fokusunu müəyyənləşdirməyə kömək edirsiniz. Bu yazını hazırlamağı
asanlaşdırır və daha məntiqlidi.
4. “Nə üçün ?” və “Necə ?” sualları
Elə suallar ver ki, müsahibin fikirlərini izah etməyə, dəqiqləşdirməyə
həvəslənsin. Birmənalı hə ya yox cavablandırılacaq suallardan çəkin.
“Nə üçün” və “necə” ilə başlanan suallar verin.
“ Nə üçün şəhərin sürüşmə riskli zonalarında tikinti yasaq olunmur ?”
“Nə üçün sizin aptekdə holoqramsız dərmanlar satılır ?”
“ Sərhəd rayonlarının monitorinqi necə həyata keçirilir ?”
Sualları qısa formalaşdırın. Bəzi jurnalistlər öz danışıqlarına qulaq
asmağı xoşlayırlar. Uzun-uzadı suallar verirlər. Müsahib özünü itirə, sualın
əvvəlini unuda bilər. Suallarınızı birbaşa və sadə verin. Sizin işiniz öz
parlaq, təkrarsız intellektinizi nümayiş etdirmək yox, informasiya
toplamaqdı.
5. Qulaq as, ayıq ol, qayğıkeş görün
Dediyim kimi, sizin işiniz müsahibinizə qulaq asmaqdı, ona mühazirə
oxumaq, ya mübahisə etmək deyil. Öz rəyinizi özünüzdə saxlayın. Amma
bu, o demək deyil ki, siz sadəcə qeyd edən robot olmalısınız. Siz diqqətlə
qulaq asmalısınız. Nə deyildiyi haqqında düşünməlisiniz: Cavablar və
şərhlər hansı emosiyalar doğurur? Müsahib suallarıma doğru cavab verirmi?
Müsahibin nə dediyi haqqında düşünün, növbəti nə sual verəcəyinizi yox.
Bəzi qeyri-adi faktlar üçün ayıq olun. Əgər müsahib gözləmədiyiniz
istiqamətdə maraqlı şeylər deyirsə buna reaksiya verin. Dəqiqləşdirin.
Müsahibəyə xüsusi hazırlıq görməyib gələn jurnalist imtahana
hazırlıqsız gələn tələbəyə oxşayır. Doğrudan qulaq asın, özünüzü qulaq asan
kimi göstərməyin. Təzə başlayan jurnalistlər elə həyəcanlanırlar ki, gözlərini
öz hazırladıqları suallardan çəkmirlər, heç başlarını qaldırıb müsahiblərinə
belə baxmırlar. Cavaba qulaq asmadan növbəti sualı vermək bəzən gülməli
situasiya yaradır.
– Mən bilirəm ki, siz altı ildi ki, evlisiniz. Yoldaşınız necədi?
– Keçən həftə rəhmətə getdi?
– Çox yaxşı, bəs uşaqlar necədi?
6. Müsahibənin sonu
Müsahibinizə sizə ayırdığı vaxt üçün təşəkkür edin. Lakin ona
verəcəyiniz üç yekun sualını unutmayın.
•
Sizin deyəcəyiniz vacib heç nəyi soruşmağı unutmadım ki?
•
Siz bu predmetlə bağlı bilgisi olan başqa bir adamı məsləhət
görürsünüzmü?
•
Mənim başqa suallarım yaranarsa sizə yenidən zəng edə bilərəmmi?
(Əgər mümkünsə, müsahibin ev və mobil telefon nömrələrini götürün).
Müsahibədə ünsiyyətin bütün üsullarından istifadə olunur – həm verbal,
həm geyri – verbal.
Psixologiyada ünsiyyətin üç distansiyası müəyyən edilir:
•
Publik (beş metr məsafədən artıq)
•
Şəxsi (bir metrdən üç metrə qədər)
Yaxın (yarım metrdən az). Adətən bizim jurnalistlər bu distansiyanı
seçirlər. Çox adamlar, xüsusilə də xaricilər üçün bu diskomfort doğurur.
Söhbət zamanı yaxın distansiyanı seçməyin, çəkingən müsahib uzaqlaşmaq
üçün sadəcə sizinlə danışığı kəsə bilər.
MARAQLIDI
Ünsiyyət vasitələri iki yerə bölünür
Verbal (dil) – şifahi və yazılı nitq
Qeyri –verbal. Buraya daxildi:
a.
kinesika (mimika, jestlər, duruş, yeriş);
b.
proksemika (ünsiyyətin vaxt-yer baxımından təşkil
olunması);
c.
paralinqvistika (nitqin ,səsin hündürlüyü və tonu, qülüş,
intonasiyalar, səsin tembri);
d.
göz kontaktı.
ÇALIŞMALAR:
1.
Qrupla
birlikdə
müsahibə
prosesini
ə
vvəldən
axıra
modelləşdirin. Şərti müxbir, redaktor, fotomüxbir təyin edin. Real
insanlarla müsahibə almaq üçün şərtləşin. Müsahibəyə hazırlıq
prosesindən
tutmuş
son
addımlarınıza
kimi
planlaşdırın.
Müsahibləriniz:
- gerçəkliyimizin adi, alışdığımız personajları - müəllim, zavodda
fəhlə, fermer, biznesmen, bazarda satıcı;
- praktik olaraq deməyə heç nəyi olmayan, amma reklama çan
atan ikinci dərəcəli siyasətçi;
- istedadı böyük şübhə doğuran estrada müğənnisi
olacaq.
Hazırladığınız
materiallar
ə
sasında
jurnalistika
fakiltəsinin 1-ci kurs tələbələri üçün “Müsahibə almaq qaydaları”
başlıqlı yaddaş hazırlayın.
2. Müəllimlə birlikdə dövlət rəsmisinin keçirdiyi mətbuat
konfransının videoyzısını izləyin. Jurnalistlərin verdiyi sualları təhlil
edin, dəyərləndirin. Siz hansı sualları verərdiniz?
Ə
DƏB YYAT
1.
Brooks S.B., Kennedy G., Moen R.Daryl, Ranly D. News Reporting
and Writing., NY, Bedford/St.Martin’s, 2002. p. 50- 118.
2.
2.Repkova T. Yeni Dönəm: Demokratik cəmiyyətdə peşəkar qəzet
buraxmaq yolları. Bakı, Qanun, 2006. s. 236-238.
3.
Rgndall D. Universalğnıy jurnalist, M., RroMedia, 1996. s. 30-39.
4.
Şostak M. . Reporter: professionalizm i gtika, M., «R P –xoldinq»,
2002. s. 44- 49.
5.
Spravoçnik dlə jurnalistov stran Üentralğnoy i Vostoçnoy Evropı,
M., zd. “PPP”, 1993. s. 12-14.
Dostları ilə paylaş: |