85
Epik mündəricəli poemalar: «26-lar», «Aslan qayası», «Üsyan», «Dar ağacı».
Liro-epik poemalar: «Bəsti», «Ölüm kürsüsü».
Lirik poemalar: «Acı xatirələr», «Anamın dərdi», «Talıstan», «Qız qayası».
Lirik-fəlsəfi, siyasi-publisistik poemalar: «Zamanın bayraqdarı», «Leninin
kitabı», «Zəncinin arzuları».
Publisistik poemalar: «Macəra», «Xumar», «Muradxan», «Kənd səhəri».
Nəsihətamiz poemalar: «Ayın əfsanəsi», «Ölən məhəbbət», «Bulaq əfsanəsi».
Alleqorik poemalar: «Bülbül və bağban», «Yazla qışın deyişməsi», «Çil
toyuğun tək yumurtası».
Dramatik poema: «Hürmüz və Əhrimən». (4, 151)
Səməd Vurğunun «Komsomol poeması» onun yaradıcılığında xüsusi yer tutur.
Tədqiqatçılar bu əsəri eyni zamanda 1930-cu illər Azərbaycan poeziyasında
əlamətdar ədəbi hadisə hesab edirlər.
Şair poemanı 1931-1955-ci illər arasında fasilələrlə qələmə almışdır. Əsərin əsas
hissələri 1930-cu illərdə yazılmış və həmin vaxtlar parçalar şəklində qəzet və
curnallarda çap olunmuşdur. (129, 73) Elə həmin vaxtlar müəllifin “Komsomol poe-
ması” üzərində işlədiyi barədə məlumat verilmiş, bunu şair özü də bildirmişdir. 1932-
ci ildə «İnqilab və mədəniyyət» curnalında poemadan bir parça, habelə redaksiyanın
məlumatı dərc olunmuşdur. Məlumatda deyilirdi: «Səməd Vurğun yoldaşın yazmış
olduğu «Komsomol poeması» 1920-ci ildə vətəndaş müharibəsində komsomolun
iştirakını təsvir etməkdədir... Bu nömrəmizdə dərc etdiyimiz «Təslim» parçasında
qolçomaq Soltanın
∗
poemanın qəhrəmanı Bəxtiyara və onun yoldaşı Cəlala təslim
olduğu göstərilir... «Komsomol poeması» bu yaxınlarda kitabça şəklində «Azərnəşr»
tərəfindən buraxılacaqdır». (81, 44)
∗
Шаир сонрадан Солтан образыны Эярай бяй образы иля бирляшдирмишдир.
86
Səməd Vurğun 1933-cü ildə «Gənc işçi» qəzetində yazmışdı: «İl yarımdır ki,
böyük «Komsomol poeması» üzərində çaşıram... Artıq poema bitmişdir. Yaxın
zamanlarda kitabça halında çap olunacaq». (135, 11)
Şair poemanı yazmağa başladığı vaxt, 1931-ci ilin oktyabr ayında Moskvada
təhsil alan dostu Osman Sarıvəlliyə yazdığı məktubda bunu da bildirmişdi: «...Qar-
daşın da yatmır, indi mətbuatda daha tez-tez imzam görünür. Bir iri poema yazmağa
başlamışam, komsomol həyatından. Görək necə olaçaq. Ə, qəhrəmanları elə özümüz
olacağıq...» (42, 229)
Aradan bir neçə ay keçdikdən sonra o, Osman Sarıvəlliyə növbəti məktubunda
yenə yazmışdı: «... İndi komsomol illərimizdən bir dastan başlamışam. Yadındadırmı,
Moskvaya birinci il gedəndə bu barədə sənə demişdim. İlk misralar o vaxtlardan
beynimdə düzülübdü: «Kürün sahilində var əski bir köy...» İndi dastanın bir hissəsini
«İnqilab və mədəniyyət» curnalına vermişəm. Çıxan kimi göndərərəm». (42, 230)
Bütün bunlarla yanaşı, qeyd etmək lazımdır ki, «Komsomol poeması» şairin
sağlığında ayrıca kitab kimi nəşr olunmamışdır. Müəllif bu əsərə 1950-ci illərdə yeni-
dən qayıtmışdır. Lakin bu vaxt ayrı-ayrı parçaları müxtəlif mətbuat orqanlarında çap
olunmuş poemanın bütöv mətni əldə yox idi. Bu işdə Azərbaycan Pedaqoci
İnstitutunun tələbəsi, indi filologiya elmləri doktoru, professor Sadıq Şükürov şairə
yaxından kömək etmişdir. Professor Sadıq Şükürov bu barədə yazır: «1954-cü ildə...
APİ-də Azərbaycan sovet ədəbiyyatından mühazirə oxuyan mərhum professor
C.X.Hacıyevin məsləhəti ilə mən «Komsomol poeması»nı toplamağa başladım. İş
prosesində şairlə tez-tez görüşür, məsləhətləşirdim... Poema ilə əlaqədar olaraq bir
gün yenə də Səməd müəllimin yanına getmişdim. Çünki bəzi müəllimlər poemanın
beş min misra olduğunu iddia edirdilər. Mən isə onların dediyi miqdarda olan
misraları tapa bilmirdim. Odur ki, yenə şairin özünə müraciət etməli oldum. O bu
barədə yalnız bunu deyə bildi: «Üç
87
min misradan bir qədər artıqdır. Bir də müəllimlərdə də günah yoxdur. Buna səbəb o
zaman bir sıra qəzet və curnallarda poemadan müəyyən parçaların dönə-dönə çap
edilməsidir». Beləliklə, «Komsomol poeması»nın böyük bir hissəsini toplayıb, iki
nüsxədən ibarət olaraq yazdırdım. 1955-ci ildə müəllifə təqdim etdim. O, poemanın
bir nüsxəsinin üzərinə xatirə sözləri yazdı və yadigar üçün mənə qaytardı». (163,
219-220)
Səməd Vurğun bu parçaları yenidən nəzərdən keçirmiş, bir sıra dil və üslub
səhvlərini düzəltmiş, əsərin «Son mühasirə» adlanan hissəsini yazmışdır. Bundan
başqa o, ayrı-ayrı hissələrə əlavələr etmək məqsədilə elə həmin vərəqələrdə lazımi
qeydlər aparmışdır. (143, 16) Lakin şairin dünyasını dəyişməsi bunları həyata
keçirməyə imkan verməmişdir.
«Komsomol poeması» ayrıca kitab şəklində ilk dəfə şairin vəfatından iki il
sonra, 1958-ci ildə işıq üzü görmüşdür. Əsəri Sadıq Şükürovun qəzet və curnal
səhifələrindən topladığı parçalar əsasında xalq şairi Osman Sarıvəlli nəşrə hazırla-
mışdır. O, poemanı çapa hazırlayarkən, özünün qeyd etdiyi kimi, əsərin məlum baş-
lanğıcını və sonunu, ayrı-ayrı hissələrdə verilmiş hadisələri, surətlərin bir-birinə
münasibətini, inkişafını, lövhələri, səhnələri, eləcə də müəllifin özünün vaxtilə
poemanın planı haqqında qardaşı Mehdixan Vəkilova söylədiyi fikirləri nəzərə alaraq
əsərin sücet xəttini müəyyən etməyə çalışmış, əldə olan fəsilləri (parçaları) həmin
sücet xəttinə müvafiq tərtib etmişdir. Bununla yanaşı, Osman Sarıvəlli poemanın
indiyədək əldə olunmamış başqa hissələrinin mövcudluğunu da istisna etməmişdir.
(143, 16)
Doğrudan da sonradan əsərin yeni hissələri üzə çıxarılmış və bu, poemanın
növbəti nəşrində nəzərə alınaraq onu daha da dolğunlaşdırmışdır. (133, 5-86) Osman
Sarıvəlli şairin arxivindən tapdığı parçanı «Ədəbiyyat və incəsənət» qəzetinin 21
mart 1959-cu il tarixli sayında dərc etdirmiş, daha sonra «Novruz bayramında» sər-
lövhəsi ilə poemaya əlavə etmişdir. (133, 52-56) O.Sarıvəlli göstərilən parçanı şairin
övladlarından birinin «Fizika dəftə-
Dostları ilə paylaş: |