135
xordan, bəlkə yataqxanadan, bəlkə do xəstəxanadan dedi. Mən e::raz etdim və dedim ki, dünən o özü,
Vilhelm kitabxana ilə çox maraqlanmışdı. O da başqalarının dediyi ilə deyil, öz xoşuna gələn şeylərlə
maraqlanmaq istədiyini söylədi. Lakin kitabxana, əlbəttə ki, diqqət mərkəzindədir və buna görə də oraya
girrməyə cəhd etmək pis olmazdı. Hadisələr elə istiqamət almışdı ki, marağımıza imkan verməliydik ki,
bizi qonaq olduğumuz monastırın qaydalarına və adətlərinə hörmət və nəzakətin sərhədindən kənara
çıxarsın.
Kilsənin həyətindən uzaqlaşdıq. Rahiblər messa ayinindən sonra xordan çıxırdılar. Biz kilsənin qərb
divarı boyunca gedərkən Berenqarın yan qapıdan çıxıb, məzarlıqdan keçərək Binaya :ərəf tələsdiyini
gördük. Vilhelm onu səslədi, Berenqar dayandı və biz ona gəlib çatdıq. O, kilsədə gördüyümüzdən daha
həyəcanlıydı, Vilhelm Bensio kimi onu da qəflətən yaxalamağı qərara aldı.
“Belə çıxır ki, Adelmonu son dəfə görən sənsən”, - o, Berenqara dedi.
Berenqar bayılacaqmış kimi səndələdi. “Mən?” - deyə zorla eşidiləcək səslə soruşdu. Vilhelm, yəqin
ki, Bensionun Berenzarla Adelmonu kilsənin həyətində söhbət edərkən gördüyü barədə sözlərini
xatırlayıb, onu yoxlamaq üçün bu sualı vermişdi Lakin o, gözlənilmədən hədəfi vurmuşdu. Berenqar indi
həqiqətən baş vermiş başqa bir son görüş haqqında düşünürdü. Çünki qırıq-qırıq səslərlə danışmağa
başladı:
“Belə deməyə nə haqqınız var, mən də onu hamı kimi, .atmazdan əvvəl görmüşəm!”
Lakin Vilhelm ona nəfəs aldırmamağı qərara almışdı. “Yalandır, onu daha sonra da gördün və son
göstərmək istədiyindən də çox şey bilirsən. Lakin indi iki qətldən söhbət gedir! Və sən susa
bilməyəcəksən! Bir insanın dilini açmağın çox üsulu olduğunu yaxşı bilirsən!”
Vilhelm mənə dəfələrlə demişdi ki, hələ inkvizitor olduğu zamanlarda işgəncələrə əl atmaqdan imtina
etmişdir. Lakin bu-
nu bilməyən Berenqar onu yanlış anladı. Bəlkə də Vilhelm özü yanlış başa düşülməyini istəmişdi. Nə
136
olursa olsun, o, məqsədinə çatmışdı.
“Hə, hə, - Berenqar çətinliklə dedi və göz yaşlan içində boğuldu. - Hə, mən həmin axşam Adelmonu
görmüşdüm, amma ölüsünü!”
“Harada, - Vilhelm soruşdu, - yamacın ətəyindəmi?”
“Yox, yox, burada, yuxanda, məzarlıqda. Qəbirlərin arasında gəzirdi, kabuslar arasında kabus,
soxulcanlar içində soxulcan kimi... Onunla rastlaşdım... və qarşımdakının canlı insan olmadığını dərhal
anladım, onun üzü meyit üzü kimiydi, gözləri indidən əbədi əzabla yanırdı... Əlbəttə ki, mən yalnız ertəsi
gün onun kabusu ilə söhbət etdiyimi anladım... onun ölümünü öyrəndikdən sonra... lakin o anda belə,
lənətlənmiş bir ruh, bir həyula gördüyümü dərk etmişdim... Ey Uca Tannm, onun boğuq səsi sanki
qəbirdən gəlirdi!”
“Bəs nə dedi?”
“Mən lənətləndim! - mənə belə dedi. - Qarşında cəhənnəmdən xortlamış birini görürsən, dönüb
gedəcəyim yer də cəhənnəm! - mənə belə dedi. Mənsə qışqırdım: “Adelmo, doğrudanmı cəhənnəmdən
gəlirsən? Cəhənnəm əzabı necə olur?” Tir-tir əsirdim, çünki həmin gün axşam duasında Tanrı qəzəbi
haqqında dəhşətli səhifələrin oxunduğunu dinləmişdim. Mənə dedi: “Cəhənnəm əzabı dilimizin deyə
biləcəyindən qat-qat böyükdür. Bu günədək büründüyüm bu idrak pərdəsini görürsənmi? O qədər ağırdır
ki, elə bil, Parisin ən böyük qülləsini, ya da dünyanın ən yüksək dağını belimdə daşıyıram, əzir məni. Və
bu yükü ata bilməyəcəyəm. Bu cəza boş qürurum üzündən, bədənimi ləzzətlər yuvasına çevirdiyim üçün,
başqalarından çox bildiyimi zənn etdiyim üçün təxəyyülümün yaratdığı idbarlardan zövq alaraq, bundan
ruhumun da eybəcərləşdiyini bilmədiyim üçün ilahi ədalət tərəfindən mənə verildi - indi əbədi olaraq
onlarla yaşamağa məhkumam. Görürsənmi? Bu lənətlənmiş örtük bədənimi köz kimi, alov kimi yandırır;
bu cəza Tanrıya xoş getməyən cismani günahlanmdan ötrü mənə verildi, indi bədənim
137
od tutub yanır; cismani pislikləri bəslədim mən... və indi bu tükənməz alovun içində yanıb qovruluram!
Əlini ver mənə, əziz ustadım, - mənə belə dedi, - qoy bu görüş mənə verdiyin dərslərin əvəzi olaraq, ibrət
olsun sənə; əlini toxundur mənə, mehriban ustadım”, - və alov içində yanan barmağını əlimə toxundurdu;
odlu bir tər damlası düşdü əlimin üstünə və sümüklərimə qədər yandırıb-yaxdı; yaranı günlərcə hamıdan
gizlədim. Sonra qəbirlərin arasında gözdən itdi, ertəsi gün məzarlıqda danışdığım adamın uçurumun
dibində cəsədinin tapıldığını öyrəndim...”
Berenqar boğula-boğula göz yaşı tökürdü. Vilhelm sonra soruşdu: “Bəs o nə üçün sənə “Əziz ustadım”
deyirdi? Axı siz yaşıdsınız. Ona nəsə öyrətmişdinmi?”
Berenqar titrəyə-titrəyə əyildi, kukolunu üzünə doğru çəkdi, diz çöküb Vilhelmin ayaqlanndan yapışdı:
“Bilmirəm, məni nə üçün belə çağırdığını bilmirəm, mən ona heç bir şey öyrətmədim!” - Hıçqırıqlar içində
boğulduğundan zorla danışırdı. - Qorxuram, ata, yalvarıram, günahlarımı sizə deyib tövbə etmək
istəyirəm, rəhm edin mənə, içimi bir şeytan gəmirir!”
Vilhelm kənara çəkildi və onu qaldırmaq üçün əlini uzatdı. “Yox, Berenqar, - o dedi. - Məndən tövbəni
qəbul etməyi istəmə, öz dilinin cilovunu açıb, mənim ağzıma möhür vurmağı istəmə. Səndən öyrənmək
istədiyim hər şeyi deyəcəksən mənə. Deməsən belə, özüm ortaya çıxaracağam. Diləyirsən, mərhəmət dilə
məndən, susmağım üçün yalvarma. Bu monastırda həddindən çox insan yalnız susmağı bacarır. Yaxşı olar
ki, cavab verəsən, gecənin zil qaranlığında onun üzünün solğun olduğunu necə gördün, yağmurlu, fırtınalı,
qarlı bir gecədə əlini necə yandırdın, məzarlıqda nə edirdin? Hə, tez ol! - deyə Berenqarın çiyinlərindən
tutub bərk silkələdi. - Heç olmasa, bunu de!”
Berenqarın bütün bədəni titrəyirdi. “Məzarlıqda nə etdiyimi bilmirəm, xatırlamıram. Üzünü necə
gördüyümü bilmirəm... Bəlkə də əlimdə işıq vardı... Yox, onun əlində işıq vardı; deyəsən, şam tutmuşdu
əlində... amma onun üzünü gördüm mən... bəlkə də şamın işığı düşmüşdü...”
Dostları ilə paylaş: |