1-tema: Tálim processinde metodlardıń pedagogikalıq mánisi. Tálim processinde túrli metodlardan paydalanıw Joba: «Metod», «Tálim metodları»

Qadaǵalaw ushın sorawlar:
1. Mektepke shekemgi pedagogika quramındaģı pánlerdi oqıtıwdıń innovaciyalıq metodı hám quralları.
2. Keys-stadi metodı.
3.Keys-stadi metodı bashqıshları.
3. Oqıtıwdıń maqset hám wazıypaları.
8-semestr
1-tema: Tálimdi zamanagóy shólkemlestiriw formaları. Tálimdi zamanagóy shólkemlestiriw formalarınan paydalanılģanda tálimniń nátiyjeliligi.
Joba:
1. Pedagogikanıq oqıtıwdıń formaları, klass sabaq sisteması.
2. Sabaq oqıtıwdı shólkemlestiriwdiń tiykarģı formaları.
3. Sabaqtıń dúzilisi hám tipleri.
4. Pedagogikalıq oqıtıwdıń basqa formaları.
Tálim sociallıq hádiyse bolıp, onıń tarıyxı júdá uzaqqa barıp taqaladı. Tálim insaniyat jámiyetiniń rawajlanıwınıń dáslepki waqıtlarınan baslap-aq úlken rol atqarģan. Ol jıynalģan tájiriybelerdi, dún’ya haqqındaģı maģlıwmatlardı beriw processin támiyinlegen, insaniyattıń tek ģana sociallıq rawajlanıwına emes, al qıyın shárayatlarda jasay alıwına da járdem bergen. Úzliksiz rawajlanģan jámiyette tálimniń ańsat forması, yaģnıy sabaq kóplegen mıń jıllar dawamında júzege kelgen. Ya.A.Kamenskiy «Ullı didaktika» shıģarmasında jámáátlik tárbiyanıń aldınģı barlıq tájiriybelerin ulıwmalastırdı, klasstıń sabaq sistemasına tálimniń tiykarģı didaktikalıq principlerin izbe-iz túsindirdi. Sol dáwirlerden beri 350 mıńnan artıq waqıt ótti. Sonsha waqıt ishinde sabaqtıń shólkemlestiriliw formaları da tálimniń metodları da jetilisip ketti.
Xalıq mektepleri shólkemlestire baslaģannan oqıtıwshı hám oqıwshılardıń óz-ara birge islesiwi hám de óz-ara múnásibeti de júzege keldi. Bárshege málim, oqıtıwshınıń bilimi, onıń sabaqtaģı hám úydegi xızmetiniń xarakterine úzliksiz baylanıslı bolıp tabıladı, xızmetsiz bilimler de bolmaydı. Oqıtıwshı ájayip kóriniste sabaq ótiwi, biraq onıń sabaģınıń nátiyjesi qanday da bir oqıwshı ushın hesh nársege arzımawı múmkin.
Sonnan kelip shıģıp oqıtıwshı ózin usınday oqıwshınıń ornına qoyıp biliwi, onıń sabaqtaģı xızmetlerin hám onıń mektepte pútin oqıw dáwirindegi múnásibetin elesletiwi júdá zárúr. Watan tárbiya hám tálim ástelik penen ámelge asırıladı hám de oqıwshıģa barlıq sabaqlardıń jıyındısı qalay tásir etiwine, oqıwshı, oqıtıwshı basshılģında sana hám aktiv isleytuģın jumıslardıń kólemi hám de tártipliligine baylanıslı boladı.
Oqıtıwshınıń wazıypası-sabaqta aqıl hám xızmettiń usı túrlerin durıs biriktire alıwında bolıp tabıladı. Sebebi, bunday birlik sabaq nátiyjeliliginiń artıwınıń zárúr faktorı bolıp esaplanadı.
Tálimde bilimlerdiń ózlestiriw processine tómendegi komponentler kiredi:
1. Hádiyselerdi, nárselerdi qadaģalaw, maģlıwmatlardı qabıl etiw.
2. Alınģan maģlıwmatlardı analizlew (bilimlerdiń xarakterli belgilerin anıqlaw, salıstırıw, kóshiriw).
3. Eslep qalıw.
4. Jumıslar, ulıwmalastırıwdıń durıslıģın tekseriw hám de bahalaw.
Tálimdi bahalawdıń tiykarģı shólkemlestiriw forması tómendegi belgili bir belgilerge iye bolģan shınıģıwlarģa, toparlı tárizde ótkeriledi:
-shınıģıwlardıń hár jılı hám hár bir oqıw kúni waqtında baslanıwı;
-topardaģı balalardıń jası hám sanı jaģınan teńligi;
-materialdı úyreniw tezliginiń birdeyligi;
-oqıw shınıģıwlarınıń belgili bir shólkemlestiriwshilik formada ótkeriliwi.