A410201-«Agronomiya» qánigeligi kurs magistrantları ushın

Qatar arası islenetuǵın sistema. Egislik maydanlarınıń kópshiligin qatar arası islenetuǵın intensiv eginler (ǵawasha, mákke, láblebi, ayǵabaǵar) iyeleydi. Ekinshi egis hám aralıq eginler qollanıladı. Topıraq ónimdarlıǵı organikalıq tógin beriw hám kóp jıllıq ot shóplik eginlerdi egiw arqalı arttırıladı.
Paxtashılıq xojalıqlarda suwǵarılatuǵın diyqanshılıq sisteması. Paxta jetistiriwshi fermer xojalıqlarında tiykarǵı eginnen basqa masaqlı dán eginleri, mákke, jońıshqa hám basqa sobıqlı dán eginleri egiledi.
Paxtashılıq zonasında diyqanshılıq sistemasınıń tiykarǵı wazıypası barlıq awıl xojalıq eginlerinen joqarı zúráát alıw ushın topıraq ónimdarlıǵın arttırıw hám suwǵarılatuǵın jerlerden ónimli paydalanıw bolıp esaplanadı.
Diyqanshılıq sistemasınıń suwǵarıwdan basqa tiykarǵı áhmiyetli bólimlerinen biri ǵawasha-jońıshqa almaslap egiwi. Suwǵarıw hám almaslap egiw menen birge tóginlew hám topıraqtı shorlanıwdan, suw eroziyasınan, al eginlerdi jabayı ósimliklerden, keselliklerden hám zıyankeslerden saqlaw ushın qollanıladı.
Ózbekstan Respublikasınıń ishinde bir-birinen ózgeshelenetuǵın topıraq klimat zonaları bar. Mısalı, Qashqadar`ya-Surxandar`ya zonasın Fergana oypatı menen, yamasa Tashkent-Sırdar`ya zonasın Samarqand penen, Qaraqalpaqstan-Xorezm zonasın, Buxara-Nawayı menen teńdey dep aytıwǵa bolmaydı. Bul zonalar bir birinen topıraq ónimdarlıǵı, shorlanıwı hám hawa rayı menen ózgeshelenedi. Sonıń ushın bul jerlerde hár bir zonanıń ózine tán diyqanshılıq sisteması, sonıń ishinde almaslap egiw, topıraqqa islew beriw sistemaları bolıwı kerek. Bunday bolmasa diyqanshılıq sistemalarınıń nátiyjeligi bolmaydı.
1-keste
1. Diyqanıshılıq sistemalarınıń tariyxıy rawajlanıw sxeması

Diyqanshılıq sistemaları

Jerdi islew usılları