7- mavzu. Quvurli pechlar
Yüklə 185,16 Kb. Pdf görüntüsü
|
| 7- Mavzu . QUVURLI PEChLAR 7.1. UMUMIY TUShUNChALAR Quvurli pech neft va neft mahsulotlarini isitishga moʻljal-langan uskuna boʻlib, pechning kamerasida yonilgʻini yoqishdan hosil boʻlgan yuqori haroratli yonish mahsulotlarining issiqligʻidan foydalanishga asoslangan. Quvurli pechda isitilishi lozim boʻlgan xom ashyo zmeyevikning quvurlari ichidan harakat qiladi, yonishdan hosil boʻlgan issiq mahsulotlar esa quvurlarning tashqari yuzalarini siypab oʻtadi. Zamonaviy quvurli pechlar odatda ikkita kamerali boʻladi: 1) radiant kamerasi, bu yerda yonilgʻi yonadi va issiqlik qizdirilgan yonish mahsulotlaridan va devorlar yuzasidan quvurlarga asosan nurlanish orqali beriladi; 2) konvektsiya kamerasi, bu yerda yonishdan hosil boʻlgan issiq mahsulotlarning quvurlar bilan toʻqnashuvi paytida issiqlikning quvurlarga asosan konvektsiya yoʻli bilan berilishi yuz beradi. Quvurli pechlar neft va gazni qayta ishlash, neft kimyosi, koks kimyosi va sanoatning boshqa tarmoqlarida keng tarqalgan boʻlib, turli texnologik jarayonlar (neft va mazutni haydash, piroliz, katalitik kreking, riforming, gidrotozalash, moylarni tozalash va hokazo)da ishlatiladi va koʻplab qurilmalarning muhim qismi hisoblanadi. Quvurli pechlarning tuzilishi bir qator omillarga bogʻliq boʻladi: issiqlik oʻtkazishning usullari; yonish kameralarining soni va shakli; radiatsiya zonasidagi sektsiyalar (yoki kameralar) ning soni; alanga va quvurlar oʻqlarining oʻzaro joylanishi; quvurlarning nurlanish rusumi; isitilayotgan mahsulot oqimlarining soni; konvektsiya kamerasining radiant kamerasiga nisbatan joylanishi; radiant va konvektsiya quvurlarining uzunligi va hokazo. Quvurli pechlarning asosiy kattaliklari qatoriga quyidagilarni kiritish mumkin: pechning ish unumdorligi; foydali issiqlik sarfi; isitish yuzasining issiqlik boʻyicha kuchlanganlik darajasi; pechning foydali ish koeffitsienti. Sanoatda radiant quvurlarining isitish yuzalari 15-2000 m 2 atrofida boʻlgan quvurli pechlar ishlatiladi. Turli tuzilishga ega boʻlgan quvurli pechlarning issiqlik boʻyicha ish unumdorligi 0,12 dan 240 MVt gacha oʻzgaradi, isitilayotgan muhit boʻyicha ish unumdorligi esa 8-10 5 kg/soat ga teng boʻladi. Isitilayotgan muhitning pechga kirish va undan chiqishdagi harorati texnologik jarayonlarga bogʻliq boʻlib, 70 dan 900 0 S gacha, bosimning qiymati esa 0,1 dan 30 MPa gacha oʻzgarishi mumkin. Quvurli pechlarning foydali ish koeffitsienti 0,65-0,85 atrofida boʻladi. Yüklə 185,16 Kb. Dostları ilə paylaş:
|