7- mavzu. Quvurli pechlar
Yüklə 185,16 Kb. Pdf görüntüsü
|
|
7.4. PECHLARNING ASOSIY TURLARI Sanoatda har xil oʻlchamlarga ega boʻlgan turli rusumdagi quvurli pechlar ishlatiladi. Pechlarni tanlashda bir qator omillar hisobga olinadi: yonilgʻining turi (gazsimon yoki kombinatsiya qilingan); radiatsiya kamerasidagi quvurlarning gorizontal yoki vertikal holatda joylanishiga texnologik talablar; radiatsiya kamerasidagi quvurlarga issiqlikning yetkazish usullari; boshqariluvchi oqimlarning soni; mahsulotlarning pechda yoki radiatsiya kamerasida boʻlish vaqti va hokazo. Neft va gazni qayta ishlash korxonalari qurilmalarida eski rusumdagi chodirsimon va alangasiz yonish pechlari keng tarqalgan. Masalan, chodirsimon pechlar ikkita radiatsiya va bitta konvektsiya kameralaridan iborat boʻlib, ularning ish unumdorligi bir yilda 1,5-3,0 mln. tonnaga teng. Bunday pechlar AVT qurilmalarining tarkibiy qismini tashkil etadi. Quvurli pechlarning yangi rusumlarini yaratish, ularning samaradorligini oshirish, standartlashtirish, katalog tayyorlash va nashr qilishda Rossiya neft mashinasozligi ilmiy tadqiqot institutining roli kattadir. Quvurli pechlarning katalogini tuzishda quyidagi shartli belgilar qabul qilingan: birinchi harf pechning konstruktiv jihatdan tayyorlanishini ifoda qiladi (G – tutunli gazlar uskunaning yuqorigi qismidan uzatiladigan gorizontal radiant quvurli pechlar; V – tutunli gazlar uskunaning yuqorigi qismidan uzatiladigan vertikal radiant quvurli pechlar; s – uskunaning yuqorigi qismida konvektsiya kamerasi boʻlgan silindrsimon quvurli pechlar; K – xalqasimon konvektsiya kamerasi boʻlgan silindrsimon quvurli pechlar; S – sektsiyalar boʻlgan quvurli pechlar); ikkinchi harf yonilgʻining yonish usulini bildiradi (S – erkin alanga; N – yotiq alanga; D – alanganing balandligi boʻyicha darajalangan miqdorda havo berib turiladigan yotiq alanga). Harflardan keyin koʻyilgan raqam radiant kamerasi yoki sektsiyalarning sonini bildiradi. Mabodo harflardan keyin raqamlar boʻlmasa, bunday holatda quvurli pech bir kamerali yoki bir sektsiyali boʻladi. Sanoatda keng qoʻllaniladigan ayrim quvurli pechlar bilan tanishib chiqamiz. 7.2 – rasmda GS rusumidagi pechning sxemasi berilgan. Ushbu pechning radiant va konvektsiya kameralarida quvurlar gorizontal holatda joylashtirilgan, yonilgʻi erkin vertikal yoqiladi, hosil boʻlgan tutunli gazlar pechning yuqorigi qismidan uzatiladi. Gorelkalar pechning bir tomonidan boshqariladi, shu sababdan ikkita radiatsiya kamerasini oʻrnatishga imkoniyat mavjud (bunday holatda pechning rusumi GS2 boʻladi). GS rusumidagi pechlar neftni atmosfera yoki vakuum ostida haydash qurilmalarida hamda 7.2-rasm. GS rusumidagi quvurli pech sxemasi: 1-gorelka; 2-radiant quvurlari zmeyevigi; 3-konvektsiya quvurlari zmeyevegi; 4- havo qizitgich; 5-tutun chiqadigan quvur; 6-zinapoya maydonchasi; 7-futerovka (oʻtga chidamli material); 8-karkas. ikkilamchi jarayonlarda ishlatiladi. Neft mahsulotlarini isitish uchun issiqlik yuzalarining issiqlik kuchlanganligi kichik boʻlishi (29 kVt/m 2 ) talab qilingan paytlarda (masalan, sekinlashtirilgan kokslash qurilmalarida va kreking- jarayonlarda) GS2 rusumli pechlardan foydalanish maqsadga muvofiq boʻladi. 7.3-rasmda GN rusumli quvurli pechning sxemasi koʻrsatilgan. Ushbu pechda hosil boʻladigan tutunli gazlar uskunaning yuqorigi qismidan chiqib ketadi, radiant kamerasining markaziy qismida vertikal devor bor, gorelkalar radiant kamerasining pastki qismiga 45 0 burchak bilan joylashtirilgan. Yonib turgan alangalar markaziy devorga qarab yoʻnaltiriladi. Bunday pechlar gaz yonilgʻisi bilan taʻminlangan va oʻrtacha ish unumdorligiga ega boʻlgan jarayonlarda ishlatish uchun moʻljallangan. 7.3-rasm. GN rusumidagi quvurli pech sxemasi: 1-gorelka; 2-radiant quvurlari zmeyevigi; 3-devor; 4-konvektsiya quvurlari zmeyevigi; 5- tutun chiqadigan quvur; 6-zinapoya maydonchasi; 7-futerovka; 8-karkas. VS rusumli pech tor kamerali 4 ta sektsiyadan tashkil topgan, zmeyevik vertikal quvurlardan iborat, yonilgʻining yonishi natijasida hosil boʻlgan tutunli gazlar uning yuqorigi qismidan uzatiladi (7.4-rasm). Har bir sektsiyaning ish unumdorligi 10-17 MVt. Toʻrta kameraning devorlarga radiant zmeyevikning vertikal quvurlari joylashtirilgan. Gaz-mazut gorelkalari radiant kamerasi pastki qismining orqa tomoniga joylashtirilgan. Radiatsiya kamerasining ustiga toʻrtburchak kesimga va gorizontal tekis quvurlarga ega boʻlgan konvektsiya kamerasi oʻrnatilgan. VS rusumli pechlar neft xom ashyosini qayta ishlashning AT va LK-6-U qurilmalarida va ikkilamchi qayta ishlash texnologiyalarida ishlatiladi. 7.4-rasm. VS rusumidagi quvurli pech sxemasi: 1-konvektsiya kamerasi; 2-radiant quvurlari zmeyevigi; 3-portlash oynagi; 4,7-qarab turish uchun darchalar; 5-futerovka; 6-karkas; 8-gorelka; 9-zinapoya maydonchasi; 10-tutun chiqadigan quvur. SS rusumli pechlarning radiatsiya kamerasida zmeyevikning quvurlari silindrsimon devor boʻylab joylashgan boʻladi va pechda kombinatsiya qilingan yonilgʻi erkin vertikal holatda alanga qilib yonadi. Bunday pechlar ikki xil variantda (konvektsiya kamerasiz va konvektsiya kamerali) tayyorlanadi. 7.5-rasmda konvektsiya kamerali pechning sxemasi koʻrsatilgan. Gaz gorelkalarini qarab turish qulay boʻlishligi uchun silindrsimon radiatsiya kamerasi ustunsimon fundamentga oʻrnatilgan. Radiant zmeyevik vertikal quvurlardan payvandlangan kalachalar yordamida yigʻilgan. Pech markazining tubiga gaz-mazut gorelkasi oʻrnatilgan. Mahsulotning kirishi 7.5-rasm. s S rusumidagi quvurli pech sxemasi: 1-gorelka; 2-radiant quvurlari zmeyevigi; 3- karkas; 4-futerovka; 5-konvektsiya quvurlari zmeyevigi; Oqimlar: I-mahsulotning kirishi; II- mahsulotning chiqishi. va chiqishi pechning yuqorigi qismida amalga oshiriladi. SD4 rusumli pechning oʻq buylab kesimi 7.6-rasmda keltirilgan. Ushbu pech radiatsiya – konvektsiya printsiplari boʻyicha ishlaydi. Radiatsiya 7.6-rasm. s D4 rusumidagi pech sxemasi: 1-konvektsiya kamerasi; 2- chiqarish oynagi; 3-koʻrib turish oynagi; 4-radiant quvurlari zmeyevigi; 5- futerovka; 6-karkas; 7-ikkilamchi havo kiritiladigan kamera; 8- boʻlaklovchi-tarqatuvchining futerovkasi; 9-havo yoʻli; 10-boʻlaklovchi-tarqatuvchi; 11- gorelka; 12-havo puflagich. Oqimlar: I-mahsulotning kirishi; II- mahsulotning chiqishi; III -tutunli gazlar. kamerasining oʻqi boʻylab qirrali egilgan piramida koʻrinishidagi boʻlaklovchi- tarqatuvchi oʻrnatilgan. Gorelkalar pechning tubiga joylashtirilgan. Boʻlaklovchi- tarqatuvchi radiatsiya kamerasini bir necha mustaqil issiqlik almashinish zonalariga (7.6-rasmda 4 ta zona) boʻladi, natijada radiant zmeyevigining uzunligi boʻylab issiqlik kuchlanishini boshqarish imkoniyati paydo boʻladi. Osib qoʻyilgan radiant zmeyevigi silindrsimon kameraning devori boʻylab joylashgan quvurlardan iborat. Boʻlaklovchi karkasining ichki boʻshligʻi bir necha havo yoʻllariga ajratilgan. Boʻlaklovchi devorining ichida vertikal yoʻnalish boʻyicha ikkilamchi havo oqimi uchun toʻgʻri burchakli kesimga ega boʻlgan kanallar mavjud. Ushbu havo oqimlari har bir qirrada joylashgan gorelkalarda yonilgʻilarni yoqishga yordam beradi. Har bir havo yoʻli burilish shiberlari bilan taʻminlangan. Yonilgʻilardan alanga hosil boʻlish jarayoni ushbu shiberlar yordamida xizmat qilish maydonchalarida turib boshqariladi. Sanoatda GS2, SS, KS, KD4 kabi boshqa rusumdagi quvurli pechlar ham ishlatiladi. Konvektsiya kamerasi boʻlmagan quvurli pechlarda yoki radiatsiya- konvektsiya rusumidagi pechlarda, isitilayotgan mahsulotning dastlabki harorati nisbatan yuqori boʻlgan paytlarda, pechlardan chiqayotgan tutunli gazlarning harorati ham ancha yuqori boʻladi. Bunday holatda issiqlikning koʻplab yoʻqolishi, pech foydali ish koeffitsientining kamayishi va yonilgʻi sarfining ortishi yuz beradi. Ushbu salbiy holatning oldini olish uchun pechdan chiqib ketayotgan tutunli gazlarning issiqligidan foydalanish maqsadga muvofiq boʻladi. Buning uchun ikki xil yoʻl tutiladi: 1) yonilgʻining yonishi uchun pechga beriladigan havo dastlab issiqlik almashgichda (havo isitgichda) tutunli gazlar yordamida isitiladi; 2) korxonaning texnologik ehtiyojlari uchun suv bugʻi olish maqsadida qozon-utilizatorlar oʻrnatiladi. Yüklə 185,16 Kb. Dostları ilə paylaş:
|