1-§. Sifatni boshqarishning paydo bo‘lishi va rivojlanishi. 2-§. Sifat ko‘rsatkichining mohiyati.
§. Sifat nazorati.
§. Sifat nazoratining xulqiy jihatlari.
5. Takrorlash uchun savollar
Mavzuning maqsadi
Ushbu mavzu doirasida “Boshqaruv hisobi” fanidan talabalar hukmiga havola qilingan darsliklarda keng miqyosda yoritilgan masalalarni e’tiborga olib, mualliflar fikricha e’tibordan biroz chetda qolgan, shuningdek mazmuni yetarlicha kitobxonlar hukmiga yetkazib berilmagan tomonlariga alohida e’tibor qaratishga harakat qilindi. Aniqrog‘i, mualliflar an’anaviy yondashuvdan chetlangan holda, mamlakatimizda jahon amaliyotining eng ilg‘or tajribalaridan kelib chiqib, boshqaruv hisobini yanada rivojlantirishning ayni paytda dolzarb bo‘lib turgan, yangi va istiqbolli yo‘nalishi - sifat ko‘rsatkichi mohiyati, uni baholash mezonlari, uning hisobini tashkil qilish va uni boshqarish tamoyillarini atroflicha yoritishga, buning natijasida esa talabalarga nisbatan yangi yo‘nalish bo‘lgan, shu bilan birga samarali boshqaruv qarorlari qabul qilishda albatta hisobga olinishi kerak bo‘lgan ushbu mavzu mohiyatini atroflicha yetkazib berishga jazm qildilar. Masalaga bunday yondashishga mualliflar qator olimlarimiz tomonidan yozilgan darsliklarda mamlakatimizda boshqaruv hisobini rivojlantirishning asosiy yo‘nalishlari, xususan boshqaruv hisobini isloh qilishning nazariy va amaliy jihatlari, boshqaruv hisobining me’yoriy-huquqiy bazasini takomillashtirish, boshqaruv hisobining schetlari rejasini ishlab chiqish, byudjetlashtirishni yanada takomillashtirish, mas’uliyat markazlari bo‘yicha segmentar hisobot tuzishni xalqaro standartlar talabi darajasida
tashkil qilish, investitsiya loyihalari tahlilini joriy etish kabi tomonlari batafsil yoritib berilganligini hisobga olgan holda, qaror qildilar.
Dostları ilə paylaş: |