo`llanilib kelinmoqda. Bundan tashqari Python tilining oddiyligi va universalligi bu tilni eng kuchli dasturlash tiliga aylantirgan.
2-bob.
Pythonni ko`chirib olish.
Bugun biz Python 3 ni ko`chirib olish va o`z kompyuterimizga tekinga, ro`yxatdan o`tish va SMSlarsiz o`rnatib olishni o`rganamiz :).
Windowsda Pythonni o`rnatish.
Pythonni biz rasmiy saytidan yuklab olamiz. Shu yerda sizni Pythonni boshqa saytlar yoki torrentlardan ko`chirmaslikka chaqiraman, chunki ularda viruslar bo`lishi mumkin. Dasturning o`zi tekin. https://python.org/downloads/windows/ manziliga kiramiz hamda “latest python release” ni va python 3 ni tanlaymiz.
Ushbu kitobdagi ba`zi misollarim Python 2 da ishlamasligi mumkin. Ushbu kitob yozilayotgan vaqtda saytda Python 3.8.6 versiyasi bor.
Pythonning joriy versiyasi tavsiflangan (ingliz tilida) sahifa hosil bo`ladi. Sahifaning oxiriga o`tib, Download/Загрузки/Yuklash ni tanlanganda eng oxirgi versiyani yuklash sahifasi hosil bo`ladi:
Bundan tashqari siz yuklab olishingiz mumkinbo`lgan fayllarning ro`yxatini ham ko`rishingiz mumkin. Bizga (agar sistemamiz 32 bitli bo`lsa) Windows x86 MSI installer yoki (agar sistemamiz 64 bitli bo`lsa) Windows x86-64 MSI installerlardan biri kerak. Mana shu fayllardan boshqa bizga hech narsa kerak emas.
Python o`rnatiladigan faylining yuklanishini kutamiz:
Shundan keyin, yuklangan faylni ochamiz. Fayl Python Software Foundation tomonidan imzolangan bo`lsa, demak, hammasi joyida. O`rni kelganda, tasdiqlanmagan yoki ishonchsiz tasdiqlangan .exe kengaytmali fayllarni ochishdan saqlanish kerakligini eslatib o`taman.
Barcha foydalanuvchilar uchun yoki faqat bir kishi uchun (ixtiyor sizda) o`rnatishni tanlaymiz:
O`rnatish uchun papka manzilini tanlaymiz. Men ko`rsatilgan papkani o`zgarishsiz qoldiraman. Siz esa, o`z diskinbgizdagi xitiyoriy papkani tanlashingiz mumkin.
O`rnatish kerak bo`lgan komponentalarni tanlaymiz. Bu haqda tushunchaga ega bo`lmasangiz yoki ishonchingiz komil bo`lmasa, bu yerda hech qanday o`zgarish kiritmaymiz.
Pythonni o`rnatish yakuniga yetishini kutamiz…
Finish. Tabriklayman. Siz Pythonni o`rnatdingiz! Bundan tashqari Windows uchun mo`ljallangan Python o`rnatuvchisining tarkibida IDLE ham mavjud. Siz hoziroq o`zingizning birinchi dasturingizni yozishngiz mumkin.
Dostları ilə paylaş: |