308
The article gives the information vegetation period in 2015 on sustainable
acessions of barley selected on resistanceho yellow rust, powdery mildew, scald,
bloch in first and second observation and advanced yield trial nurseries.Shown
continuing spread of pathogens above mentioned fungal diseases of barley.
UOT: 632.2.635.64
POMİDOR ƏKİNLƏRİNİN BAŞLICA XƏSTƏLİKLƏRİ VƏ ONLARA
QARŞI MÜBARİZƏ TƏDBİRLƏRİ
C.T.AĞAYEV
BM və TBETİ-nin Abşeron Təcrübə Stansiyası e-mail: cabrayil@yandex.com
Məqalədə pomidor bitkisini yoluxduran başlıca xəstəliklərin növ
tərkibi,xəstəliklərə qarşı mübarizədə davamlı sortların seçilməsi, toxumların
sağlamlaşdırılması, xəstəliklərə qarşı sonradan qazanılmış immunitetin artırılması
tədbirlərinin tətbiqi üzrə aparılmış tədqiqat işlərinin nəticələri haqda qısa məlumat
verilir.
Açar sözlər: pomidor bitkisi, xəstəlik, fitoftoroz, alternarioz, kök çürüməsi,
bakterial soluxma, mübarizə tədbirləri
Ключевые слова: томат, болезнь, фитофтороз, альтернариоз, корневая
гниль, бактериальное увядание, меры борьбы
Key words:
tomato, disease, late blight, early blight, root rot, bacterial wilt,
measures
Ekoloji təmiz məhsul istehsalında ayrı-ayrı xəstəlik və zərərvericilərə qarşı
istiqamətlənmiş mübarizə tədbirlərinin tətbiqindən uzaqlaşaraq, bitkinin fizioloji
proseslərinin gücləndirilməsi və immunitetinin yüksəldilməsi tədbirlərinə daha çox
üstünlük verilməlidir. Belə olduğu halda bitki sağlam və davamlı olur, xəstəliklərə
qarşı müabrizədə daxili potensialından isdifadəetməklə özü-özünü sağlamlaşdırır [1;
2]. Bu istiqamətdə örtülü sahədə bitkinin sonradan qazanılan immunitetinin
yüksəldilməsi tədbirlərinin tətbiqi geniş yayılmışdır [3].
Abşeron bölgəsində örtülü sahədə pomidor bitkisini yoluxduran xəstəliklərin
çoxsaylı tədqiqi və aparılan laborator analizləri [4; 5] göstərir ki, ən geniş yayılan
patogenlər aşağıdakılardır.
1.Fitoftoroz– Phytophtora infenstans de Bary, Ph.parasitica Dastur.
2.Alternarioz – Alternaria solani Sor.
3.Traxeomikoz soluxmalar – Fusarium solani Mart., Vertycillium sp.
4.Boz çürümə – Botrytis cinerea Pers.
5.Kladosporioz – Cladosporium fulvum Cooke.
6.Gövdə bakteriozu – Pseudomonas corrugata Robert and Skarlett.
7.Təpə çürüməsi –Pseudomonas sp.
309
8.Yarpaqların qırışlı mozaiksı – Chino del Tomato virus, Tobacco Etch. Virus,
Tomato mozaik virus.
Qeyd olunmuş xəstəliklərin hər birinə ayrı-ayrılıqda mübarizə tədbirlərinin
yerinə-yetirilməsi iqtisadi baxımdan səmərəsiz hesab edilir. Davamlı sortlardan
istifadə, toxumların sağlamlaşdırılması, immuitetin yüksəldilməsi metodlarının
tətbiqi, məhsul yetişkənliyi dövründə bioloji vasitələrdən istifadə olunmasının
aqrotexniki tədbirlərlə inteqrasiyası pestisidlərin və aqrokimyəvi maddələrin
isdifadəsini minimuma salır. Bu istiqamətdə 2009-2012-ci illərdə AzETBMİ-nin
AbşeronTəcrübə Stansiyasında örtülü sahədə pomidor şitillərinin və məhsuldar
bitkilərin başlıca xəstəliklərindən mühafizəsində mütərəqqi üsul və vasitələrdən
isidfadə edilmişdir.
Davamlı sortların seçilməsi və tətbiqi mühafizə tədbirlərinə çəkilən xərcləri bir
neçə dəfə aşağı salır. Bu məqsədlə rayonlaşdırılmış 3 yerli və xaricdən yeni gətirilmiş
14 sortun başlıca xəstəliklərə yoluxması üzrə aparılmış tədqiqatlar nəticəsində məlum
olmuşdur ki, Leyla, Durinta və Eniqma sortları müqayisədə Fuzarioz, Alternarioz və
Vertisillioz soluxmalara daha davamlıdır. Lakin bu sortlarda virusla yoluxma yuksək
olur. Bunun qarşısının alınması üçün toxumların sağlamlaşdırılması, onların xəstəlik
törədicilərindən təmizlənməsi, həmçinin cücərmə potensialının artırılması məqsədi ilə
Qamair İT (Basillus subtilis st. 22 VİZR, titr 10
11
KYO/ qram) bioloji preparatı ilə, 2
qr/kq normada, işçi məhlulun sərfiyyatı (İMS) 1 litr/kq olmaqla səpindən qabaq 2 saat
müddətində
dərmanlanmışdır.
Paralel
olaraq
toxumların
səpinqabağı
sağlamlaşdırılmasında daha mütərəqqi üsul kimi bioloji və davamlılığın
yüksəldilməsində yüksək nəticələr göstərmiş Aqat 25 K preparatından istifadə
edilmişdir. Preparat 14 qr/kq normada, İMS 2 litr/kq olmaqla tətbiq edilmiş və
toxumlar 4 saat müddətində səpindən 2 gün qabaq islatma metodu ilə işlənmişdir.
Təcrübələrdən alınmış nəticələr səmərəli olmuş və hazırlanmış yeni mübarizə
sxeminə daxil edilmişdir.
Toxumların səpildiyi torpağın (substratın) keyfiyyətindən və qida maddələri ilə
zəngin olmasından asılı olaraq şitillərin xəstəliklərlə sirayətlənməsi dəyişir. Şitil
istehsalı ilə məşğul olan istehsalçılar bir neçə il eyni torpaqda toxumları səpərək
istehsal etdikləri şitillərin ixtisaslaşmış xəstəlik törədiciləri ilə sirayətlənməsi
nəticəsində külli miqdarda ziyana uğradıqları hallar tez-tez baş verir. Aparılmış
müşahidələr və təhlillər nəticəsində məlum olmuşdur ki, sterilləşdirilmiş hazır
substratlarda şitillərin becərilməsi onların xəstəliklərlə yoluxmasını minimuma
endirir. Kök çürümələri, fır nematodları, gövdə bakteriozu, xəstəliklərinin şitillər
üzərində yayılması əhəmiyyətli dərəcədə azalır. Müşahidələrdən əldə olunmuş ilkin
nəticələrin dəqiqləşdirilməsi və satışda istehsalçılara təqdim edilən və şitillərin
xəstəliklərlə yoluxması daha az müşahidə olunan substratlar seçilmişdir. Bu məqsədlə
yerinə yetirilmiş təcrübələr göstərir ki, zənginləşdirilmiş və sterilləşdirilmiş torfdan
hazırlanan Moss-Peat substratı digərləri ilə müqayisədə daha səmərəlidir.
Xəstəlik törədicilərinə qarşı davamlılığın artırılmasıməqsədi ilə müxtəlif
metodlardan istifadə edilir. Fitosporin-Mbioloji preparatının (Pseudomonas
aurofaciens şt. M-26D) istifadəsi cücərməkdə olan toxumların rüşeyim potensialının
artırılmasında və şitillərin inkişafına müsbət təsiri tərəfimizdən aparılmış təcrübələrdə