86
Cəhrədə ip əyirmək üçün cəhrə sağ əllə bulanır, sol əllə isə yun iyin ağzına
verilirdi. Bir qayda olaraq ip sağdan sola doğru əyrildikcə iyin üzərində dükcə
şəklində sarınırdı. 7c kvadratından tapılan dəmir millərin cəhrə mili olmasını
güman edirik. Etnoqrafik müşahidələr cəhrə milinin 30-35 sm uzunluğuna malik
olduğunu söyləməyə imkan verir. Haqqında bəhs olunan millərin isə uzunluğu 30
sm-dir.
Toxuculuq sənətində ip əyrildikdən sonra növbəti emal prosesi
qırtızlanma əməliyyatıdır. Qırtızlama prosesində hazır ip “qırtız” (dəmir mil)
vasitəsilə qırtızlanır, yun düyünü, çöpük, ilişik və s.-dən təmizlənib hamar hala
salınırdı. Qırtız, adətən 13-15 sm. uzunluğunda alət idi. Arxeoloji qazıntı
ərazisindən, daha dəqiqi 7-ci kvadratdan tapılan mis və 2-ci kvadratdan tapılan
dəmir alətin bu məqsədlə istifadə olunan qırtız olduğunu güman edirik. Hər iki
materialın uzunluğu 15sm-dir. Dəmir alətin baş hissəsi manqal şişləri tərzində
qatlanmışdır. Bu alətlərdən başqa məqsədlərlə istifadə ehtimalı da mümkündür.
Maddi mədəniyyətin öyrənilməsində
məişət
qablarının özünəməxsus yeri
vardır. İbtidai dövrlərdən başlamış bu
günə kimi ərzaq - qida məhsullarının
saxlanması, tədarükü, bişirilməsi və
süfrəyə verilməsində qablardan istifadə
olunmuşdur. Qabların dövrləri arasındakı
fərq isə onların hazırlandığı materialdan,
formasından və istifadə təyinatından
ibarət olmuşdur. XVIII əsrə qədər xalqın
məişətində saxsı qablar aparıcı rol
oynamışdır. Öz başlanğıcını neolit
dövründən götürən saxsı qab istehsalı
zaman-zaman təkmilləşərək xalqın qaba
olan tələbatını tam ödəmişdir. Ağsu
arxeoloji
ekspedisiyasının
qazıntılar
nəticəsində əldə etdiyi maddi mədəniyyət
nümunələri içərisində saxsı məmulatların
üstünlük təşkil etməsi bir daha sübut edir
ki, saxsı qablar XVIII əsrdə də öz hakim
mövqeyini qoruyub saxlamış, məişətdə geniş istifadə edilmişdir. Ərazidən tapılan
qabların əksəriyyəti uzun əsrlər boyunca formasını qoruyub saxlamış qablardır.
Yalnız saxsı qəlyan küplərinin XVIII əsrdən etibarən məişətə daxil olduğunu
söyləməyə əsas verən bir neçə nümunə aşkarlanmışdır.
Əldə olunan tapıntılar arasında mis məişət qablarının azlıq təşkil etməsi
misin XVIII əsrdə də məişətə kütləvi şəkildə daxil ola bilmədiyini təsdiqləyir.
Bunu hər şeydən əvvəl misin baha olması, bunun əksinə olaraq saxsının ucuz və
87
tez başa gəlməsi ilə izah etmək olar. Xalq arasında işlədilən “Saxsıya verə-verə
çıxar qazan bahası” atalar sözünün də məhz sorakı dövrlərə, yəni XIX əsrə aid
olduğu aydınlaşır. Məhz bu dövrdən etibarən mis məişətə kütləvi surətdə daxil
olmağa başlayır. XVIII əsr abidəsindən aşkarlanan mis qabların çeşidi çox az olsa
da dövr haqqında müəyyən təsəvvür yaratmaq imkanı verir. Ərazidən tapılan mis
qapaq qablama qazanlara aid olduğundan məişətdə bu qazanların artıq özünə yer
aldığından soraq verir. Qapaq sadə formada hazırlanmışdır ki, bu da onun ortabab
ailədə işləndiyinə dəlalət edir. Zəngin naxış elementi ilə bəzədilmiş qablar yalnız
əhalinin tavanalı təbəqəsinin məişətinə daxil ola bilirdi. Belə qablar sifariş yolu ilə
hazırlanır və istehsalı uzun müddətə başa çatırdı. Mis nimçə, qaşıq, qəlyan
küpünün hissələri öz bədii tərtibatı cəhətincə diqqəti cəlb edir. Aparılan qazıntılar
nəticəsində imkanlı ailələrin məişətində istifadə edilən zəngin bəzək elementinə
malik əşyaların əldə olunmaması IV sahədə əhalinin aşağı təbəqəsinin yaşamasına
dəlalət edən faktlardandır.
Ev məişətində mühüm yer tutan alətlərdən biri də daşdan hazırlanan “əl
dəyirmanı”, kirkirə (əl daşı) idi. Ondan gündəlik məişətdə yarma, duz üyütmək
üçün istifadə olunurdu. Kirkirə daşı iş prosesində ovulub tökülməyən möhkəm
məsaməli daşlardan - qalınlığı 10-12 sm, diametri 35-45 sm olan üst daşından və
ondan bir qədər qalın olan eyni diametrli alt daşından ibarət olurdu. Bundan başqa
məlumatçıların söylədiyinə görə kirkirə hazırlamaq üçün “kövşən” daşına üstünlük
verilirdi. Çünki kövrək karxana daşına nisbətən kövşən daşı bərk və davamlı
olurdu. Arxeoloji qazıntılardan əldə olunan
kirkirələr göstərilən ölçülərə uyğun olaraq
hazırlanmışdır. Girdə formada yonulmuş kirkirə
daşının (üst daşının) ortasında “dənlik” adlanan
oyuq açılmışdır ki, bu dənlikdən üyüdüləcək qida
tökülürdü. Alt daşın ortasında açılan dənlik
oyuğuna mil keçirilirdi ki, həmin mil ondan 4-5
sm kənara çıxırdı. Üst daşın kənarında açılan
deşik dəstək üçün nəzərdə tutulmuşdur. Oraya
ağac tutacaq keçirərək kirkirəni hərəkətə
gətirirdilər.
Arxeoloji qazıntı ərazisində şüşə məmulatı qalıqlarının çoxluq təşkil etməsi
artıq məişətdə bu qəbildən olan avadanlıqların özünə yer almasının təzahürüdür.
Əsasən tranzit ticarəti vasitəsilə bölgəyə ayaq açan şüşə məmulatları Şamaxının
ticarət əlaqələrinin genişliyinə dəlalət edir.
Arxeoloji qazıntılardan əldə olunan materiallar bizə deməyə əsas verir ki,
burada mövcud olan maddi mədəniyyət elementləri Ümumazərbaycan
mədəniyyətinin tərkib hissəsi olmaqla öz lokal xüsusiyyətləri ilə seçilmiş
Azərbaycan və Şərq mədəniyyəti fonduna öz dəyərli töhfələrini vermişdir.
Ərazidən aşkar olunan tapıntılar burada qaynar şəhər həyatının yaşandığını,
Dostları ilə paylaş: |