1 xalid mahmud
Yüklə 4,95 Mb. Pdf görüntüsü
|
Əbədiyyət yolçuları 132 VÜSAL ƏLİYEV (1996-2016) Əliyev Vüsal Əmir oğlu – 1996-cı ildə Lerik rayonun Noda kəndində anadan olub. Orta məktəbi bitirdikdən sonra Vüsal Əliyev Rabitə Kollecinə daxil olmuş, Kolleci bitirdikdən sonra isə Lerik rayon Hərbi komissarlığı tərəfindən həqiqi hərbi xidmətə çağrılaraq milli ordu sıralarına yola salınmışdır. O, Qazax rayonunda yerləşən hərbi hissədə xidmətə başlayıb, xidməti müddətində cəsurluğu və hərbi bacarı- ğına görə seçilib. Son üçtərəfli danışıqlarda əldə edilən razılaşmaya baxmayaraq, düşmən tərəf atəşkəs rejimini pozaraq Azər- baycan-Ermənistan dövlət sərhədində növbəti dəfə təxribat törədir, 05 iyul 2016-cı ildə düşmənin açdığı atəş nəticə- sində Vüsal Əliyev şəhid olur. Şəhidin cənazəsi doğulduğu kəndə gətirilərək yaylım atəşi altında torpağa tapşırılır. Mərasimdə səslənən çıxışlarda şəhidin cəsurluğundan danışılıb, onun timsalında bütün şəhidlərin qəlblərdə, xalqın yaddaşında əbədi olaraq yaşayacağı bildirilib. Əbədiyyət yolçuları 133 H Ə L Ə YOL GÖZL Ə Y Ə N VAR... Əbədiyyət yolçuları 134 TELMAN KAZIMOV (1969- ?) Kazımov Telman Mirzəxan oğlu - 1969-cu ildə Lerik rayonunun Veri kəndində anadan olub. Anası dünyadan köçdüyü zaman onun hələ 9-yaşı var idi. Ana niskiliylə böyüyən Telman Vətəni öz anası kimi sevərək böyümüşdür. 1976-cı ildə Veri kənd orta məktəbinin birinci sinfinə getmiş, 1986-ci ildə Veri kənd orta məktəbinin onuncu bitirmişdir. 1987-ci ildə Lerik rayon Hərbi komissarlığı tərə- findən həqiqi hərbi xidmətə çağrılan Telman keçmiş Sovet ordu sıralarına yola salınıb. Vladivastok şəhərində hərbi xidmətdə olub. 1989-cu ildə ordudan tərxis olunmuşdur. Qarabağ savaşı başladığına görə soydaşlarını yalnız qoymayıb 1991-ci ildə Laçın rayonuna yollanır. 1992-ci il yanvarın 14-də soydaşları ilə bərabər Laçın rayonu uğrunda gedən döyüşlər zamanı itkin düşür. Veri kənd orta məktəbi Telman Kazımovun adını daşıyır. 1997-ci il də Lerik məhkəməsi tərəfindən Kazımov Telman Mirzəxan oğluna şəhid statusu verilib. Əbədiyyət yolçuları 135 ZAHİD ABBASOV (1968- ?) Abbasov Zahid Ziyad oğlu – 26 yanvar 1968-ci ildə Lerik rayo- nunun Laman kəndində anadan olub. 1975-ci ildə Laman kənd orta məktəbinin birinci sinfinə qəbul olunub, 1985-ci ildə həmin məktəbin onuncu sinfini bitirib. Orta məktəbi bitirdikdən sonraLerik rayon Hərbi komissarlığı tərəfindən həqiqi hərbi xidmətə çağrılaraq keçmiş Sovet ordu sıralarına yola salınıb. Hərbi xidmətini başa vurduqdan sonra vətənə qayıdır və burada işləməyə başlayır. Qarabağ savaşı başlandığından Zahid də digər qeyrətli vətən oğulları kimi könüllü olaraq döyüşə yollanır. Tərtər, Kəlbəcər və digər rayonların müdafiəsində iştirak edərək qəh- rəmanlıqlar göstərir. Zahid Abbasov Kəlbəcər rayonu uğrunda gedən döyüş- lər zamanı itkin düşüb. Lerik Rayon Məhkəməsi tərəfindən Abbasov Zahid Ziyadoğluna şəhid statusu verilib. Əbədiyyət yolçuları 136 MƏHƏBBƏT MƏHƏRRƏMOV (1974- ?) Məhəbbət Həsən oğlu – 26 iyun 1974-cü il Lerik rayonun Veri-Əliabad kəndində dünyaya göz açıb. 1981-ci ildə Veri-Əliabad kənd orta məktəbinin birinci sinfinə qəbul olunub, 1991-ci ildə həmin məktəbin onuncu sinfini bitirib. Məhəbbət Məhərrəmov təhsil aldığı müddət ərzində öz tərbyyəsi və vətənpərvərliyi ilə yoldaşlarından fərqlənərək hər kəsin hörmətini qazanır. Orta məktəbi “əla” qiymətlə bitirən Məhəbbət 1991-ci ildə Lənkəran Şəhər Baytarlıq Texnikumuna daxil olur. Erməni terrorçuların torpaqlarmıza göz dikmələri, torpaqlarmızın işğalı və xalqımıza qarşı törədilən vəhşiliklər təbii ki, Məhəbbəti də rahat buraxmır. O da digər qeyrətli oğullarmız kimi təhsilini yarımçıq qoyaraq 1992-ci ildə könüllü olaraq hərbi xidmətə yollanır. Göstərdiyi şücaət və qəhramlığı ilə fərqlənən Məhhəb- bət 1993-cü il fevral ayının 8-də Qarabağ döyüşlərində itkin düşür. Lerik Rayon Məhkəməsi tərəfindən Məhərrəmov Mə- həbbət Həsən oğluna şəhid statusu verilib. Yüklə 4,95 Mb. Dostları ilə paylaş:
|