|
![](/i/favi32.png) Agarəhim Əsərlər Ana dilinin tədrisi metodikasıADTM dərsliyi ağarəhim müəllimAğarəhim Əsərlər
37
göstərməsi; 3) Yazı prosesində şagirdin ayağının (pəncəsinin) par-
tanın altında yerləşdirilmiş dayanacağa möhkəm birləşdirilməsi;
4) Gözlə dəftər arasında məsafənin 25-30 sm saxlanılması və s.
Yazını uzun sürən prosesə çevirmək olmaz. Əks təqdirdə uşaq-
larda yorğunluq yaranır, yazıda müxtəlif xarakterli nöqsanlar mey-
dana çıxır. I sinifdə gigiyenik tələblər şagirdlərə çatdırılır, sonrakı
siniflərdə isə yeri gəldikcə xatırladır.
7. Yazı prosesində yaranan psixoloji cəhətlər
Yeni təlimə başlayan uşaq üçün yazı sirli bir aləmdir. Bu zehni
və hərəki proses olmaqla şagirdlərdən möhkəm və dəqiq əl hərəkət-
ləri tələb edir. Buna baxmayaraq, onlarda yazı vərdişləri dərsdən-
dərsə tədricən yaranır. Başqa sözlə, əl yazısı işarələrinin təsviri
kimi gərgin prosesin avtomatlaşmış prosesə çevrilməsi başlanır.
Məlumdur ki, yeni yazmağa başlayan uşaq üçün pedaqoji-psi-
xoloji tələblər həddən artıq çoxdur. O, bu tələblərin hamısını eyni
vaxtda tətbiq etməyi bacarmır. Belə vəziyyətdə o, daxili psixoloji
gərginlik keçirir. Bu gərginliyi üç mərhələyə ayırmaq olar: a) hərfin
elementlərinin öyrədilməsi; b) şagirdin şüurunda hərfin düzgün ob-
razının yaradılması; v) yazı mərhələsi.
Birinci, şagirdin bütün diqqəti hərfin elementlərinin ayrılmasına
yönəlir, sonra isə texniki və qrafik qaydaların gözlənilməsinə, dəf-
tərin qoyuluşuna, qələmin tutulmasına və s. cəlb olunur. İkinci, hər-
fin elementlərinin düzgün yazılmasıdır. Bu prosesdə şagird hərfi
elementlərə ayırır, onun quruluşunu, digər elementlərdən onun fər-
qini müəyyənləşdirir. Sonra hərəki fəaliyyətə atılır. Bu mərhələlər-
də məktəblini həm hərfin texniki və qrafik cəhətləri, həm də sözün
semantikası düşündürür. O, tədricən əldə etdiyi bilikləri praktikaya
şüurlu tətbiq edir. Şüurlu fəaliyyət onu avtomatlaşmış yazıya gəti-
rib çıxarır.
Yazının mərhələləri əsasən əlifba təlimi dövrünü əhatə etsə də,
o bəzən hüsnxət məşğələlərində də özünü büruzə verir. II-IV sinif-
lərdə hüsnxət məsələsinə xüsusi saatlar ayrılsa da, əlifba təlimi və
|
|
|