Çox asandır, deyilmi? Hamının razı qalması üçün sadəcə Xəbər
piramidasını çevirmək lazımdır. Bəs bunu necə etməli? Arximedi xatırlayaq.
O deyirdi: “Mənə dayaq nöqtəsi verin, Yer kürəsini çevirim”. Elə isə Xəbər
piramidasının dayaq nöqtəsi nədir ki, onu tapanda piramidanı çevirə biləsən?
Təcrübəni bölüşənlər
Sevinc Abdullayeva (1959) 1982-ci ildə BDU-nun jurnalistika fakültəsini
bitirib. Peşəkar jurnalist fəaliyyətinə 1983-cü ildə Azərinformda müxbir kimi
başlayıb, şöbə müdiri, baş redaktor vəzifələrinə qədər yüksəlib. 1998-ci ildən
R TA-SÖTA agentliyinin Azərbaycan üzrə xüsusi müxbiridir. nformasiyanı
“kiçik bir əsər” kimi qiymətləndirən S. Abdullayeva onu 20-30 sətrə
sığışdırmağın sirlərini bölüşür:
stənilən informasiya üç əsas suala cavab verməlidir: Nə? Harada? Nə
zaman? Jurnalistikanın klassik qanunu bu cür səslənsə də, çətin ki, müasir
oxucunu belə xəbərlə maraqlandıra biləsən (əlbəttə, əgər qeyri-adi bir hadisə baş
verməyibsə). Musiqili Komediya Teatrında hansı bir gündəsə orta ümumtəhsil
məktəbləri müəllimlərinin konfransının keçirilməsi barədə xəbərin oxucunu
maraqlandıra biləcəyinə şübhə edirəm. Amma bu informasiyanın ilk cümləsində
Azərbaycanda 12 illik orta təhsilə keçidə hazırlığın başlandığı bildirilərsə və
məhz bu məsələnin konfransda müzakirə olunduğu xəbərlənərsə, əlbəttə,
informasiya diqqəti cəlb edər.
Adətən, oxucunun xəbərin dərinliyində gizlənən hadisənin mahiyyətini
tapmağa nə vaxtı olur, nə də həvəsi. Odur ki, oxucuya çatdırılacaq əsas məlumat
xəbərin ilk cümləsində, lidində yer almalı, informasiyanın başlanğıcı onun
kulminasiya nöqtəsi olmalıdır. Çevrilmiş piramida bu prinsiplə işləyir: güclü lid
və onun üzərində qurulan xəbər.
nformasiya janrında işləmək, peşə vərdişlərinə yiyələnmək istəyən gənc
jurnalistlərlə bəzi peşə sirlərini açmaq istərdim.
Birinci. Lid informasiya ilə zəngin olmaqla yanaşı, həm də “ləzzətli”,
qeyri-adi olmalıdır. Qəliblərdən və trafaretlərdən qaçın, daim yaradıcılıq
axtarışında olun. Bu, öz bəhrəsini verəcək. R TA-SÖTA-da bir zamanlar
aşağıdakı fraza ilə başlanan informasiya janrın klassikası sayılırdı: “Hətta ən adi
qaşıq belə Xoxlamada
30
hazırlanıbsa, əsl sənət nümunəsi ola bilər”. Bu xəbərdə
söhbət xalq sənəti nümunələrinin sıradan bir sərgisindən gedirdi. Amma müəllif,
fikrimcə, belə bir parlaq lid tapmaqla şablondan qaça bilmişdi.
kinci bir məsələ, informasiyanın kompozisiyasıdır. Onu elə qurmaq
lazımdır ki, xəbəri məzmuna xələl gətirmədən kəsə biləsən. Məlumatın önəmi
xəbər sona yetdikdə azalmalıdır. Bu da çevrilmiş piramidanın effektidir.
Şübhəsiz, təfərrüat, detallar, nüanslar istənilən material üçün vacib
elementlərdir. Amma operativlik naminə onları qurban vermək olar. Axı
informasiya jurnalistikanın ən sürətli və rəqabətə davamlı janrı sayılır.
nformasiya agentliklərindən fövqəloperativlik tələb olunanda onlar rəqibləri
önləmək üçün tez-tez ildırımsürətli fləş-xəbərlərin verilməsi praktikasına
müraciət edirlər. Adətən fləş-xəbər bir neçə cümlədən ibarət olur.
nformasiyanın müxtəlif versiyaları isə sonra hazırlanır. Məhz bu versiyalarda
bir qədər əvvəl qeyd etdiyimiz detallar, ekspert qiymətləndirmələri öz əksini
tapır.
Sənətdə ilk addımlarını atan xəbərçi-jurnalistlərə deyirlər: barəsində
yazdığınız xəbər haqqında şəxsi mülahizələriniz heç kimə maraqlı deyil. Bu da
30
Rusiyada xalq sənət nümunələri ilə məşhur olan şəhər
janrın qanunlarından biridir. (Hərçənd ki bu dünyada hər şey nisbidir. Jurnalist
xəbərdə öz münasibətini birbaşa bildirə bilməsə də, onun münasibəti hadisəni
işıqlandırarkən oxucunu maraqlandırmaq üçün seçdiyi rakursda əks olunur). Elə
buna görə də, müxtəlif mənbələrə istinadlar informasiyanın ayrılmaz hissəsidir.
Burada əsas qayda balansı gözləməkdir. Yalnız bir baxışın əks olunduğu
informasiya kamil deyil, yarımçıqdır, o, əsas keyfiyyətdən – obyektivlikdən
məhrumdur.
Xarici informasiya agentliyində çalışan jurnalist kimi bunu da bildirməyi
borc sayıram: informasiyanı yazarkən onun yerli ya xarici oxucular üçün
hazırlandığı mütləq nəzərə alınmalıdır. Auditoriyadan asılı olaraq məlumatın
rakursu müəyyənləşdirilir. Məsələn, materialda dövlət başçısının hökumətin
sosial siyasətinə aid bəyanatı işıqlandırılır. Yerli oxucuya neftdən gələn gəlirlər
hesabına minimum əmək haqqının və pensiyaların artırılması xəbəri önəmli
olduğu halda, xarici oxucunu məsələnin qlobal aspekti cəlb edir. Məsələn,
hökumət sosial-iqtisadi siyasətinin prioritetlərini dəyişir, neft dollarını insanların
rifahını yüksəltməyə, təhsil və səhiyyə sisteminin inkişafını sürətləndirməyə
yönəldir. Bu zaman balansa nail olmaq üçün qarşı tərəfin, müxalifətin fikirləri
və bu tipli bəyanatların qiymətləndirilməsində az-çox obyektiv mənbə olan
statistik məlumatlar verilməlidir.
Çoxları informasiyanı jurnalistikanın ən asan janrı sayır. Fikrimcə, bu
yanlış bir təsəvvürdür. nformasiya öz kompozisiyası, süjet xətti, kulminasiyası
və açılışı olan kiçik bir əsərdir. Və onu 20-30 sətrə sığışdırmaq heç də asan iş
deyil.
Lid – Xəbər piramidasının dayaq nöqtəsi
Dostları ilə paylaş: |