372
Laranın üzünə baxdı. Üzündə olduqca dinc bir ifadə var idi.
Rahat ölmüşdü. Təbəssüm edir kimiydi. Qulaqlığı hələ də qula-
ğındaydı. Musiqi hələ də oxuyurdu. Üzündəki ifadə sanki Ma-
viyə bir işarə idi: “Qorxma, ölüm sandığımızdan da gözəl imiş”
Lara qurtulmuş, heçliyə qovuşmuşdu və indi xilas olma sı-
rası Mavidəydi.
Yerə çökdü və dizlərini qucaqlayıb ağladı. İlk dəfə sevdiyi
birinin ölümünü görürdü və ilk dəfə ölümü bu qədər yaxınında
hiss etmişdi. Bir qədər hərəkətsiz oturduqdan sonra elə indicə
ölməliydi deyə düşünərək başını qaldırıb soruşdu:
-Mənim evtanaziyam saat 12-dədir, indi edə bilərsiniz?
-Əgər istəsəniz bəli, sadəcə barmaq izinizi aparata göstər-
məyiniz lazımdır ki, məlumatlarınızı görə bilək.
Donuq baxışlarla fikirləşdi bir qədər. Üç saat gözləyə bil-
məzdi deyə düşündü. Gözləyib nə edəcəkdi sanki. Ən yaxşı-
sı indicə, burdaca işi bitirmək idi. Üstündə çox fikirləşmədən
ölümə və heçliyə qovuşmalıydı. Ayağa durdu. Həkimin göstər-
diyi aparata doğru yeridi. Baş barmağı tərəddüdlə aparata doğ-
ru uzatdı. Şəklinin və bütün informasiyalarının olduğu səhifə
gəldi kompyuterin ekranına. “Əgər hazır hiss edirsinizsə baş-
laya bilərik” dedi həkim ekrandakı informasiyaları yoxlaya-
raq. “Hazıram” deyə mızıldandı Mavi çarəsiz və taqətsizcə.
Nə qədər hazır
ola bilərdisə, o qədər hazır idi.
“Məni izləyin zəhmət olmasa” deyib dörd nömrəli otağa
yaxınlaşıb qapını açıb içəri girdi həkim yanındakı qızla bir-
likdə. Tərəddüdlü addımlarla düşüncəli formada onları izlədi
Mavi. Dörd divarı ağ rəngə boyanmış dar bir otaq idi eynilə
Laranınkı kimi. Otağın cansıxıcı aurası Mavini narahat etdi.
Belə bir yerdə ölmək istəməzdi deyə düşündü. Ancaq artıq çox
gecdir və ölümü bir addım uzaqlığındadır deyə fikirləşdi.
Həkim danışaraq ona bir şeylər deyir, proseduranı başa sa-
lırdı. Lənətə gələsi prosedura deyə düşündü, ölmək üçün belə
hansısa proseduranı izləməliydi. Ölməyə belə ərindirirdilər in-
sanı. Bəlkə də qayıdıb bir-iki qədəh vodka içməliydi. Biraz ve-
csizləşərdi. Yox əşi. Hər nə isə. Bir dəqiqə sonra bunların heç
373
bir mənası qalmayacaq. Bir dəqiqə? Bəlkə də daha az. “Oturun
zəhmət olmasa”, “İndi arxaya doğru uzanıb rahat nəfəs alın”.
Ölüm qabağı nə qədər rahat nəfəs ala bilərsən? Natrium pento-
tal. Ölüm mələyim. Tez ol.
Həkimin əlindəki iynəni gördü və beynindəki emosiya
mərkəzi olan amiqdalasının bütün neyronları aktivləşdi. Qorxu
sardı bütün bədəni. Ölüm cəngavərinə qarşı bədənin bütün or-
dusu ayağa qalxdı. Qorxmuşdu. Lara kimi sakit qarşılamırdı
ölümü. Lara sakitmi qarşılamışdı? Göründüyü qədər güclü
qızmı idi? Üzündəki ölüm sonrası ifadə elə deyirdi zira. Tə-
bəssüm edərək ayrılmışdı. Sanki həyata son istehzalı gülüşünü
ataraq ondan qorxmadığını bildirirmiş kimiydi.
-Qolunuzu uzadın zəhmət olmasa.
Laranın natrium pentatol dozasını azaldaraq bihuş olma
müddətini təxminən 30 saniyəyə qaldırtdığı doğruydu görəsən?
Necə bir cəsarət idi ilahi. Lara. Sən tanıdığım ən güclü qadın
idin. Bəlkə də yaşasam da tanımazdım daha cəsarətlisini.
-Bir
dəqiqə oturun, indi gəlirəm – deyib çölə çıxdı həkim.
Beyninin qorxu mərkəzi amiqdala onun verdiyi intihar əm-
rinə qarşı çıxaraq bütün bədənə savaş ya qaç siqnalları göndərir.
Savaş ya da qaç.
Savaşmaqmı? Ölümlə necə savaşa bilərsən? Həm, Lara-
nın mahnısında dediyi kimi, mən artıq savaşmaq istəmirəm.
“Qorxaq!” deyə içindən tanımadığı səslər yüksəlir və onu
cürətsiz adlandırırdılar. Qorxaq! Axmaq! Bir qədər fikir ver-
dikdən sonra gördü ki, onu ölümdən qorxduğu üçün yox, ya-
şaya bilmədiyi üçün qorxaq adlandırırdılar. Bəli, yaşaya bil-
mirəm. Bu qorxaqlıq deyil şikəstlikdir. Bacarıqsızlıqdır. Siz
şikəst insanlara şikəst deyə xitab edirsiniz? Axı bu tərbiyyə-
sizlikdir.
Kimi aldadıram? Məgər mən şikəstəm? Yoxsa bu sadəcə
bir təsəllidir? Deyil. Axı şikəstlik sırf fiziki olmur. Mənimki də
psixi şikəstlikdir. Məgər depressiya xəstəlik deyilmi? Xəstə-
likdir ki mənə ölüm icazəsi veriblər. Ölüm icazəsi. Necə də
gülünc səslənir.
Bədbəxtsən sən, bədbəxt.