1-tema: Tálim processinde metodlardıń pedagogikalıq mánisi. Tálim processinde túrli metodlardan paydalanıw Joba: «Metod», «Tálim metodları»

Oqıtıw processinde qollanılatuģın metodlarģa qoyılatuģın talaplar. Tálim metodlarınıń aldına tómendegi tiykarģı talaplar qoyıladı:
1. Oqıw materialın úyreniw jolı pikir júritiwdiń didaktikalıq usılların, milliy ģárezsizlik ideyası hám de milliy qádiriyatlarģa tiykarlanģan, ádep-ikram, minez-qulıqtıń unamlı páziyletlerin qáliplestiriwge alıp keliwi múmkin.
Usınday talap kóz-qarasınan qaraģanda, tálim metodı tárbiyalawshı xarakterge iye bolıwı, yaģnıy bilimlerdi ózlestiriw ģana emes, al tálimniń tárbiyalawshılıq imkaniyatların da iske salıwģka járdem beriwi kerek.
2. Tálim metodı ilimiy dáliller menen anıq dálillengen bolıwı kerek. Áne usınday oqıtıwshı, bul metod penen islegende qanday wazıypalardı qoyıp, sheshiw múmkinligin hám qanday wazıypalardı ámelge asırıp bolmaslıģáın kóre aladı. Metodtıń ilimiyligi oqıwshılardıń anıq pikir júritiwin: materiallardı ózlestiriw processindegi dálil hám analizlerdiń maqseti, quralları, usılları, tiykarģı hám ekinshi dárejeli nátiyjelerdi de bildiredi.
3. Tálim metodlarınıń sistemalılıģı olardıń nátiyjelilik dárejesin belgileydi. Oqıw materialın úyreniwdiń hár qanday bólek alınģan usılı, usı sabaqta qollanıw ushın júdá qolay bolsa da, oqıtıwdıń basqa metodları menen birge qollanılmaģanda oqıwshılardıń aqlınıń ósiwine onsha tásir etpewi de múmkin.
4. Tálim metodları aldına jaģdaydan kelip shıģıp qoyılatuģın jáne bir talap–olardıń túsinikli bolıwı esaplanadı. Oqıtıw jolı oqıwshıģa túsinikli hám anıq bolıwı, oqıw materialın úyreniw usılları bolsa onıń bilimlerin ózlestiriwdegi jas imkaniyatlarına muwapıq keliwi kerek.
5. Balanıń seziw organları arqalı biliwge úyretiw hám oqıw processinde kórsetpeli qurallardı ilaji barınsha kóbirek paydalanıw zárúrligi tálim metodlarınıń aldına qoyılatuģın zárúr talap bolıp esaplanadı. Tálim metodların oqıwdı sanalı hám aktiv formada alıp barıw faktorı kóz-qarasınan dálillew zárúrligi de talaplardan biri esaplanadı. Balanıń oqıw shınıģıwına aqıllı múnásibette bolıwı, oqıw materialınıń mazmunın sanalı túrde túsiniwi, ondaģı biliw iskerligi hám qızıģıwshılıģınıń dárejesi oqıtıwshınıń túsindiriw metodlarına hám balalardıń bilimlerin ózlestiriw usıllarına baylanıslı boladı.
6. Tálim metodlarınıń aldına qoyılatuģın talaplardan jáne biri bilimlerdiń negizgi hám puxta bolıwı bolıp tabıladı. Tálim metodları jaqsı nátiyje beretuģın bolıwı kerek. Oqıtıwshınıń túsindiriw hám oqıwshılardıń ózlestiriw usılı rejelestirilgen yamasa mólsherlengen nátiyjeni beriwi kerek.