141
142
143
Qafqaz MİK-i qarşısında vəsatət qaldırdı.
32
Cənubi Qafqaz MİK Rəyasət Heyəti
özünün noyabrın 5-də olmuş iclasında həmin vəsatəti təmin etdi: qərara alındı ki,
məsələ torpaq mübahisələrinin həlli üzrə komissiyaya verilsin. Komissiyanın
mübahisəli əraziyə ezam olunmasına qədər isə mayın 14-dək olan vəziyyət
saxlanılmalı idi.
33
Gürcü hakimiyyətinin mübahisəli torpaqlara münasibətdə fəallığının
artması əvvəlki illərdə olduğu kimi, bu dəfə də Gürcüstanda həyata keçirilən aqrar
islahatla əlaqədar idi.
Menşevik hökumətinin aqrar tədbirləri Gürcüstanda torpaq məsələsini həll
etməmişdi. 20-ci illərin əvvəllərində bu respublikada aqrar vəziyyət böhran
həddinə çatmışdı. Gürcü kəndlisi torpaq azlığından son dərəcə məhrumiyyətlər
içərisində yaşayırdı. Məsələn, 1921-ci ildə Gürcüstanda adam başına düşən
əkinəyararlı torpağın orta ölçüsü 0,7 desyatini keçmirdi.
34
«Заря Востока»
qəzetində İ. Jvaniya adlı müəllifin gətirdiyi bilgilərə əsasən, bu respublikada hətta
20-ci illərin ortalarında belə 322328 desyatin şum torpaq çatışmazlığı mövcud idi.
Özü də bu zaman 64465 kəndli evi torpaqdan tamamilə məhrum idi.
35
Torpaq qıtlığı üzündən Gürcüstanda 87695 ailənin başqa rayonlara
köçürülməsi zərurəti meydana çıxmışdı. Yeri gəlmiskən, o zaman qonşu
respublikada mövcud 16 qəzadan yalnız üçündə - Axalkələk, Sığnaq və Borçalı
qəzalarında torpaq bolluğu qeydə alınmışdı. Elə torpaqsız kəndlilərin də
miqrasiyasını, ilk növbədə bu qəzalara yönəldirdilər. Bəllidir ki, Axalkələk və
Borçalı qəzalarının 20-ci illərdə əhalisinin mütləq əksəriyyətini türklər təşkil
edirdilər. Deməli, torpaqsız gürcü kəndlilərinin bu ərazilərdə yerləşdirilməsi sosial-
iqtisadi səciyyəli vəzifələrin həlli ilə yanaşı, həmin bölgələrin əhalisinin etnik
balansını da dəyişdirmək məqsədi güdürdü.
Sığnaq qəzasına gəlincə isə, qeyd etdiyimiz kimi, orada Çiaur meşəliyi və
xüsusən də Şirək düzü kimi qonşu Azərbaycan kəndlilərinin sərəncamında olan
nəhəng torpaq massivləri mövcud idi; aqrar islahat gedişində də məhz həmin tor-
paqların gürcü miqrantlarının xeyrinə yenidən bölüşdürülməsi planlaşdırılırdı.
Jvaniyanın hesablamalarına görə, gürcü maldarlarının təminatı üçün
60000 desyatin qış, 50000 desyatin yay otlaqları tələb olunurdu ki, bu da qeyd
etdiyimiz ərazilərin əhəmiyyətini artırırdı.
Bu müəllifin « Заря Востока» qəzetinin elə həmin sayında getmiş bir
başqa məqaləsində köçürülmə fondu üçün ilkin olaraq 35000 desyatinədək torpaq
ayrılacağı bildirilirdi.
36
1923-cü ildə Gürcüstanda aqrar məsələnin inqilabi həllinə başlanıldı.
Gürcüstan rəhbərliyi qısa bir müddət ərzində mülkədarlardan 150000 desyatin
torpaq müsadirə edərək, kəndlilərə payladı.
37
Müsadirələrlə yanaşı, kənd təsərrüfatı
dövriyyəsinə əlavə torpaq sahələri daxil etmək üçün digər mənbələrin axtarışına
təşəbbüs edilirdi. Gürcüstanın torpaq komissarlığında mühüm vəzifələr tutan,
1924-cü ilin oktyabr sazişlərinin hazırlanmasında önəmli rol oynayan Jvaniyanın
144
yuxarıda söhbət açdığımız məqaləsi də məhz həmin axtarışların nəticəsindən xəbər
verirdi: gürcü hökuməti izafi kənd əhalisini torpaqların nisbətən bol olduğu
rayonlara, o cümlədən «mübahisəli ərazilərə» köçürmək niyyətində idi. 1920-ci
illərin ortalarında Azərbaycan SSR XTK kollegiyasının üzvü Ali Torpaq
Məhkəməsinin sədri vəzifələrində çalışan Muxtar Hacıyev bununla əlaqədar qeyd
edirdi ki, «Gürcüstan köçürmə siyasəti ilə məşğuldur və Zaqatala kəndlilərinin -
hansılarının ki, özlərinin [torpağa] ehtiyacı var - torpaq istifadəsini azaltmaq
istəyir... orada («Çiaur» məntəqəsində və Şirəkdə-Ş.R.) köklü sakinlər deyil, fəqət
gürcü hakimiyyəti tərəfindən köçürülənlər var; bu, təfsilatı ilə müəyyən olunmuş
və protokolda qeyd edilmişdir».
38
20-ci illərin sonlarında, «Çiaur meşəliyi» və Alazanyanı vadinin
Gürcüstan tərəfindən özününküləşdirilməsinin hüquqi tərəfinin artıq həll edildiyi,
iqtisadi cəhətdən mənimsənilməsinin isə sona yaxınlaşdığı bir dövrdə
müşavirələrdən birində bir gürcü səlahiyyətlisi həmin ərazilərin təsərrüfat
əhəmiyyətini belə təsvir edirdi: «Bu torpaqların Gürcüstana gərəksizliyi haqqında
bəhs edilərkən, bu yanaşma vəziyyəti bilməməkdən irəli gəlir. Şirək çölündən
qoyunçuluq məqsədi ilə istifadə edən gürcülər... ya tamam torpaqsız, ya da az
torpaqlıdırlar... Burada hazırki şəraitdə maldarlıq təsərrüfatı müstəsna səciyyə
daşıyır».
39
Beləliklə, Balaxlinski - Varamaşvili komissiyası tərəfindən əldə olunmuş
və 1923-cü ilin mayın 14-də Cənubi Qafqaz MİK Rəyasət Heyəti komissiyası
tərəfindən təsdiqlənmiş razılaşmalar zaqatalalıların ciddi güzəştlərini nəzərdə
tuturdu: qeyd etdiyimiz kimi, Şirəkdə 6000 desyatindən artıq torpaq rəsmən Sığnaq
qəzası tərkibində təsbit olunurdu. Həmçinin «Çiaur meşəliyində» də bəzi önəmli
sahələr gürcü kəndlilərinin sərəncamına keçirdi. Lakin gürcü hökuməti üçün bu
saziş yalnız ilk addım idi: gündəlikdə mübahisəli torpaqların inzibati planda
tamamilə özünə tabe etdirilməsi vəzifəsi dururdu.
2. Bünyadzadə - Gegeçkori saziĢi (1924-cü il 15 və
17 oktyabr) ġirək çölündəki və «Çiaur meĢəliyindəki»
torpaqların Gürcüstana verilməsinin hüquqi bazası kimi
1923-cü ilin dekabrın 27-də Qabaqçöl kənd icması nıüvəkkilləri (Muhuma
Cəgərçi oğlu, Muhuma Tinov Ömər oğlu, Həmzət Xəlilov və başqaları) Zaqatala
qəza icraiyyə komitəsinə müraciət etdilər.
40
Müraciətdə son dövrlərdə Çiaur
meşəliyinin guya Sığnaq qəzasına mənsub olduğu bəhanəsi ilə gürcülərin
qabaqçöllülərə öz əzəli torpaq və meşələrindən istifadələrini yasaqlamalarından
şikayət edilirdi. Belə bir məqam xüsusi vurğulanırdı ki, 10 min kənd sakini gürcü
hökumətinin siyasəti nəticəsində böhran vəziyyətindədir.
Dostları ilə paylaş: |