A410201-«Agronomiya» qánigeligi kurs magistrantları ushın

Topıraq ónimdarlıǵın arttırıw usılları

Áyyemgi: taslandı, qayta paydalanatuǵın, ot-shóp ózlestiretuǵın, toǵay-atız	Paydalanatuǵın jerdiń az bólegi islenedi. Egistiń kópshiligi dánli eginler	Adamlardıń qatnasısız tábiyǵıy túrde.
Ekstensiv: Shúdigar, kóp atızlı-ot-shóp	Egislik jerdiń yarımınan kóbi egiledi. Kópshiligi dánli yamasa kóp jıllıq ot shópli, ádewir maydan shúdigarda boladı.	Tábiyǵıy túrde hám adamlardıń baǵdarlawı menen
Ótiwshi: Jetistirilgen dánli, ot-shóp	Jaramlı jerler islenedi. Kópshilik maydandı dánli eginler tutadı, olar kóp jıllıq ot shópler yamasa qatar arası islenetuǵın hám shúdigar menen almasadı	Adamlar qatnasında tábiyǵıy faktorlardı qollanıw menen
Intensiv: Ot-shóp qatar arası islenetuǵın, egin almasıwshı.	Súriletuǵın jerdiń barlıǵı egis penen bánt. Egis maydanı súrim maydanınan artıq. Qatar arası islenetuǵın eginler kiritilgen	Ilim jetiskenlikleri nen paydalanıp adamlardıń aktiv qatnasında

Bul ǵawashadan joqarı ónim alıw hám topıraq ónimdarlıǵın arttırıwǵa múmkinshilik jaratadı.

Shor topıraq jaǵdayında diyqanshılıq sisteması.
Qaraqalpaqstan Respublikası, Xorezm, Buxara, Nawayı hám Fergana oblastlarınıń shorlanǵan topıraq jaǵdayında almaslap egiwdiń ózine tán sisteması qollanılıwı kerek.
Jáne bir ayırıqsha atap ótiletuǵın nárse Qaraqalpaqstan Respublikasınıń ózi úsh zonaǵa bólinip, olar bir-birinen topıraq shorlanıwı, qunarlıǵı hám strukturası, jer astı izey suwınıń jaylasıw qáddi hám klimat jaǵdayları menen ózgeshelenedi. Qubla zonada qollanılatuǵın almaslap egiwdegi eginler strukturası arqa zonadaǵı rayonlar jaǵdayında jaqsı nátiyje bermeydi hám kerisinshe arqa rayonlarǵa mólsherlengen almaslap egiw sistemasındaǵı eginler strukturası qubla zonadaǵı rayonlarda kútilgendey nátiyje bermeydi.
Topıraqqa islew beriw sistemasıda zonalıq ózgesheliklerdi esapqa alıp engiziliwi kerek.
Topıraq qayta shorlanıwıńıń aldın alıw hám onıń zıyanlı tásirin kemeytiw ilajları topıraqtıń fizikalıq qásiyetlerin jaqsılawǵa, ondaǵı duzlardı hám artıqsha ıǵallıqtı joq etiwge qaratılǵan. Suwǵarıwdan natuwrı paydalanıw topıraqtıń fizikalıq qásiyetlerin hám ǵawasha zúráátin tómenletedi. Shorlanǵan topıraq jaǵdayında topıraq quramındaǵı duzdı juwatuǵın normanı qollanıw, jerdi tereń súriw, qatar arasın islewde tereń chizellew, topıraqtaǵı kapillyar nayshalardı buzıp jer astı izey suwlarınıń joqarı kóteriliwin irkedi, suw, hawa hám ıssılıq rejimin jaqsılaydı.
Solay etip, házirgi intensiv diyqanshılıq sisteması Ózbekstannıń hár bir topıraq-klimat zonaları ushın, olardıń ózgesheliklerin esapqa alǵan túrde ámelge asırılsa awıl xojalıq eginlerinen alınatuǵın zúráát artadı, sapası jaqsılanadı hám topıraq ónimdarlıǵı artadı.