19
1 saylı cədvəldə Kiçik Qafqazın şimal-şərq hissəsində orta
aylıq və illik iqlim göstəriciləri gətirilir. Cədvəlin rəqəmlərindən
göründüyü kimi iqlim parametrləri ərazinin geomorfoloji
quruluşundan, dəniz səviyyəsindən hündürlüyündən, təbii
qurşaqlarından xeyli asılıdır. Tədqiqat obyekti bölgəsinin iqlim
parametrlərinin izahı göstərir ki, bölgədə kənd təsərrüfatı
bitkilərinin inkişafı, yüksək və sabit məhsul verməsi üçün
əlverişli şərait vardır. İqlimin müsbət durumunu, ekosistemlərin
mövcud vəziyyətini, təbii müvazinətin saxlanılması üçün təbiət
qoruyucu tədbirlər tətbiq edilməli, meşələrin, otlaqların, torpaq-
bitki örtüyünün mühafizəsi ön plana çəkilməlidir.
1.5
Bitki örtüyü və torpaqəmələgəlmə prosesində
onun rolu
Bitki örtüyü torpaqəmələgəlmə prosesində və torpağın
yuyulmadan qoruyub saxlayan ən mühüm amillərdən biridir. O,
torpağa düşən yağmuru özündə saxlamaqla bərabər, torpağın su
sızdırma qabiliyyətini artırır ki, bunun da nəticəsində səthi axı-
mın və torpağın yuyulmasının qarşısı alınır.
Bitki örtüyü zəif inkişaf etmiş və ondan tamamilə məhrum
olan sahələrdə yağmurlar bir başqa torpağın üzərinə düşdüyün-
dən onun az bir hissəsi torpağa hopub, qalan hissəsi isə torpağın
səthi ilə axaraq torpağın yuyulmasına səbəb olur.
Qeyd etmək lazımdır ki, Kiçik Qafqazın başqa yamacların-
da olduğu kimi onun şimal-şərq yamacında da bitki örtüyü şa-
quli zonallıq qanununa əsasən formalaşmışdır. Ərazinin dağlıq
zonasından aşağı endikcə bitki formasiyalarında dəyişiklik mü-
şahidə edilir. Hündürlüyü dəniz səviyyəsindən 2700-2800 m-dən
çox olan qayalıqlı və çınqıllı yerlərdə alp çəmənliyinə mənsub
olan, yerə yapışan bitkilər və zınqırov fəsiləsinə aid olan otlar
inkişaf etmişdir. Bundan aşağıda çəmən zonasının normal rü-
tubətli yamacları müxtəlif alp və subalp ot bitkiləri ilə örtülmüş-
dür. Lakin alp çəmənliklərinə mənsub olan bitkilərin boyları qı-
sa və növləri nisbətən azdır. Aparılan tədqiqatdan aydın oldu ki,
alp zonasında bitki örtüyü seyrək və onların boyları qısadır. Belə
sahələrdə mal-qaranın sistemsiz və çox otarılması bitki örtüyü-
20
nün daha da seyrəkləşməsinə və bəzi sahələrin isə tamamilə bit-
ki örtüyündən məhrum olmasına səbəb olur ki, bunun da nəticə-
sində eroziya prosesi geniş inkişaf edərək torpaqların deqradasi-
yasına şərait yaranır.
Dağların yüksəkliyindən, yamacların cəhətindən və.s amil-
lərdən asılı olaraq subalp çəmənliklərinin sərhədləri 1700 m-ə
qədər aşağı düşür. Bunun əsas səbəbi yuxarı meşə sərhəddində
olan ağacların insanlar tərəfindən qırılmasıdır. Bunun nəticəsin-
də meşə bitki örtüyü əvəzinə çəmən bitki qrupları əmələ gəlmiş-
dir. Məhz buna görə də bu sahələrin torpaqları hazırda dağ-çə-
mən torpaqlarına meyil edirlər. Subalp çəmənlərinin səciyyəvi
bitki nümayəndələrindən dəyişən tonqalotu, alp qırtıcı, üçyarpaq
yonca, mərcanotu və s. göstərmək olar. Bu bitkilərə alp çəmən-
liyində də təsadüf edilir, lakin onların boyları qısa olur.
Subalp bitkilərinin boyları hündür və çox olduğu üçün
bunlardan biçənək kimi də istifadə edilir. Təbii bitki örtüyü po-
zulmamış sahələrdə subalp çəmənliyinin böyük torpaqqoruyucu
qabiliyyəti vardır. Burada bitən müxtəlif dənli və paxlalı bitkilər
torpağı atmosfer çöküntülərinin dağıdıcı qüvvəsindən mühafizə
edir. Dağ-çəmən zonası tədricən meşə zonasına keçir. Lakin belə
qanunauyğunluq Göygöl rayonunda pozulur. Çünki meşərlərin
qırılması ilə əlaqədar olaraq çəmən bitkiləri meşə zonasına soxu-
lub birbaşa mezofil çəmən bitkilərini o cümlədən pişikquyruğu,
qıyıq otu, qısaayaq, orta titrək, mərcan otu, quzu qulağı, üçyar-
paq yonca, qara yonca və s. inkişafı üçün əlverişli şərait yaradır.
Tədqiqat bölgəsi ərazisində olan meşələr Gəncəçay və Kü-
rəkçay hövzələrində daha çox yayılmaqla, dəniz səviyyəsindən
700 m-dən 2100 m-ə qədər olan yüksəklikdə inkişaf tapmışdır.
Burada zonalardan asılı olaraq meşələr müxtəlif ağac cins-
lərindən əmələ gəlmişlər, bunların içərisində fıstıq, ağcaqayın,
palıd, vələs və bəzi ağac növləri üstünlük təşkil edir. Təkcə qa-
yın ağacı meşələri yalnız meşələrin yuxarı hissəsində, başlıca
olaraq Göygöl ətrafında müşahidə edilir.
Kiçik Qafqazın şimal-şərq hissəsində meşə bitki formasi-
yaları şaqüli istiqamətdə aşağıdakı qayda ilə bir-birini əvəz edir.
Alçaq dağlıq qurşaqda gürcü palıdı, orta dağlıq qurşaqda şərq
21
fıstığı, vələs və yuxarı dağ qurşağında isə şərq palıdını gös-
tərmək olar. Burada olan palıd meşələri tək-tək hallarda başqa
ağac cinslərilə qarışır. Bəzən bu ağacların arasında başqa ağac
cinsləri, ağcaqayın və vələs ağaclarına rast gəlinir. Bunlar me-
şənin yuxarı və orta hissəsində inkişaf edirlər. Aşağı qurşaqda
gürcü palıdı, şimal yamacları da daxil olmaqla, müxtəlif eks-
pozisiyalarda bitmişlər. Burada kolluqlara da rast gəlmək olur.
Tədqiqat apardığımız ərazinin iqlimi, relyefi, torpaq örtü-
yü və torpaqəmələgətirən süxurlarının müxtəlif olması orada bi-
tən meşə bitkilərinin rəngarəng olmasına səbəb olmuşdur. Belə
ki, meşənin aşağı qurşağında olan ağacların boyu qısa və meşə-
nin sıxlığı isə 0,1-0,3 təşkil edir. Dağ yamacı ilə yüksəkliyə
qalxdıqca bu ağaclar sıxlaşmaqla yanaşı, hündür boylu və çox
növlü meşələrə çevrilir. Beləliklə quraqlığa davamlı olan meşə
ağacları yüksəkliyə qalxdıqca nəmlik sevən (rütubət) ağac növ-
ləri ilə əvəz olunurlar.
Alçaq dağ-meşə qurşağı dəniz səviyyəsindən 600-1000 m
hündürlüyü olan sahələri tutaraq, əsasən kol bitkilərindən ye-
mişan, əzgil, qaramurdarça, zoğal, alça, vələs və palıd ağacla-
rından ibarətdir. Orta dağ qurşağına qalxdıqca bu kollar azalır.
Orta dağ-meşə qurşağı dəniz səviyyəsindən 1000-1700 m
hündürlükdə, yüksək boylu fıstıq meşələrilə örtülmüş olurlar.
Lakin 1300-1700 m hündürlükdə inkişaf tapmış fıstıq ağacları
hündür boylu olmaqla sıxlaşaraq az növlü ağaclardan ibarət ti-
pik fıstıq sahələri yaradırlar. Burada 3-5 sm qalınlığında meşə
döşənəyi əmələ gəlir, ot bitkisi isə inkişaf edə bilmir.
Yuxarı dağ-meşə qurşağı 1700 m-dən 2100 m-ə qədər qal-
xaraq meşə ağacları bir qədər xırda boylu və seyrək olduqları
üçün ot örtüyünün də inkişafına şərait yaranır. Bu qurşaqda ən
çox işıq sevən şərq palıdına, şimal yamaclarda isə palıd ilə qarı-
şıq şərq fıstığına rast gəlinir. Daha yüksəyə qalxdıqca palıdın sa-
yı çoxalır, fıstıq isə azalır və nəhayət itir. Bəzi sahələrdə bu toz
ağacı ilə əvəz olunur.
Müəyyən edilmişdir ki, meşə bitki formasiyasının şaquli
zonalıq üzrə belə dəyişməsi başqa amillərlə birlikdə torpaq tiplə-
rinin də dəyişməsinə böyük təsir göstərir. Belə ki, alçaq dağlıq
Dostları ilə paylaş: |