15
davam etdirirlər. Təsvir olunan zonada şimala doğru relyefin
meyilliyi tədricən azalaraq maili düzənlikdə itirlər.
5. Gəncə maili düzənliyi - Bu geomorfoloji zona tədqiqat
apardığımız ərazinin şimal hissəsini əhatə etməklə hündürlüyü
dəniz səviyyəsindən 450-400 m-dən az olan sahələri əhatə edir.
Bu sahə dağətəyi zona ilə Kürçayı arasında yerləşir. Onun
qərbdən
sərhəddi Şəmkirçay, şərqdən isə Kürəkçaydır.
Gəncə maili düzənliyi relyefin sadəliyi ilə o biri zona-
lardan kəskin surətdə fərqlənir. Bu zonadan şimala doğru get-
dikcə yastı maili düzənliyin sahəsi genişlənir və şimalda Kür-
çayı dərəsi ilə kəsilir. Düzənliyin Kürçayı ilə kəsişdiyi yer çoxlu
miqdarda qobu, yarğan, dərə və s. vasitəsilə parçalanmışdır, əra-
zinin bu hissəsindən axan çaylar düzənliyin dərin parçalan-
masına səbəb olubdur. Belə ki, düzənliyə çıxdıqdan sonra Şəm-
kirçayın dərəsinin dərinliyi 30-40 m, Gəncəçayın isə 40-60 m və
daha çoxdur. Çay dərələrinin dərinliyinin belə artması bu sahə-
lərdə qobu eroziyasının da intensiv surətdə getməsinə təsir gös-
tərmişdir. Bəzi çaylar isə dayaz yataqlarla axaraq, gətirdikləri
çöküntüləri düzənliyin səthinə yayır. Buna misal Kürəkçay,
Qoşqarçay və s. çayları göstərmək olar.
1.3 Torpaqəmələgətirən süxurlar
Məlum olduğu kimi torpaqəmələgətirən süxurlar torpaq-
ların formalaşmasında çox böyük rol oynayırlar. Belə süxurların
mineraloji tərkibi torpaqların geokimyəvi tərkibini əmələ gətirir
və onun münbitliyini zənginləşdirir. Kiçik Qafqazın şimal-şərq
yamacı sinklinallarında, xüsusilə də Murovdağ, Şahdağ silsi-
ləsinin
şimal yamacları püskürmə və çökmə süxur
komplekslərinin olması ilə səciyyələnir. Tədqiq etdiyimiz region
daxilində yura çöküntüləri vulkanogen xarakter daşıyaraq dağlıq
zonada daha çox yayılmışdır. O, müxtəlif kvarslı porfirlərin,
onların tuflarının və tuf brekçiyalarının qalın qatlarından iba-
rətdir. Onların arasında qumdaşı tipli
normal çökmə süxurlara və
gilli şistlərə də rast gəlinir.
16
Əhəng daşları adətən sinklinallarda olmaqla Göygöl
yaxınlığında və Kəpəz dağında xeyli inkişaf etmişdir.
Senoman çöküntüləri Qoşqarçay ilə Gəncəçay arasında
yayılmışdır. Tədqiqat apardığımız rayonun şimal hissəsində
akkumulyasiya prosesi üstünlük təşkil edir. Təsvir edilən sahədə
dördüncü dövürə aid olan karbonatlı gilli və gilləcəli süxurlar
geniş yayılmışdır.
1.4
Göygöl bölgəsi ərazisində iqlimin əsas xüsusiyyətləri
Torpaqəmələgəlmə prosesində və eləcədə torpaqların ero-
ziya prosesinə məruz qalmasında iqlimin çox böyük rolu vardır.
Qeyd etmək lazımdır ki, təbii amillər içərisində eroziya
prosesinin əmələ gəlib inkişafında başqa amillərə nisbətən iqlim
və ilk növbədə yağıntılar həlledici rola malikdir.
İqlim parametrləri torpaqəmələgəlmə prosesində də böyük
əhəmiyyətə malikdir.
Ərazinin dağətəyi düzən hissəsində yağıntıların azlığı və
orta temperaturun nisbətən yüksək olması səciyyəvidir. Ərazinin
orta dağlıq və yüksək dağətəyi zonalarında illik yağıntıların
miqdarının tədricən artması və orta illik temperaturun yüksəkli-
yə qalxdıqca aşağı düşməsi nəzərə çarpır. Yüksək dağlıq qurşaq-
da yağıntıların miqdarı artır, temperaturun miqdarı xeyli azalır.
Göygöl bölgəsi ərazisi mürəkkəb geomorfoloji quruluşa
malik olduğu ilə əlaqədar burada müxtəlif iqlim tipləri mövcud-
dur.
E.M.Şıxlinski Kiçik Qafqazın şimal və şimal-şərq his-
səsində iqlimi rayonlaşdırarkən 4 iqlim tipi ayırmışdır ki, bunlar
şaquli zonallıq qanununa uyğunluq təşkil edir.
1.Yüksək dağlıq
tundra iqlimi
2.Soyuq və quru qış iqlimi
3.Mülayim isti və quru qış iqlimi
4.Mülayim isti yarımsəhra və quru çöllərin quru qış iqlimi
Bu zonaların içərisində yamacın baxarlığı mütləq yük-
səkliklərdən
relyefin formalarından asılı olaraq iqlim
parametrləri dəyişir. Tədqiqat obyekti olan Kiçik Qafqazın şimal