515
Tədqiqat sahəsində qoyulmuş torpaq kəsimlərinin morfoloji təsvirindən aydın
olur ki, eyni hündürlüyə və meylliyə malik ərazilərin kölgəli və günəşli
yamaclarında humus qatının (AU) qalınlığı, illüvial-karbonatlı qatın (Bca)
formalaşmasına dərinliyi və bərkiməsi, onların struktur aqreqatları, qranulometrik
tərkibi, nəmliyi, duzluluğu, xüsusən eroziyaya uğrama dərəcəsi vəs. diaqnostik
əlamətləri xeyli fərqlənir.
Kölgəli yamaclarda formalaşan dağ boz-qəhvəyi (şabalıdı) torpaqların genetik
profili üçün yumşaq çimli, nisbətən qalın humus qatı (AU=38-45 sm), xırda
kəltənvari-dənəvari struktura, gilli-ağır gillicəli qranulometrik tərkib, aydın bioloji
işləmə, yaz-payız mövsümləri üzrə optimal nəmlənmə və s. səciyyəvi
morfogenetik əlamətlərdir. İllüvial-karbonatlı qat (Bca=50-80 sm) nisbətən dərində
olub aydın bərkiməsi, kəltənli-topavari strukturası, yumşaq xırda ağgözcüklü,
bəzən mitsella formalı zəif karbonat birləşməsi, 10 %-li HCl təsirindən yüksək
dərəcədə qaynaması ilə seçilir. Torpaqəmələgətirən süxurlar (Cca) lössəbənzər
delüvial karbonatlı gillicələrdən ibarətdir. Bitki örtüyü qalın, yaxşı inkişaf etmiş
sıx ot örtüyündən və seyrək alçaq boylu kolluqlardan təşkil olunmuşdur.
Kölgəli yamaclarda yayılmış dağ boz-qəhvəyi (şabalıdı) torpaqların üst
qatında (AU=20-25 humusun miqdarı xeyli üstün olub (2,8-3,5%), 45-50 sm
dərinliyə qədər hərəkəti (1,0-1,5%) aydın nəzərə çarpır. Humusun ehtiyatı 0-20
sm-də 58-82 t/ha, 0-50 sm-də isə 106-130 t/ha qədər artır. Ümumi azotun miqdarı
da xeyli yüksəkdir (0,20-0,25%) və ehtiyatı 0-20 sm-də 3,9-5,7 t/ha, yarımmetrlik
qatda isə 7,5-9,8 t/ha təşkil edir. Torpaq profilinin üst qatı (AU=20-25sm)
karbonatlardan tam yuyulmuşdur və orta-dərin qatlarda (0,7-1,5 m) toplanması
(CaCО
3
= 6,4-9,0%) ilə səciyyələnir. Bu torpaq udulmuş əsaslarla da yüksək
dərəcədə təmin olunmuşdur (AU=34,2-38,5 mq-ekv). Udma tutumunda ca kationu
üstünlük təşkil edir və Ca:Mg olan nisbəti 1,6-2,3 arasında dəyişir. Torpaq profili
zəif qələvi mühitə malikdir və pH su məhlulunda 7,3-8,3 arasında tərəddüd edir.
Dağ boz-qəhvəyi (şabalıdı) torpaqların kölgəli yamaclarda formalaşan növləri
şorlaşmışdır və üst qatlarda (AU+A/B) quru qalığın miqdarı 0,11-0,15 % təşkil
edir. Bəzən dərin qatlarda (1,0-1,5m) olan torpaqəmələgətirən gipsli lössəbənzər
gillicələrdə (Cce) quru qalığın miqdarı 0,37-0,49% -ə qədər artır. Analiz nəticələri
göstərir ki, bu torpaqlar nisbətən ağır qranulometrik tərkibə malikdir.
Üst qatlarda (AU+A/B) fiziki gilin miqdarı (<0,01mm) 40,6-48,9%, lil
hissəcikləri (<0,001 mm) 13,9-18,7% olduğu halda, orta qatlarda müvafiq olaraq
onların kəmiyyəti 48,3-60,7; 17,5-28,0 %-ə qədər yüksəlir. Bu da Həmin torpaqları
meşədən sonra bozqırlaşma prosesinə məruz qaldığını və gil hissəciklərinin
mövsümi yuyulma prosesini göstərir [19; 20].