A410201-«Agronomiya» qánigeligi kurs magistrantları ushın

Sorawlar
1. Diyqanshılıq sistemasınıń rawajlanıw tariyxı ?
2. Diyqanshılıq sisteması degen ne ?
3. Áyyemgi diyqanshılıq sisteması ?
4. Diyqanshılıqtıń ekstensiv sisteması ?
5. Házirgi diyqanshılıq sisteması ?
6. Suwǵarılatuǵın diyqanshılıq sisteması ?
7. Paxtashılıq xojalıqlarında diyqanshılıq sisteması ?
8. Diyqanshılıq sisteması hámme jerde birdey bolama ?
9. Diyqanshılıq sistemasınıń tariyxıy rawajlanıw sxeması ?
10. Diyqanshılıq sistemasınıń wazıypaları ?
11. Shorlanǵan topıraq jaǵdayında diyqanshılıq sisteması ?
12. Qaraqalpaqstan Respublikası hám Tashkent oblastı jaǵdayında
diyqanshılıq sistemasında ózgeshelik barma ?

Awıl xojalıq eginleriniń racional strukturasın dúziw
Almaslap egiw.
Jıllar dawamında almaslap egiw atızlarında zúráátti hám topıraq ónimdarlıǵın arttırıwǵa qáratılǵan eginlerdiń ilimiy tiykarlanǵan almasılıwına almaslap egiw dep aytıladı.
Ol barlıq agronomiyalıq ilajlardıń tiykarı bolıp, olardan topıraqtı islew sisteması, azıqlandırıw, topıraqtı qorǵaw, eginlerdi jabayı ósimliklerden, zıyankeslerden hám keselliklerden qorǵaw bolıp esaplanadı.
Tiykarǵı egin aldınan bir jıl burın egilgen awıl xojalıq eginlerin tiykarǵı egin aldı egini dep ataladı.
Almaslap egiw ósimlik hám topıraqqa tásiriniń keńligi hám hár qıylılıǵı boyınsha agronomiyalıq ilajlardıń ishinde eń tiykarǵısı esaplanadı. Onıń ósimlikke tásiri hár tárepleme bolıp, topıraqtaǵı qubılıslarǵada tásir etedi.
Almaslap egiw topıraq azıq zatlarınıń hám tóginlerdiń jıynalıwına hám jaqsı ózlestiriliwine qolaylı jaǵday jaratadı, fizikalıq qásiyetleriniń jaqsılanıwına hám uslap turıwına, topıraqtı qorǵawǵa, jabayı ósimliklerdiń, keselliklerdiń hám zıyankeslerdiń tarqalıwınıń aldın aladı. Almaslap egiwdiń nátiyjesinde topıraq ónimdarlıǵı hám awıl xojalıǵı eginleriniń zúráátligi artadı.
Almaslap egiwdiń ilimiy tiykarları.
Almaslap egiwdiń negizinde ilimiy tiykarlanǵan egislik maydanı jatadı, yaǵnıy awıl xojalıq eginleriniń iyelegen maydanınıń ulıwma maydanǵa salıstırǵanda salıstırma salmaǵınıń procentte kórinisi. Ol xojalıqtıń qánigelesiwi, mámleketlik buyırtpa hám topıraq-klimat jaǵdayların esapqa alǵan túrde islep shıǵıladı.
Hár bir atızda bir eginniń uzaq múddet egiliw jaǵdayında bul egin úzliksiz egin dep ataladı. Eger xojalıqta bir egin egilse – monokultura (jeke egis) dep ataladı.