sferası ilə yanaşı, ünsiyyət sferasının formalaşmasına da mənfi təsir göstərir.
Çox vaxt qeyri-
sağlam təsirlər və həyat tərzi müxtəlif psixi pozğunluqlararın, normadan kənaraçıxma hallarının
və şəxsiyyətin disharmoniyasına səbəb olur, aşağı özünüqiymətləndirmənin və aqressivliyin
yaranma səbəbi kimi yanaşma tərzi, onların şəxsiyyət keyfiyyətlərindəki əlverişsiz əlamətləri:
prinsipiallıq, hədsiz tələbkarlıq, səbirsizlik, yüksək iddialılıq, eqoizm,
tez-tez təkrarlanan
nevrotik hallar, affektivlik (qışqırmaq, hədə-qorxu, söyüş, və.s) , uşaqlara qarşı inamsızlıq
onlarla valideynlər arasında qarşılıqlı sevgi və etibarın itməsinə gətirib çıxarır. Bu baxımdan
psixoloq valideynlərlə psixoprofilaktika və korreksiya məqsədilə apardığı işlərdə aşağıdakı
cəhətlərə xüsusi diqqət yetirməlidir:
-
Ailə münasibətlərindəki disharmoniyanın və ailə tərbiyəsindəki qüsurların aradan
qaldırılmasının profilaktikası məqsədilə maarifləndirici işin həyata keçirilməsi;
-
Ailə tərbiyəsi tipinin müəyyənləşdirilməsi və ailədaxili münasibətlərin öyrənilməsi
məqsədilə diaqnostik işlərin həyata keçirilməsi;
-
Ailə üzvləri arasında sağlam qarşılıqlı münasibətlərin bərpa
edilməsi məqsədilə
korreksiyaedici tədbirlərin həyata keçirilməsi
2. Valideynlərlə məlumatverici-maarifləndirmə işləri ailə tərbiyəsində və ailədaxili
münasibətlərdə yol verilmiş mümkün qüsurların profilaktikası məqsədilə həyata keçirilir. Bu
məqsədlə valideynləri uşaq və yeniyetmələrin rəftar və davranışında pozğunluqlara səbəb olan
ailə münasibətləri tipləri ilə tanış etmək lazımdır. Ailədaxili münasibətlərdəki qüsurların əsas
mənbəyi ailə cütlüyü adlanan ərlə-arvad arasındakı disharmoniya və onu şərtləndirən ailə
münaqişələridir. Ailə münaqişələri mürəkkəb sosial hadisədir. Bu münaqişələrə səbəb bir
tərəfdən ərlə arvadın münasibətlərindəki soyuqluq,
yadlaşma , digər tərəfdən rol
gözləmələrinin təhrif olunmasıdır.
Sağlam ailədə hər bir ailə üzvünün psixoloji rolu olur. Ailədaxili münasibətlərdə yarana biləcək
ziddiyyətləri və münaqişələri ailənin hər bir üzvü sərbəst aradan qaldırmaq istəyi olur
Ər-arvad cütlüyü arasındakı disharmoniya uşağın emosional və şəxsi inkişafına mənfi
təsir
göstərir ki, bu da uşaq və yeniyetmələrin davranışında normadan kənaraçıxma hallarının əsas
mənbələrindən biridir. Korlanmış ər-arvad münasibətləri dolayı yolla valideyn-övlad
münasibətlərinə , bununla da uşaq və yeniyetmələrin davranış və tərbiyəsində qüsurların
yaranmasına güclü təsir göstərmiş olur . Buna görə də psixoloqun valideynlərlə apardığı
maarifləndirmə işləri ər-arvad cütlüyü arasındakı münasibətlərin uşaqların tərbiyəsinə təsirinin
izahına yönəlməlidir. Belə iş formaları mühazirələrdən , seminarlardan, söhbətlərdən,
mütəxəssislərin də cəlb edildiyi valideyn yığıncaqlarından ibarət ola bilər.
3.Psixoloji tədqiqatlar müəyyən etmişdir ki, ailədaxili münasibətlərin pozulmasının əsas
səbəbləri aşağıdakılardır:
-
Ailənin saxlanılması və uşaqların sağlamlığının qorunmasında valideynlərin məsuliyyəti
öz üzərinə götürmək istəməməsi;
-
Uşaqlarda valideynlərdən birinin temperament xüsusiyyətləri
və xarakter əlamətlərinin
olmasının digər valideyn tərəfindən qəbul edilməməsi və qarşılıqlı isti münasibətlərin
olmaması;
-
ər-arvadlıq münasibətlərində uzunmüddətli stressi nəticəsi olaraq valideynlərdən
birində və ya hər ikisində ümumi energetik potensialın zəifləməsi;
-
valideynlərin qeyri-ixtiyarı olaraq keçmişdə baş vermiş günah, qorxu və inciklikləri tez-
tez xatırlaması;
-
dalğınlıq, depressiya və nevrozların nəticəsində sinir proseslərində yaranan çətinliklər;
-
valideynlərdən birinin nevrotik pozğunluğa düçar olması nəticəsində ailədə emosional
əlaqələrin itirilməsi və tez-tez baş verən münaqişələr
Çətin və ya mürəkkəb davranışlı uşaqlarla aparılan profilaktika və korreksiya işləri,
ailə və
valideynlərlə iş çox mühüm, mürəkkəb və zəruri fəaliyyət sahəsidir. Bu istiqamətdə aparılan
işlər həm pedaqoq, həm də psixoloqun xidmət sahələrini əhatə edir. Psixoloqun valideynlərlə
apardığı psixoloji maarifləndirmə işində uşaqların bağçaya adaptasiyası və məktəbə
hazırlanması, eyni zamanda onların texniki informasiya mənbələrindən (televizor, video,
kompüter, mobil telefon) istifadə ilə əlaqədar məsələlər üstünlük təşkil edir. Psixoloq uşaqların
hüquqlarının müdafiəçisi olsa da, övlad-valideyn ünsiyyəti ilə bağlı yaranan problemlərin
həllində fəal iştirak etməli, zəruri hallarda valideynlərə psixoloji dəstək göstərməlidir.
Dostları ilə paylaş: