Python tili sintaksisi.
Python tilining sintaksisi ham tilning o`zi kabi juda soddadir.
Sintaksis.
Satrning yakuni ko`rsatmaning ham yakuni hisoblanadi (nuqtali vergul talab etilmaydi)
Ichki ko`rsatmalar qoldirilgan bo`sh joylarga qarab bloklarga birlashtiriladi.Bosh joylar soni ixtiyoriy bo`lishi mumkin, asosiysi, bitta ichki blok chegarasida bo`sh joylar soni bir xil bo`lishi kerak. Bu yerda kodning oson o`qilishiga ham e`tibor qaratish kerak. Masalan, 1 ta bo`sh joy tashlash – bu yaxshi usul emas. Yaxshisi, 4 ta bo`sh joy tashlang (yoki hech bo`lmaganda tabulyatsiyadan foydalaning).
Pythonda ichki ko`rsatmalar bitta shablon asosida yoziladi: Asosiy ko`rsatma ikkita nuqta bilan yakunlanganda, undan keyin odatda, kod bloki bir xil bo`sh joy tashlagan holda yoziladi.
Asosiy ko`rsatma:
Ichki ko`rsatmalar bloki
Ba`zi maxsus holatlar.
Ba`zan, bir nechta ko`rsatmalarni bir-biridan nuqtali vergullar bilan ajratgan holda bitta satrda ham yozish mumkin.
a = 1; b = 2; print(a, b)
Lekin bu imkoniyatni hadeb qo`llayvermang. Dasturni oson o`qilishi haqida esdan chiqarmang. Yaxshisi bu imkoniyatni umuman qo`llamang.
Bitta ko`rsatmani bir nechta satrlarda ham yozish mumkin. Buning uchun bu ifodani oddiy yumaloq, kvadratli yoki figurali qavslardan birining ichiga olish kifoya.
Tarkibiy ko`rsatma asosiy ko`rsatma bilan bir satrda ham joylashishi mumkin, faqat tarkibiy ko`rsatma ham o`z navbatida tarkibiy ko`rsatmalardan iborat bo`lmasa. Umid qilamanki, siz tushundingiz . Keling, yaxshisi, bir misol keltiraman:
if x > y: print(x)
Sintaksisni to`liq tushunish, albatta, tajriba ortishi bilan birga keladi, shuning uchun ham “Dasturlarga misollar” bo`lmiga qarashni maslahat beraman.
Bundan tashqari PEP8 – Pythonda kod yozish bo`yicha qo`llanma hamda “Pythonda kodni rasmiylashtirish” PEP 257 lar bilan ham tanishishni maslahat beraman.
5-bob.
Dostları ilə paylaş: |
