Ózbekstan Respublikası «Bilimlendiriw haqqında»ǵı Nızam, onıń mazmunı, áhmiyeti.
Házirgi waqıtta mámleketimizde bilimlendiriw sistemasındaǵı reformalar — mektepke shekemgi bilimlendiriw orınlarında 6 jastan 7 jasqa shekemgi tálimniń májbúriy etip belgileniwi, 11 jıllıq májbúriy ulıwma orta tálimniń engiziliwi, akademiyalıq liceyler hám kásip-óner kollejlerinde bilim beriw múddeti hám mazmunınıń ózgeriwi, múlikshilik hám shólkemlestiriwshilik-huqıqıy formasınan qatań, yuridikalıq shaxslarǵa barlıq bilimlendiriw túrleri boyınsha mámleketlik emes tálim xızmetlerin kórsetiwge ruxsattıń beriliwi, rawajlanǵan sırt el mámleketleriniń bilimlendiriw tarawındaǵı aldıńǵı tájriybelerdi milliy tálim sistemasına engiziliwi jańa redaksiyadaǵı “Bilimlendiriw haqqında”ǵı nızamnıń qabıl etiliwine alıp keldi.
Usı nızam Oliy Ma’jlis Nızamshılıq palatası tárepinen 2020 jıl 19 mayda qabıl etilgen, Senat tárepinen 2020 jıl 7 avgustda maqullangan, Prezident Sh. Mirziyoyev tárepinen 2020 jıl 23 sentyabrde tastıyıqlandi hám 24 sentyabrden kúshke kirdi. O'RQ-637-san. Nızam 11 bap 75 elementten ibarat.
Ózbekstan Respublikası Prezidentiniń 2018 jıl 22 yanvardaǵı pármanı menen tastıyıqlanǵan «2017-2021-jıllarda Ózbekstan Respublikasın rawajlandırıwdıń besew ústin turatuǵın baǵdarı boyınsha Háreketler strategiyasın «Aktiv isbilermenlik, innovciyalıq ideyalar hám texnologiyalardı qollap-quwatlaw jılı»de ámelge asırıwǵa tiyisli mámleket programmasınıń 172-bandinde «Bilimlendiriw haqqında»ǵı Ózbekstan Respublikası nızamınıń jańa joybarın islep shıǵıw wazıypası belgilep berilgen edi.
Nızamdı islep shıǵıw processinde jigirmadan artıq shet el mámleketleriniń (Rossiya, Qubla Kareya, Germaniya, Italiya, Angliya, AQSH, Fransiya, Shvetsiya, Daniya, Norvegiya, Hollandiya, Ukraina, Belarus, Kazaxstan hám b.) tálim tuwrısındaǵı nızamları úyrenildi hám olardıń aldıńǵı tájiriybeleri inabatqa alındı.
30 ǵa jaqın mápdar ministrlik hám keńseler, bilimlendiriw tarawında iskerlik júrgizeip atırǵan 50 den artıq qánige hám 100 den artıq puqara nızam joybarı boyınsha pikir hám oy-pikir, usınısların bildirdi. Usı joybar Ózbekstan Respublikası Ministrler Mákemesi janındaǵı Tálim sapasın baqlaw mámleketlik inspeksiyasi ǵayratı menen ámelge asırılıp atır.
Usınıslardıń kópshiligi bilimlendiriw tarawındaǵı máselelerdi, sonıń menen birge tálim sapasın jaqsılawǵa, muǵallımlerdıń abıray - itibarın asırıwǵa, olardıń socialli’q qorǵanıwına qaratılǵan.
Dostları ilə paylaş: |
