A410201-«Agronomiya» qánigeligi kurs magistrantları ushın

Diyqanshılıqtıń egin almasıw sisteması. Intensiv sistemanıń bir túri bolıp, eginlerdi egiw hám topıraq ónimdarlıǵın arttırıw intensiv usılda alıp barıladı, yaǵnıy tógin beriw hám agrotexnika. Bul sistemadaǵı almaslap egiwde maydannıń 50% dánli eginler, 50% in sobıqlı hám tamır miyweli eginler iyeleydi.
Diyqanshılıqtıń qatar arasın islew sisteması. Bul intensiv sistema bolıp almaslap egiw maydanınıń 50 % ten zıyatın qatar arası islenetugın eginler, iyeleydi organikalıq hám mineral tóginler talap etedi, gerbicidler beriledi. Qalǵan bólegin kóp jıllıq ot shóplik hám bir jıllıq eginler iyeleydi.
Házirgi diyqanshılıq sisteması. Bul sistemanıń ayırıqsha ózgesheligi joqarı ilimiy texnikalıq dárejesi, intensiv almaslap egiwdi qollanıw, joqarı ónimdarlı egin hám sortlardı egiw, topıraqtı islewdiń progressiv usılların qollanıw, tógindi qollanıw, jabayı ósimliklerge qarsı gúres, atız jumıslarında jańa texnika hám texnologiyalardı qollanıw.
Hár qıylı topıraq-klimat zonalarında tómendegi diyqanshılıq sistemaları ushırasadı.
Dán shúdigar sisteması. Egislik maydanlarınıń kópshiligin masaqlı dán eginleri iyeleydi, 5-25% maydan taza shúdigarda boladı.
Dán-qatar arası islenetuǵın eginler sisteması. Kópshilik maydandı dán hám qatar arası islenetuǵın eginler iyeleydi. Topıraq ónimdarlıǵı joqarı muǵdardaǵı organikalıq hám mineral tógin beriw menen saqlanadı.
Dán-shúdigar-qatar arasın islew sisteması. Bunday egislik maydandı masaqlı dán, qatar arası islenetuǵın eginler hám shúdigar iyeleydi. Topıraq ónimdarlıǵı organikalıq hám mineral tógin beriw menen saqlanadı.
Dán-ot shóp sisteması. Yarımınan kóp maydandı masaqlı dán eginleri hám qalǵan maydandı ot shóp eginleri iyeleydi. Topıraq ónimdarlıǵı kóp jıllıq ot shóplik eginler egiw, organikalıq hám mineral tóginlerdi beriw arqalı arttırıladı.
Egin almasıw sisteması. Maydannıń yarımın dánli eginler, qalǵan maydanlarǵa qatar arası islenetuǵın hám sobıqlı eginler egiledi. Topıraq ónimdarlıǵı dán, qatar arası islenetuǵın hám sobıqlı eginlerdi almaslap egiw arqalı arttırıladı.