Awıl xojalıq eginleriniń almaslap egiw atızlarında sxemada kórsetilgen tártipte egilip shıǵıw dáwiri almaslap egiw rotaciyası dep ataladı.
Barlıq atızlarda eginlerdiń almasılıw tártibin kórsetetuǵın keste rotaciyalıq keste dep ataladı.
Eginler toparınıń rotaciya dáwirinde almasıwınıń kórsetiliwi almaslap egiw sxeması dep ataladı. Mısalı: 3:4; 3:4:1:2; 1:3:5; 3:3:1:1 hám basqalar. Bunda birinshi topardaǵı egin jońıshqa – úsh atızda, úsh jıl egiledi, ekinshi topardaǵı eginler ǵawasha 3-4 atızda, 3-4 jıl dawamında egiledi, úshinshi toparda (3:4:1:2; 3:3:1:1) gúzlik biyday bir atızda bir jıl egiledi hám tórtinshi toparda ǵawasha biydaydan keyin bir atız, 1-2 jıl egiledi.
2-kestede kórinip turǵanınday 1:3:3 ǵawasha-jońıshqa almaslap egiw sxemasında almaslap egiwde eginlerdiń egiliwi 2014 jılı baslansa sxemada kórsetilgen eginler 2020 jılı hár bir atızda izbe-izlik penen egilip shıǵıladı, yaǵnıy bir rotaciya tamam boladı hám eginler strukturası (salıstırma salmaǵı) saqlanǵan túrde ámelge asırıladı.
Ámiwdár`yanıń tómenindegi egislik jerler ádette organikalıq zatlar menen kem támiyinlengen, suwǵarılatuǵın jerlerdiń basım kópshiliginde gumus muǵdarı 0,5-1,3% ti quraydı.
Oraylıq Aziyanıń suwǵarılatuǵın diyqanshılıǵında, ǵawasha bir neshe jıllar dawamında úzliksiz egilip kelgenligi sebepli, topıraq quramındaǵı organikalıq zatlardıń sarplanıwı hám kemeyiwine, qolaylı fizikalıq qásiyetlerdiń tómenlewine alıp keldi. Ózbekstan Respublikası ǵárezsizlikke eriskennen keyin ǵawasha monokulturası saplastırıldı. Ǵawasha maydanları esabınan gúzlik biyday, baw-baqsha, palız, miywe hám ot-shóplik eginleri maydanı keńeydi.
Qaraqalpaqstan diyqanshılıq ilim izertlew institutında uzaq jıllar dawamında ótkerilgen tájiriybeler, topıraqtıń ónimdarlıǵın arttırıwda, onı shorlanıwdan saqlawda hám vilt keselligin páseytiwde jońıshqanıń paydalı ekenin kórsetti.
2-keste
2. Ǵawasha-jońıshqa almaslap egiw sxemasınıń (1:3:3) rotaciyalıq kestesi
Dostları ilə paylaş: |
