369
- Xoşbəxtlik axtarışına çıxmısan? Aciz insan. Ağrıya döz-
məyi öyrənməlisən səni axmaq, həzz dalınca qaçmağı deyil.
– dedi kişi və Mavi onun Nietzsche olduğunu anladı.
-Mənə nə etməli olduğumu demə, necə etməli olduğumu de.
Nietzsche güldükçə böyüyür və Mavi kiçilirdi.
-Yarım buraxdığın kitablarımı oxusan bəlkə bilərdin. Sadə-
cə orta əsrlərdən qalmış üç-beş dəyəri rədd edərək üstinsan ol-
duğunu sanırdın ancaq gündən-günə kiçilirsən. O qədər aciz-
sən ki az qala özünü öldürəcəksən. Üstinsan olmaq istəyirsən?
Yaşamalısan! Bu ağrıların içində ölmədiyin hər gün daha da
yaxınlaşacaqsan üstinsana. Yaşadığın hər can sıxıntısını içki
ya narkotiklə doldurmayaraq yaxınlaşacaqsan üst insana. Son-
ra bir gün heç bir ağrı sənə təsir etməyəcək. Nə məsafələr nə
keçmiş xatirələri.
-Sən çarəsizlik təsəllisindən başqa bir şey deyilsən! Ən pis
günlərimdə sənə sığınırdım çünki pessimizmin mənə güc ve-
rirdi. Amma artıq bəsdir. Acizlərin sığınacağısan sən. Ağrıya
alışmaqdansa ağrını birdəfələik kəsəcəm özümü öldürərək.
Məsələ bunların heç biri deyil! Məsələ nə nostalgia ağrısıdır
nə xatirələr nə məsafələr. Mən sadəcə işləmək istəmirəm! Hə-
yatda qalmaq üçün çəkməmiz gərəkən o əziyyəti inkar edirəm.
Günah məndə deyil, müasir dövlətlərin insanları nə hala saldı-
ğını görürsən. İşləmək və yenə işləmək.
Nietzsche gülür, güldükcə böyüyür və Mavi kiçilirdi.
- Özünü öldürsən də məni haqlı çıxaracaqsan, öldürməsən
də. Günahı başqasına atmaq axmaqlıqdır. Sənin həyatın sənin
əllərindədir! Səfeh! İnsanın nə qədər doyumsuz olduğunu ən
az mənim qədər yaxşı bilirsən. Onda nəyə görə həzz arxasınca
qaçıb ağrıdan uzaqlaşırsan? Bitməz o yol. Özünü öldürmədi-
yin hər gün daha da güclənəcəksən. Tab gətirəcəksən. Dözə-
cəksən! Ölümə getdiyin bu son günlərdə belə həzzin ardınca
qaçırdın! Seks və narkotikin qurbanı olmusan son günlərin-
də belə. Bütün o post-modern bədbəxt insanlardan sadəcə bir
başqasına çevrilmisən! Tarixin iki ən böyük həzz qaynağı.
Qadınlar və uyuşturucular. Onların ardınca qaçdığın qədər on-
370
ların yoxluğu səni narahat edəcək. Mübtəlası olduğun həzzlə-
rin fırtınasında itmisən. Qaçıb barlara gedirsən. Tragediyanı
özünü uyuşduraraq üstündən atır və həzzin qurbanı olursan.
Mənim dahi olduğumu inkar edirsən amma başa düşmürsən ki,
dahi olma səbəbim tragediya ilə baş edə bilməyimdir! O lənət
Qodotu gözləməyi buraxdığın gün azad olacaqsan. İçində ol-
duğun bu bədbəxtliyi təkrar və təkrar yaşayacağını bildiyin və
qəbullandığın gün azad olacaqsan. Xoş günləri gözləmədiyin
gün və bəd günlərə tab gətirdiyin gün! Onları hiss etməyəcək
qədər gücləndiyin gün fövqəl insan olacaqsan və tragediya-
nın fırtınasında rəqs etməyi öyrənəcəksən, fırtınadan qaçmağı
yox. İztirab həyatın ayrılmaz bir parçasıdır. Döz! Tab gətir və
dayan! Sənə əzab verən xatirələrini unutmağa çalışma. Onla-
rı xatırla və ağrılarına dayan! Ümidlərini öldür və işgəncəni
yox et! Mərhəmət duymuram sənə və iztirab arzu edirəm, bəd-
bəxtlik, tənhalıq, xəstəlik və işgəncə arzu edirəm! Arzulayıram
çünki bunlara tab gətirə bilməyini diləyirəm.
Nietzsche qaranlığa qərq olub itdi və Mavi səhər bu yuxu-
nu xatırlasa da, sonra xatırlamayacağı başqa yuxular görməyə
davam etdi.
* * *
Artıq savaşmaq istəmirəm.
Artıq savaşmaq istəmirəm.
Səhərə doğru yuxusunda Laranın dünən oxutduğu ölüm
mahnısını eşidirdi Mavi.
Mən artıq savaşmaq istəmirəm.
Səsi daha da yaxından eşitməyə başladı. Sanki tam da qu-
lağının dibindən. Daha da diqqətlə fikir verdi və o anda göz-
ləri açıldı. Musiqi davam edirdi. Pəncərədən otağa dolan işıq
dənəcikləri gözünü qamaşdırdı. Yanına baxdı. Lara orda deyil-
di. Musiqi davam edirdi. Saat axtardı gözləri otaqda. Yox idi.
Ədyalı üstündən tullayıb sürətlə ayağa qalxdı və müvazinətini
qoruya bilməyib yıxıldı. Şalvarını götürüb çıxdı otaqdan.
Artıq savaşmaq istəmirəm.
371
“Lara” deyə qışqıraraq çağırır və koridorla qaçırdı. Giriş
qapısındakı qadının yanına gəldi təngnəfəs. Saatı soruşdu.
Doqquz tamam idi. Qərarsız hərəkətlərlə hara gedəcəyini bil-
mədən ortada fırlandı bir an. Bara qaçdı. Boş idi bar və eyni
musiqi təkrar çalmağa başladı. Geri qayıdıb evtanaziyaların
harda yerinə yetirildiyini soruşdu qadından. Arxa binaya ge-
dən koridoru göstərdi qadın.
Qaçmağa başladı.
Koridorun sonundakı yarı açıq qapıdan içəri girdi. “Lara”
deyə qışqırırdı. Üst tərəfində kiçik pəncərələri olan beş ya altı
qapının olduğu bir otağa girdi. Qapıların üstündəki kiçik pən-
cərələrdən içəri baxmağa başladı bir-bir. Otaqdakı iki həkim
onu dayandırmağa çalışdı. Anlaşılmaz sözlər deyərək onlardan
birini itələdi. Təkrar baxmağa başladı kiçik pəncərələrdən.
Üçüncü pəncərə.
Dördüncü pəncərə.
Və Lara.
Hərəkətsiz bədəni boş otaqdakı yatağın üstünə uzanmışdı
və qollarından venadaxili şprislər sallanırdı. Qapını açmağa
çabaladı Mavi. Bağlıydı. Otaqdakı iki nəfərin üstünə yeriyib
özünü itirmiş formada qışqıraraq qapını açmalarını istədi.
Onu sakitləşdirməyə çalışdılar. Alınmadı. “Qapını açın!” deyə
qışqırdı təkrar. “Xahiş edirik sakitləşin. Pasientin icazəsi olma-
dan qapını aça bilmərik. Onun yerində özünüzü təsəvvür edin.
Kiminsə gəlib sizi dayandırmasını istəyərdinizmi?” deyib sa-
kitləşdirməyə çalışdılar onu. Qapının ağzında dayanıb kiçik
pəncərədən Laranı izləməyə, qapını təpikləməyə və hıçqıra-
raq ağlamağa başladı. “Lara!”, “Niyə mənə yalan dedin!”, “Nə
mənası var idi sanki!”, “Səni heç vaxt bağışlamayacam Lara!”.
Durduq yerdə gah diksinir, gah nəsə pıçıldayır, gah da
yumruğunu divara sıxırdı. Ürəyinin qapısı açıq qalmışdı və
çölün bütün soyuq havası içinə dolurdu. Laranı niyə bu qədər
sevdiyini özü də bilmirdi. Ona görə ki onlar bədbəxtlik dos-
tuydular? Yoxsa sadəcə ona görə ki Lara hədsiz gözəl idi? Yox.
Bəlkə də ona görə ki onun Laradan başqa heç kimi yox idi.
Dostları ilə paylaş: |