Alisher navoiy nomidagi
Yüklə 457,58 Kb. Pdf görüntüsü
|
| UMUMIY XULOSALAR
...........................................................................59-61 FOYDALANILGAN ADABIYOTLAR RO`YXATI ...............................62-64 3 KIRISH Mavzuning dolzarbligi. Ajdodlarimizning asriy orzusi bo‘lgan milliy istiqlolga erishilganimizdan so‘ng ijtimoiy hayotning ko‘pgina sohalari qatori ma’naviyatga, madaniy merosga bo‘lgan e’tibor har qachongidan ham kuchaydi. Buning natijasi o‘laroq, sho‘rolar davri adabiyotshunosligida hayoti va ijodiy merosi bir tomonlama tadqiq etilgan yoki butunlay chetga surib qo‘yilgan ko‘plab shoiru adiblar ijodiy merosini ilmiy o‘rganish, xolis baholash masalasi kun tartibiga qo‘yildi. Ma’lumki, o‘zbek adabiyoti ko‘p asrlik madaniy va ma’naviy merosimizning ajralmas tarkibiy qismidir. U o‘ziga xos taraqqiyot tamoyillariga, boy an’analariga ega. XX asr avvalida bu an’analar ko‘p jihatdan yangilandi, boyitildi. Xalqimizni bu merosdan bahramand qilish maqsadida katta ishlar amalga oshirilmoqda. Ajdodlarimizning o‘tmish qa’rida unutilayozgan, tarix soyasida qolib ketgan asarlarini izlab topish, o‘rganish va o‘z o‘quvchisiga yetkazish shular jumlasidandir. XIX asr ikkinchi yarmi – XX boshlarida shakllangan milliy uyg‘onish davri adabiyoti ko‘p asrlik milliy adabiyotimiz tarixida alohida adabiy-estetik hodisa hisoblanadi. Negaki, bu davr ijodkorlari an’anaviy she’riyatni ham mazmun, ham shakl jihatdan yangiladilar. Millatni birdamlikka chorlovchi ma’rifatparvarlik ruhidagi asarlar bilan nafaqat adabiyot, balki jamiyat va millat hayotida yuksalish bosqichini boshlab berdilar. Toshkent adabiy muhitining zabardast vakillaridan biri Sayyid Haybatullaxo‘ja Sayyid Orifxo‘ja o‘g‘li – Xislat ana shunday ijodkorlar sirasiga kiradi. O‘zidan salmoqli adabiy meros qoldirgan Xislat asarlarini ilk manbalar asosida o‘rganish, o‘zbek adabiyotshunosligida erishilgan so‘nggi ilmiy-nazariy yutuqlarga tayanib tadqiq qilish, asarlari matnini o‘zaro qiyosiy o‘rganishni amalga oshirish, shoir hayoti va ijodiga oid ma’lumotlar tahlil qilish hamda xolisona baholash ishning dolzarbligini belgilaydi. Xislatdan bizgacha lirik turning g‘azal, masnaviy, murabba’, muxammas, musaddas, qit’a, fard, qasida kabi janrlarida uch ming misraga yaqin she’rni o‘z ichiga olgan adabiy meros 4 yetib kelgan. She’rlari XX asr boshlarida vaqtli matbuotda, tazkira va bayozlar, shoirning shaxsiy arxivida nashr etilgan. O‘z davri adabiy muhitida faol ishtirok etgani, ayniqsa, Muqimiy, Kamiy, Mavlaviy Yo‘ldosh, Miskin, Sidqiy- Xondayliqiy, Haziniy, Vasliylar bilan yaqin aloqada bo‘lganligi, ular ijodiga munosabati, g‘azallariga nazira, muxammaslar bog‘lashi ham uning yetuk ijodkor bo‘lganidan darak beradi. Shu nuqtai nazardan ham ushbu mavzuni o‘rganish adabiyotshunoslikning dolzarb vazifalaridandir. Yüklə 457,58 Kb. Dostları ilə paylaş:
|