Abu Nasr Farobiyning “Musiqa katta kitobi”

Xalifalikda madaniyat va fanning rivojlanishida Eron va O’rta Osiyodan kelgan olimlar faol ishtirok etadilar. Bog’dodga Al Xorazmiy, Farg’oniy, At Turkiy, Battoniy, As Sufiy, Abu Mashar, Al Nazzam, Ar Ravandiy, Xusayin Ibn Ashoq va boshqa ko’plab tarixchilar, geograflar, filologlar va shoirlar mehnat qilganlar, ular o’zlarining ilmiy tadqiqotlari bilan shuhrat qozonganlar. Farobiy ko’proq nazariy fanlar matematika, mantiq, nazariy tibbiyot, musiqa nazariyasi va boshqalar bilan qiziqdi. Ayni vaqtda tabiatshunoslikni, huquqshunoslik asoslarini, filologiya, poetika va boshqa fanlarni ham muvofaqiyatli o’zlashtirdi. U o’z ona tili turk tilidan tashqari fors, grek, arab, yana juda ko’p tillarni bilgan. Farobiyning musiqashunoslikka qo’shgan xissasi beqiyosdir. U yangi musiqa asbobi yaratgan mohir sozanda, bastakor, yirik musiqa nazariyotchisi bo’lgan.Farobiy ixtiro qilgan musiqa asbobining nomi manbalarda turlicha — «qonun», «g’ichchak», «ud» deb ataladi.