106
Klassik feodalizm dövründə Türk və Şərq xalqlarının mədəniyyəti
Təhsil
Klassik feodalizm dövründə türk xalqları ümumdünya mədəniyyətinə bənzərsiz incilər bəxş etmişdilər. Klassik
feodal dövlətlərində hökmdarların çoxu ədəbiyyatla, incəsənətlə, elmlə məşğul olurdular. Qüdrətli türk imperatorları Alp
Arslan, I Məlikşah, Əmir Teymur, Uluqbəy, Sultan Süleyman Qanuni və başqaları bu incilərin ərsəyə gəlməsində mühüm
rol oynamışlar. Alp Arslan tərəfindən
1066-cı ildə Bağdadda açılan
«Nizamiyyə» mədrəsəsi dünyanın
ilk
universitetlərindən sayılırdı. Universitetdə dini biliklərlə yanaşı, həm də hüquq, ədəbiyyat, riyaziyyat, astronomiya elmləri
tədris edilirdi. Nizamiyyə universitetindən sonra Təbrizdə yaradılan
Rəşidiyyə ali mədrəsəsi Şərqdə
ikinci ali təhsil ocağı
idi. Teymuri hökmdarı
Uluqbəy Səmərqənddə çoxlu mədrəsələr tikdirmişdi.
Süleyman Qanuni təhsil ocaqlarının
artmasına xüsusi diqqət yetirirdi.
Elmi biliklər
Klassik feodalizm dövründə elmi biliklər
inkişaf edirdi. Bu dövrdə
Ömər Xəyyam,
Mahmud Qaşğari, Fəzlüllah Rəşidəddin, Piri Rəis, Nəsrəddin Tusi kimi türk alimləri
yaşayıb yaratmışdılar. Astronomiyanın inkişafında xüsusi rol oynamış
İsfahan, Marağa,
Səmərqənd rəsədxanaları tikilmişdi. Dövrün görkəmli alim və şairi Ömər Xəyyam
İsfahan rəsədxanasının başçısı olmuşdu. Onun tərtib etdiyi
«Cəlali təqvimi» miladi
təqvimindən daha
dəqiq hesablamalara əsaslanırdı. Digər görkəmli türk astronomu
Mahmud Qaşğari
ulduz bürclərinin dövrü adını (siçan, öküz, bəbir, dovşan, timsah, ilan,
at, qoyun, meymun, toyuq, it, donuz) türk dillərində vermişdir. Teymuri hökmdarı və
görkəmli
astronom Uluqbəy Günəş, Ay və ulduzların hərəkətlərini göstərən cədvəl düzəldib
Ay və Günəşin orbitlərini müəyyən etmişdi.
Tibb elminin inkişafına xüsusi diqqət yetirilirdi. Osmanlı dövlətinin Ədirnə və
Azərbaycanın Təbriz şəhərlərində
darüşşəfa adlı xəstəxanaları açılmışdı. Görkəmli
Azərbaycan alimi Fəzlüllah Rəşidəddinin tibbə aid əsərləri Şərqdə böyük şöhrət
qazanmışdı.
Məşhur türk admiralı Piri Rəis tərtib etdiyi
dəniz atlasına Amerika qitəsini daxil
etmişdi. Bu onu göstərirdi ki, avropalılardan daha əvvəl türk coğrafiyaçıları və səyyahları
Amerika qitəsi haqqında məlumatlara malik idilər.
Böyük Moğol hökmdarı Əkbər şahın dövründəki Hindistan mədəniyyətini
«Əkbər
əsri» adlandırırlar. Tarixçi
Əbül Fəzl əsərlərində Əkbər şahın fəaliyyətini
təsvir etmişdi
Ədəbiyyat
Dövrün ən məşhur şairləri
Mahmud Qaşğari, Cəlaləddin Rumi, Yunis Əmrə, İmadəddin Nəsimi, Əlişir Nəvai,
Məhəmməd Füzuli olmuşdur.
Mahmud Qaşğarinin «Divanü lüğat-it-türk» («Türk dillərinin divanı») əsəri yüksək
bədii, elmi, ədəbi səviyyədə yazılmışdır. Əsərdə o dövrdə türk xalqlarının yaşadığı əraziləri təsvir edən ilk xəritə də
verilmişdi. Mahmud Qaşğari «Divan»ı ilə, həmçinin
türkologiya elminin əsasını qoymuşdur.
Sıra
nömrəsi
Aylar
Latınca
adları
Ayın
günləri
1
11-ci ay
Yanvar
31
2
12-ci ay
Fevral
28
3
1-ci ay
Mart
31
4
2-ci ay
Aprel
30
5
2-cü ay
May
31
6
4-cü ay
İyun
30
7
5-ci ay
İyul
31
8
6-cı ay
Avqust
31
9
7-ci ay
Sentyabr
31
10
8-ci ay
Oktyabr
31
11
9-cu ay
Noyabr
30
12
10-cu ay
Dekabr
31
Cəlali təqvimi Səlcuq
hökmdarı Cəlaləddin
Məlikşahın dövründə Ömər
Xəyyam tərəfindən
hazırlanmışdı. Çox
dəqiqliklə hazırlanmış
təqvim müasir dövrümüzdə
tətbiq olunan miladi
təqvimindən elədə
fərqlənmir. Cəlali təqviminə
əsasən başlanğıc tarixi
1079-cu ildən hesablanır.
107
Şifahi xalq yaradıcılığının böyük nümayəndəsi
Molla Nəsrəddin o zamanda yaşamışdır.
Memarlıq
Klassik feodalizm dövründə türk memarlığı çiçəklənmə mərhələsini yaşadı. Bu dövrdə
Təbriz, Səmərqənd,
İstanbul, Buxara və başqa şəhərlərdə memarlıq üslubu cəhətdən fərqlənən möhtəşəm nümunələr yaradıldı.
Əmir Teymurun Səmərqənddə tikdirdiyi binalar bu gün də əhəmiyyətini itirməmişdi. Teymurun qəbri üzərində inşa
edilən
«Gur Əmir» (Əmir Teymur) türbəsi Səmərqənd memarlığının şah əsəridir. Əmir Teymurun nəvəsi,
Uluqbəy
dövlət xadimi, astronom olmaqla yanaşı, həm də dövrünün görkəmli memarı sayılırdı. Səmərqənd rəsədxanasının, o
cümlədən o dövrün bir sıra tikililərinin memarı Uluqbəy olmuşdur.
Osmanlı imperatorluğunun, o cümlədən dünyanın ən məşhur memarı
Sinan Xoca hesab edilir. Onun inşa etdiyi
Şahzadə, Süleymaniyyə və
Səlimiyyə cameləri nadir memarlıq incilərindəndir. İstanbulda türk memarları tərəfindən
Çinili köşk, Topqapı, Fənərbağça və başqa möhtəşəmsultan sarayları inşa edilmişdi.
Hindistanda türk imperatorluqları dövründə hind-müsəlman mədəniyyəti yüksəliş dövrünü yaşadı. XIII əsrin
əvvəlində Dehli sultanı Qütbəddin Aybək tərəfindən tikdirilən
«Qütb minar» adlandırılan minarə bu gün də
möhtəşəmliyini saxlamaqdadı.
Çində elmi-texniki kəşflər və nailiyyətlər
Orta əsrlərdə Çin dünya mədəniyyətinə aşağıdakı
əhəmiyyətli töhfələr vermişdi:
Seysmoskop və spidometr kəşf edildi.
Dünyada ilk
«Farmakologiya» (əczazçılıq)
kitabı yazılaraq, müxtəlif müalicə üsulları
müəyyən olundu.
İlk dəfə not yazısı ilə musiqi əsərləri yazıldı,
Çində
ilk balet yardıldı.
Ölkədə
gəmiçilik məktəbləri açıldı,
barıt və
metal top ixtira olundu.
Çin dənizçiləri hələ qədimdə ixtira etdikləri
kompasdan istifadə etməyə başladılar.
QEYD:
Ölkədə xüsusi gil növlərindən möhkəm, yarımşəffaf,
cingiltili qablar hazırlanırdı. Çində hazırlandığına
görə onlara
çini qablar deyilirdi.
Klassik feodalizm dövründə Türk və Şərq xalqlarının inciləri
Səmərqənddə Uluq bəy rəsədxanası və rəsədxananın girişi Dehli - Qütb Minar
Piri Rəis və onun Dünya xəritəsi. Xəritədə Amerikanın əks
olunması.
Mahmud Qaşğari "Divanu Luğat-it-Türk" kitabı
və Dünya xəritəsi