84
sancaqlar, mis qaşıq, qurğuşun güllə ayrı-ayrı kvadratlardan əldə olunsa da eyni
istehsal prosesinə, yəni güllə hazırlanmasına xidmət edən ləvazimatlardır. Verilən
məlumatlara görə Lahıc ustalarının hazırladıqları odlu silahlar bütün Şirvana, Şəki,
Quba, Bakı, Qarabağ əyalətlərinə, həmçinin Dağıstan və İrana yayılmışdı. Bu fakta
əsasən Ağsudan əldə olunan qəliblərin və güllənin Ağsuda yaşayan Lahıc
sənətkarları tərəfindən istehsal olunduğunu söyləmək olar. Lahıc sənətkarlarının
əhalinin sıx yerləşdiyi şəhərlərdə məskunlaşaraq sənət fəaliyyəti ilə məşğul
olmaları geniş hal almışdı.
Arxeoloji materiallar arasında müxtəlif ölçü, forma və
material malik muncuqların olması da təsadüfi olmayıb bölgə
əhalisinin dini-mifik dünyagörüşü və təfəkkür tərzinin ifadəsi
kimi istifadə olunmuşdur. Belə muncuq və asmaların hər biri
dəfələrlə sınaqdan çıxarılmış və onlara güclü inam yaranmışdı.
Uzaq əsrlərdən keçib gələn həmin inamların qalıqlarına bu gün
də rast gəlmək mümkündür. Etnoqrafik ədəbiyyatda qeyd olunduğu kimi xalq
inamına görə şəvə muncuğu uşağı qarabasmadan, sarılıq muncuğu sarılıq
xəstəliyindən, göz muncuğu və balıqqulağı (bölgə əhalisi arasında buna itqusdu
deyilir) bədnəzərdən, hal anasından, ümumiyyətlə, şər qüvvələrdən, möhrə
muncuğu mədə ağrısından mühafizə etmək qabiliyyətinə malikdir. Bu muncuqlar
uşaq anadan olduğu ilk andaca onun paltarına bəndlənir və ya biləyinə, boynuna,
ayağına asılırdı. Bəzən bir neçə amulet sapa yığılaraq uşağın üstündən birlikdə
asılırdı. IV sahədən tapılan qoruyucu muncuqlar (amuletlər) ola bilsin ki, vaxtilə
bir yerdə olmuş, sonralar qırılıb ətrafa səpələnmişdir. Etnoqrafik çöl materialı
toplayarkən 2a və 2b kvadratından tapılan 2 ədəd muncuğun Şirvan bölgəsində
“haqqı” adı ilə tanındığı məlum oldu. Verilən məlumata görə bu muncuğa inam
böyük olmuşdur. Xalq inamına görə muncuq insanı şər qüvvələrdən qoruyur, eyni
zamanda müalicəvi xüsusiyyətə malikdir. Belə ki, burun qanaxmaları zamanı bu
muncuq əzilərək ələkdən keçirilir və tozu buruna tökülür. Bunun nəticəsində
qanaxma dərhal dayanırdı. Bundan başqa xalq arasında deyildiyi kimi dünyadan
“ağzı açıq” gedən ölülərin ağzına haqqı muncuğu atmaqla onun ağzını yummağa
nail olurdular. Əks təqdirdə ölünün öz dalınca kimisə aparmaq təhlükəsi ola
bilərdi.
Xalq inamında özünə geniş yer alan daşlardan biri də
şəvədir. İnama görə şəvə qarabasmadan, bəd ruhlardan
qorunmaq üçün ən gözəl vasitələrdən biridir. Onu uşaqların,
zahı qadırıların üstünə asır, bəzən balışının altına qoyurdular.
Şəvədən hazırlanmış təsbehlərə də geniş yer verilirdi. IV
sahənin 8-ci kvadratından tapılan 18x8 sm ölçüyə malik olan
daş şəvədən hazırlanmış təsbeh dənəsidir. Daşın iki paralel
künclərində sap keçirmək üçün qoşa deşikləri vardır. Üzərində açılmış 9 oyuğun
bəzək xarakterli olduğunu hesab edirik.
85
Şirvan hələ qədim dövrlərdən Azərbaycanın aparıcı toxuculuq
bölgələrindən biri olmuşdur. Burada toxunan xalçalar nəinki yerli tələbatı ödəmiş,
həmçinin rəvac ticarət məhsulu kimi dünya bazarlarına çıxarılmışdır. Dünyanın
yüzlərlə muzey və şəxsi kolleksiyalarının bəzəyinə çevrilmiş Şirvan xalçaları
özünün tarixi və bədii əhəmiyyətinə görə dünya mədəniyyəti xəzinəsini
zənginləşdirməyə qadir sənət əsərləridir. Arxeoloji qazıntılardan əldə olunan yun
darağının dişləri də tarixi əhəmiyyəti baxımından qiymətlidir. Ərazidən yun
darağına aid hissənin tapılması olduqca təbii haldır. Çünki Şirvanlı ailəsini
xalçasız, xalçaçılıq sənətini isə daraqsız təsəvvür etmək mümkün deyildir.
Xalçaçılıq
sənətinin
əsas
istehsal
ləvazimatlarından
biri
olan
darağın
hazırlanmasında dəmirçilər tərəfindən hasilə
gətirilən dəmir dişlərdən istifadə olunurdu. Dişlər
oturacaq taxtası üzərində baş-başa oturdulmuş qoşa
taxta parçasının arasına 3 sıra olmaqla bənd
edilirdi. Daha sonra dişlərin taxta üzərində
möhkəmliyini təmin etmək üçün ona dəmirdən
hazırlanmış qalpaq oturdulurdu. Qalpağın üzərində
dişlərin sayına və ara məsafəsinə uyğun deşiklər
açılırdı. Qalpaq dişlər üzərində ifçin oturduqdan sonra
darağın taxta hissəsinə hər tərəfdən mıxlanırdı.
Daramaq üçün yun çəngə ilə götürülüb əl ilə
hamarlandıqdan sonra darağın dişlərinə çəkilir və
bundan sonra yun hər iki tərəfdən yanlara dartılırdı.
Arxeoloji qazıntılardan əldə olunan yun darağının
dəmir dişləri vəqalpaq təsvirini verdiyimiz daraqla
eyniyyət təşkil edir. IV sahənin 4-cü kvadratından
tapılan dəmir dişlər və qalpaq torpaq altında qaldığından oksidləşərək formasını
itirmiş, ağac hissə isə çürüyərək məhv olmuşdur. Daraq hissələri həm xalçaçılıq
sənətinin tarixini, həm də onun texnologiyası və yayılma arealını izləmək
baxımından əhəmiyyətlidir.
Ağsu arxeoloji ekspedisiyasının əldə etdiyi materiallar arasında iki milin
cəhrəyə aid olduğunu güman edirik. Toxuculuq üçün hazırlıq prosesinin mühüm
bir mərhələsi yunun əyirilməsi mərhələsi hesab olunurdu. Etnoqrafik materiallar
yun əyirmə vasitəsinin tarixən iki növünün (əl iyi və cəhrə) mövcudluğundan soraq
verir. Bəsit ipəyirmə vasitəsindən - əl iyindən fərqli olaraq mükəmməl əmək aləti
olan cəhrə toxuculuq ipinin hazırlanmasında daha məhsuldar idi.
Cəhrənin əsas hissəsi palıd ağacından hazırlanırdı. Cəhrədə yeganə metal
hissə iydir. İy oturacaq taxtasının baş tərəfində yerləşdirilir və ona qarqara
(tağalaq) keçirilir. Cəhrəni hərəkətə gətirən kiriş də eyni zamanda iyə keçirilir.
Dostları ilə paylaş: |